Yaaꞌoo 11:12 - Kafa Linguistics Project

¹² Arooba hini are keemechinaꞌo “Hach keyote” immi ooge qaaroon shimaayoochee waayeheete; boonoshi shixechinaꞌo ciinnii beetaa, quboona shimaajj kechiyeete.

Yaaꞌoo 11:12 ပူးပေါင်းရင်းမြစ်များ

2 Taateenaꞌo 2:1

Doono Yeeri Eliyaasin yuboona shimaajj bi daammemmi aabo shagaa, Eliyaasinaa Elisayina Galigalee showoochee tiyii qaxiriyeete.

2 Taateenaꞌo 2:11

Yibbaateebee, qaxirii boonoshi beetaa, diqqoona qaaqqee haresheenaꞌona geecheebeeti qaaqqee gaari boonoshi daggooch giyiꞌi, boonoshin gutta qoodiye. Eliyaasi yuboona shimaajj hammiye.

2 Taateenaꞌo 2:5

Yaarika beeti, ikke guuphi keemechinaꞌo Elisayi waan waaꞌi biich, “Doono Yeeri ne doono Eliyaasin hanaach neyee bariiree daammemmo bi tunoon ariitine?” iyeete. Biyoo wochiꞌi, “Eeha, ariito taane; cikki qayote” iye.

2 Taateenaꞌo 2:7

Eliyaasinaa Elisayina Yoordaanoosi aachi gashooch neexeꞌi beetaa, keemechinaꞌochi guuphi daggoochee aache asheenaꞌo hammiꞌi, boonoshi ciinooch giishechoon wokkiꞌi neexeheete.

Shoddo 112:10

Gonde asho ebin beegiree ippemmone; gasho shaaccemmone; muuyishoo gettemmone; gondeenaꞌochi qaatoo duubemmone.

Shoddo 15:1

Doono Yeero, ne duukkaanooch kotoon hakkemmo konine? Yaafeeti ne geppooch beemon hakkemmo konine?

Shoddo 24:3

Doono Yeerichi geppooch keyon hakkemmo konine? Yaafee bi xaaꞌooch neexoon hakkemmo konine?

Shoddo 86:17

Doono Yeero, taan ne gaachoonaa ne goggiyoonon, taan shixxii beetinaꞌo beegiree yeellemmoyich, taan gaawe aafoona ne ciinni malletoon taach bekkiibe.

Keyo 14:25

boonoshi gaarinaꞌochi gengoo guudaachemmoyichoo tuniihe. Gibitseenaꞌo “Doono Yeeri Israꞌeeleenaꞌo qoodoon noonna koyeeniye bi beeto; ebich boonoshi waanee woci wohone” iyeete.

Isiyaasi 14:13

Ne mulloona ishichihine: ‘Shimaajj kechemmo taane; ta taatee qeenonoo Yeerichi xojjeneenaꞌoyee tookk tuniyemmo taane; wohooch, dambi-waan beeti, nuggisheenaꞌochi iitee xaaꞌooch kotemmo taane;

Isiyaasi 40:31

Tunebaani Doono Yeerin gibenoona quyee beetinaꞌo, boonoshi giidoo andiremmone; booyochoommon qoshoona yoobbemminaꞌone; woccemminaꞌone, taahachemminaꞌone; hammemminaꞌone, maraateyaachemminaꞌone.

Isiyaasi 60:8

“Boonoshi kexooch wotteebeeti uggeenaꞌochoommon, quboochoommonoo, yoobbiibee waabeeti eboshi konoshine?

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

Luqaasi 16:23

Siꞌooloochaa oogichiꞌi xuuxeebee, bi aafoon kaachiꞌi wohooch beeti Abrahamin ciinniye; bi sheenoochoo Alazaari beemon beeggiye.

Mishiraachechinaꞌo 1:9

Yesuusi ebin bi gettitoyee gubb, bi wocheti mishiraachechinaꞌo ciinnii beetaa, shimaajj kechiye; quboo boonoshi aafoochee biin qeriye.

1 Tasaloonqi 4:17

Aroyee gubb batt kashoona beeti no, yongee toommoochaa Doono Yesuusina danoyich, boonoshina tookki tiijjaa quboona hammemmo noone; ebiyoommon bulli aaboon Doono Yesuusina tookki beeyemmo noone.

Yaaꞌoo 12:5

Aageteenaꞌo bullin xuuree gumboona hajjemmi anaami bushoon shiyahan; bushoonoo Yeerinaa Yeerichi taatee qeenona beetooch daammiyeete.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.

Yaaꞌoo 4:1

Aroyee gubb ciinneho; ebiyoche shimaajji taatee xaaꞌooch qecheeti kello beete; shiichaꞌa ta waayeti tiree qaaroommi qaaro, “Hach damba keyi wobe! Ebiyee gubb tunemmi mooyon neech bekkiyemmo taane” iye.