Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yaaꞌoo 10:5 - Kafa Linguistics Project

5 Aroochee baharoonaa showoonooch neexeꞌi bi beetaa ta beeggeti maraakoo bi qanne kishoon shimaajj kaama wochii yaggiye.

အခန်းကိုကြည့်ပါ။ ကော်ပီ




Yaaꞌoo 10:5
29 ပူးပေါင်းရင်းမြစ်များ  

Abraami Sodoomi taatoyich ishichiye: “Shimaayoonaa showoonon halliti, Beshe Nuggishoo Doono Yeer waan ta kishoon kaama tiijjaꞌa wogehoye.


Ne ikkeeto baach Doono Yeeri neene; shimaayoon, shimaayeexi shimaayoon, boonoshi daggoochoo beeto bullin, showoonaa bi toommooch beeto bullinon, baharoonaa bi daggooch beeto bullinonoo hallito neene; bullichona kashoon immaabeeto neene. Shimaayeexi halleenaꞌo bulliyoo neech goyinnee beetinaꞌone.


Yaaqobichi Nuggishoon bi gaachoo, bi Nuggishoo Doono Yeerinoo bi gibeno, tuniito diireetone.


Doono Yeeri ta, shimaayoonaa showoonon, baharoonaa boonoshi daggooch beeto bullinon shiritte qemona hallaꞌa, shabaattinnee qemooba ta kashetoyich, shambetee aaboon diirii yaafito taane.


Abrahamich, Yisaaqinaa Yaaqobinoyich imma ta wogeti showooch ittoshin giijjemmo taane; ittoshi hajjoon tuniiree ittoshich immemmo taane. Ta, Doono Yeeri taane’ itone gete” iye.


Boonoshich imma ta gibenikkiti ejjoonaa eeyona xuupphiibeeti showooch, showoo bulliyee beshe gaawe showooch boonoshin giijjaachemmo ta tunoon barahoochaa boonoshich wogeho.


Andoo aageteenaꞌo daggooch, showeenaꞌoochoo boonoshin shaccemmo ta tunoon barahoochaa boonoshich wogehoye.


Boonoshich imma ta wogeti showooch boonoshin deebeto taane; tunebaani boonoshi geppeenaꞌonaa waajjechi mixinaꞌonon beeggiꞌi aroochaa deejjooch giyiyeete; buuroon giddiyoona, gaawe cinnechi ixaanoon shoohona, uyee deejjoonoo taan ippiiheete.


Ittoshi qaabbechinaꞌoyich imoyich wogoon ta giyeti Israꞌeelee showooch ittoshin wochaa ta deebiyooba, Doono Yeeri ta tunoon ariyemmo ittoshine.


Boonoshichoo Nuggishoo Doono Yeeri ishichiye gete: ‘Israꞌeelin ta kaaccehooba, Yaaqobi yareenaꞌoyich ta wogehooba, Gibitsee showoochaa boonoshich taan ta arichiihooba, “Ta, ittoshi Nuggishoo Doono Yeeri taane” iyaꞌa boonoshich wogeto taane.


Ebich Nuggishoo Doono Yeeri ta ishichiyoye: Ittoshi guudoona beeti aageteenaꞌo boonoshi qelloona naagee naboona xuuxemminaꞌo boonoshi tunoon wogehoye.


Ebi showoon tachiree qoodeebote; ittoshi qaabbechinaꞌoyich imma ta wogetoyich, ebi showoo ittoshich iristoon tunemmone.


Aacoyee tookk beeti, muttee tuppoochee shippeti tahoon taheti ebi maraakoo bi gutte kishoon shimaayooch tiijjiꞌi, “Ebi keejje nattaa qatooch ceennemmone. Yaafeeti asheenaꞌochi giidoo ciirehooba, ebi mooyo bulli ceennemmone” iꞌi, bulli yemeenoon beeyecho tuneti Yeerichi shigoon ceeggii bi wogaa beetaa waayeho.


“Hini asheenaꞌote! Ebin amoyich shuunee beetote? No ittoshiyoommi asho noone. Hiniich no waato, hini duube mooyinaꞌoyich goyinnoochee shimaayoonaa showoonon, baharoonoo, boonoshi daggooch beetinaꞌo bullinoo halliti, beeyecho tuneti Yeer waan ittoshi wottemmoyich, mishiraachee qaaroon ittoshich gettaniye.


Ishichaa ta gettaabeeto, ittoshi goyinneebeeti xaaꞌeenaꞌon guuddaa beeggaꞌa, ‘Aricheyaani nuggishoo’ getaa kooreeti deejjee xaaꞌoon ta danetoyichiye. Illa and ittoshich ta gettaabeeto, ‘Aricheyaani nuggishoone’ iꞌi ittoshi goyinneebeeto, koni bi tunooniye.


Yeeri alemoon bi hallitoochee tiijjiꞌi bekkeyaani bi mooyinaꞌo, eboshiyoo bulli yemeenee bi giidoonaa bi nuggishittinoona, bi halliti mooyinaꞌoochee aricheꞌi asheenaꞌoyich xalla bekkee beetinaꞌone; ebich boonoshi wochemmi noonoo boonoshich aalloone.


Beeyechi Nuggishoo Yeeri ta tunoona, ta kishoon tiijjaa wogehoye.


Yeeri Abrahamich bi gibenikkiyooba, “Iberoon neen diiremmo taane; ne yaroon meechemmo taane” iꞌi, biyee beshe baroo aallo bi tunetoyich, bi qelloona wochii wogehe.


Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.


Gaxxeeti giisheche macaafeen bi kishooch yechitone; bi qanne baatoon baharee toommooch, bi yooche baatoonoo showee toommooch geddiye.


Biyoo oogeti qaaroona “Yeeri nallemmi aabo shaggitone; ebich Yeerin shatote; biich oogoon imbote; shimaayoonaa showoonon, baharoonoo, aachi xuupheenaꞌonoo hallitoyich goyinnebote” iye.


Shabaattinnee maraakoo bi yechiti xoofoon yongee toommooch ukkiye; yaafee kechi maac beeti taatee qeenoochaa “Mooyo bulli ceennite” immi ooge qaaro waayeehe.


Ebi kashechi awudde halleenaꞌo taatee qeenooch koteti, bulli yemeenoon beeyechoyich “Oogee yiirecho neene; oogoo neene; ne tuniito bullichoo galleteeto neene” boonoshi immona,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ