Yaaꞌoo 10:1 - Kafa Linguistics Project

¹ Aroyee gubb bare giidechi maraakoo quboon taheꞌi, shimaayoochee kindii bi beetaa beeggeho; bi shimbooch ximbittoo beetone; bi aafoochaa aabeechoommon aaxxee beetone; bi baatoo qaaqqee aaxxee conjoommone.

Yaaꞌoo 10:1 ပူးပေါင်းရင်းမြစ်များ

Shoddo 104:3

Dambee aachi toommooch ne kexon haggeto neene; quboon ne gaari tuniihine; yongi qoshoona hammaabeeto neene.

Shoddo 97:2

Quboonaa dunne manderoona bi guudooch beetone; cadiqoonaa dayinnetoona bi taatee qeechi heceenaꞌone.

Keyo 16:10

Harooniyoo ishin Israꞌeelee iitoo bullich gettii bi beetaa, barahoo waan boonoshi ciinnimmona, Doono Yeerichi oogee yiiroo qubee daggooch bekkehe.

Solomooni 5:15

Bi baatoo aachee hecee toommooch xogeeti, aaxxe xaqqee giimboommone; bi malleto Libanoosee mixoommone; yigee mixochoommon kaachetone.

Isiyaasi 19:1

Gibitsee showeechon Doono Yeer waanee getteeti wocho ebine: Doono Yeeri quboon yebberee, afaafinoona Gibitsee showooch woyemmone; Gibitseenaꞌochi shahalleenaꞌo bi aafooch qewemminaꞌone. Gibitseenaꞌo mulloo keqqoona muujjemmone.

Isiyaasi 54:9

“Ebi taach Noohi yemeenoommone; Noohi yemeenooba aaco wochinnoon showoon bi yexaachemmoyich, ta wogoommon, neen kaare ta noggeyaachemmoyich wogeto taane.

Shoosho 3:44

Corooto beshee gimon hakkaani quboona, neen qerihine.

Hiziqeeli 1:28

Bi guudoonoo beeti phaqqoo amichi goorooch qubee daggoochaa bekkeebeeti ximbittoommone. Doono Yeerichi oogee yiiroo bi bekketo eechiꞌiniye; ebin ta beegiyooba baroona showooch guufeho; aroocheenoo yibbaatee qaaroon waayeho.

Daaneeli 10:6

Bi ashittino beruulloommon waccii beetone; bi baroo xeeyee phaqqoommon phaqqii beetone; bi aafo qaaqqee aaxxoommon aaxxee beetone; bi kishoonaa bi baatoona naallii shuunetaa aaxxeebeeti gooshoommone; bi qaaroo dofee ashi qaaroommone.

Daaneeli 7:13

Ebi yaaꞌoona xum ashi bushoon shaahoo shimaayee quboona bi waa beetaa beeggeho. Wonnee Wonneecho waan waahe; biinoo bi aafooch giddiiheete.

Leweenaꞌo 16:2

Biichoo ishichiye: “Axaaxoon maariyee guufee toommooch quboona ta danaa beetoyich, ne manoo Harooni bi qitaachemmoyich, maccillaatee maac, Yaafe Xaaꞌeexi Yaafooch, taabootee toommooch beeti, axaaxoon maariyee guufo beetooch, gimoyich bi qaawimmi aabo bullin bi giyaachemmoyich gete.

Maatiyoosi 17:2

Aroochaa boonoshi aafooch shaddeehe; bi aafo aabeechoommon aaxxehe; bi taheti qoreddoo oogichii naccee wacwacciye.

Luqaasi 21:27

Arooba Ashi Bushoo wodde giidoonaa oogee yiiroona qubee daggoona bi waataa beeggemminaꞌone.

Mishiraachechinaꞌo 26:13

gommoochaa shiritte saati bedooch, aabee aaxxoyee beshe bekkoon beeggeho; hini bekkoo taannaa taanna tookkii hammiibeeti asheenaꞌonochi guudoona shimaayoochee aaxxehe.

Yaaꞌoo 1:7

Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.

Yaaꞌoo 18:1

Ebiyee gubb, ooge hakkechi bare maraakoo shimaayoochee kindii beetaa beeggeho; bi oogee yiiroochee tiyitona showee toommooch bekko tunehe.

Yaaꞌoo 18:21

Arooba ikke giidechi maraakoo ooge yiikke xaqqoommi xaqqoon tiijjiꞌi baharee daggooch ishichiibee duppiye: “Ooge katemee Baabloonin Yeeri ebiyoommon oogeti giidoona dufi aalliyemmone; ebiyee bekk ciroona daneyaachemmine.

Yaaꞌoo 20:1

Oppee hoonoon qechiibeeti qulfoonaa ooge sansalatoonon yechiti maraakoo shimaayoochee bi kindii beetaa beeggeho.

Yaaꞌoo 4:3

Are taatee qeenooch koteꞌi beeto, bi shaahoo yasphiidoochoommon, saridiyoonoochoommonoo waccii beetone; maarigidoochoommon oogichii wacciibeeti ximbittoo taatee qeechi guudoona beehe.

Yaaꞌoo 5:2

Ikke giidechi maraakoo oogeti qaaroona “Qoddeti macaafoon yaggoyich, maatemeenaꞌon gaxxoyichoo bedo konine?” ii bi awaajjii beetaa beeggeho.

Yaaꞌoo 8:13

Aroyee gubb ikke booyo shimaayee daggoona yoobbii bi beetaa beeggeho. Oogeti qaaroona “Bare keejje maraakeenaꞌo tiroon huggemminaꞌo boonoshi tunetoyich, showee toommooch beeti asheenaꞌoyich woowo, woowo, woowo!” bi ii beetaa waayeho.