Yaaꞌoo 1:7 - Kafa Linguistics Project

⁷ Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.

Yaaꞌoo 1:7 ပူးပေါင်းရင်းမြစ်များ

Iyoobi 33:26

Arooba bi corootaa, bi corootoon Yeeri waayemmone; emiribee Yeeri aafooch giddemmone; Yeeriyoo mooyon biich kaachemmone.

Shoddo 22:16

Guuphiti gonde asheenaꞌo, kunaaneenaꞌochoommon taan giichiyeete; ta kishoonaa ta baatoonooch kochiyeete.

Shoddo 68:1

Yeeri tibe; bi etteenaꞌo shacebeete; biin shixxii beetinaꞌo bi aafoochee woci aallebeete.

Shoddo 97:2

Quboonaa dunne manderoona bi guudooch beetone; cadiqoonaa dayinnetoona bi taatee qeechi heceenaꞌone.

Isiyaasi 19:1

Gibitsee showeechon Doono Yeer waanee getteeti wocho ebine: Doono Yeeri quboon yebberee, afaafinoona Gibitsee showooch woyemmone; Gibitseenaꞌochi shahalleenaꞌo bi aafooch qewemminaꞌone. Gibitseenaꞌo mulloo keqqoona muujjemmone.

Daaneeli 7:13

Ebi yaaꞌoona xum ashi bushoon shaahoo shimaayee quboona bi waa beetaa beeggeho. Wonnee Wonneecho waan waahe; biinoo bi aafooch giddiiheete.

Naahoomi 1:3

Doono Yeeri kaatee kaareyaanoonaa oogeti giidechonane; tunebaani amolla tunetaa, gonde shuunechon sheeraanoon cikkii qayaache. Bi gommoo yubee yongoonaa yuppuppoonochi daggoochiye; quboo bi baateexi quttoone.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Zakaariyaasi 12:11

Megidi gaddoochaa Hadaad Rimoonich bi eeppeyoommon ebiyooba Yerusaalemaa ooge eefo eeppeyemmone.

Haddoo 24:17

“Biin beeggaabeete; tunebaani and toonoone; biin ciinnaabeete; tunebaani katinoon toonoone; Yaaqob waanee xojjeno kechemmone; Israꞌeeleenaꞌo daggoochee taatittinee gumbo kechemmone; Moꞌabeenaꞌochi qelloon gaakkemmone; Seeti bushiisheenaꞌochi qelli koofon kophemmone;

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Maatiyoosi 16:28

Iberoon ittoshich gettoye: Hiniich neexee beetinaꞌoochee ikkikkeenaꞌo Ashi Bushoo taateꞌi bi waataa boonoshi beegimmi wottoon, qitaachemminaꞌo beetinaꞌone” iye.

Maatiyoosi 24:30

“Arooba Ashi Bushoo malletoo shimaayoochaa bekkemmone; arooba showooch beeti ashi yareenaꞌo bulli ‘Woowo!’ gettemminaꞌone. Ashi Bushoo giidoonaa oogee yiiroona shimaajji quboona waataa beeggemminaꞌone.

Maatiyoosi 25:31

“Ashi Bushoo bi oogee yiiroona maraakeenaꞌo bullina tookki waaree oogee yiiroo beeti bi taatee qeenooch kotemmone.

Maatiyoosi 26:64

Yesuusi wochiꞌi, “Ne getteto neene; tunebaani ittoshich gettoye: Ebiyee damba Ashi Bushoo Giidechi Yeerichi qanne badd bi kotetaa, wotta shimaajji qubee toommoochoo koteree bi waataa beeggemmo ittoshine” iye.

Maariqoosi 13:26

“Arooba Ashi Bushoo ta wodde giidoonaa oogee yiiroona qubee daggoona ta waataa beeggemminaꞌone.

Maariqoosi 14:62

Yesuusi wochiꞌi, “Eeha, taane. Ashi Bushoo Giidechi Yeerichi qanne badd bi kotetaa, wotta shimaajji qubee daggoona bi waataa beeggemmo ittoshine” iye.

Luqaasi 21:27

Arooba Ashi Bushoo wodde giidoonaa oogee yiiroona qubee daggoona bi waataa beeggemminaꞌone.

Yowannisi 19:34

Tunebaani ginee naayinaꞌo daggoochee ikkoo Yesuusichi naaboon ginoona kochiye; bekkech aroochee damoonaa aacona kechiye.

Yowannisi 19:37

Wotta bare xaaꞌoochaa Yaafe Macaafooch kooreeti qaaro “Boonoshi kochiton beeggemminaꞌone” ii beetone.

1 Tasaloonqi 4:17

Aroyee gubb batt kashoona beeti no, yongee toommoochaa Doono Yesuusina danoyich, boonoshina tookki tiijjaa quboona hammemmo noone; ebiyoommon bulli aaboon Doono Yesuusina tookki beeyemmo noone.

Hibireena'o 10:29

Illa Yeerichi Bushoon qallayito, bi axaaxoochee bi yaafeeti, ebi andire Yeerichi wogoon manjiibeeti Yesuusichi damoon hoxeeti mooyoommon tuniiꞌi haddito, Yeerichi wojjoon bi daneti Yaafe Ayaanoon naaggito, amoon tunemmo ittoshich shaahii beete? Am shaahoon beshe shattii, giiriiti naxo bi toommooch kindemmo tunehe?

Hibireena'o 6:6

aroyee gubb qajjii wotteꞌi nookketinaꞌon, wochinnoon Yeer waan wochiꞌi boonoshin andiriyoo hakkeyaanoone. Ebiyoo, Yeerichi Bushoon wochinnoon boonoshi yooddii beetoyich, ashi aafoochoo boonoshi giishii beetoyichiye.

1 Yowannisi 3:2

Ta shunechinaꞌote! And Yeerichi bushiishoo noone; gubbich amo no tunemmo gaata batt aricheyaanoone. Tunebaani Kiristoosi waataa xiishi ciinnemmo no tunetoyich, biin shaahemmo no tunoon ariibeeto noone.

Yihudi 1:14

Addaamiichee tiijjiꞌi shabaattinnee shiijjeroo tuneti Henooki wotta eboshichon ishichii keemmiꞌi, “Ebiyoche, Doono Yeeri asho bulli toommooch nalliya, hukkechinaꞌo tuneꞌi boonoshi shuuneti hukkee shuunoo bullich, hukkechi axaaxechinaꞌoo bi toommooch boonoshi yibbaateti gonde mooyo bullich boonoshi bulli toommooch nalliya, wodde hume yaafeenaꞌona tookkii bi waa beetaa beego” iꞌi gettiye.

Yaaꞌoo 22:20

Ebi mooyinaꞌon gettiibeeto “Eeha, kaateree woyemmo taane” ii beetone. Ameena; Doono Yesuuso, wobe!

Yaaꞌoo 22:4

Bi aafoonoo beeggemminaꞌone; bi shigoo boonoshi barooch tunemmone.

Woraaferasheenaꞌo 5:31

“Doono Yeero, neen shixxii beetinaꞌo bulli ebiyoommon aallebeete; neen shunnii beetinaꞌo maaddee aabee aaxxoommon aaxxebeete” iyeete. Ebina aabbe nati wottoon showoo kashehe.