10 Maraakoo kishoochee ebi giisheche macaafeen daammaꞌa maaho; ta kookkoochaa eeyochoommon nooccahan; tunebaani ta maatoyee gubb ta maacee daggoochaa caammahan.
Doono Yeerina ta emiroommon biyoo ta gaboona emiribe.
Ne qaaro am shaahoon taach shaawiye! Eeyoyee beshoon ta kookkooch noocciye.
Aachoyee, xalle aachoyee beshoon aaxxoone; eeyoyee, eechi woolloyee beshoon shaawone.
Shaawi yibbaatoo, kookkooch noocciibeeti, ashittinoonoo wodiibeeti, eechi woolloommone.
Ebi kishoo macaafoon ta aafooch yaggiye; ebi macaafo aafinaa gubbinooch kooreetone; ebi arooch shooshee qaaro, eeppi qaaroonaa caagee qaaroona kooreeꞌi beetone.
Ayaano taan kaama tiijjiꞌi daammiye; tawoo caammeyoona, ippee gaameyoonoo hammo; Doono Yeerichi giidoo ta toommooch kupphehe.
Aroochee taach ishichiye: “Ashi bushoocho, ebi neech ta immeti qoddeti macaafoon cokke maaree ne maacoon ceechibe” iye. Tawoo aroon maaho; ebiyoo ta kookkooch eeyochoommon shaawiye.
Ebiyee gubb, “Meeti ashi yareenaꞌochon, aageteenaꞌochon, baribare noonoona yibbaateebeeti asheenaꞌochonaa taateenaꞌochonon wochinnoon keemoon keemmemmo neene” getteeho.
Maraakoo waanoo hammaꞌa, “Giisheche macaafeen taach imbe” iyo. Biyoo “Daamiree mame; ne maacee daggoochaa caammemmine; tunebaani ne kookkoochaa eeyochoommon nooccemmine” iye.