Yaaꞌoo 1:5 - Kafa Linguistics Project

⁵ gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,

Yaaꞌoo 1:5 ပူးပေါင်းရင်းမြစ်များ

Shoddo 51:2

Ta gondo bullin maye; ta axaaxoochee taan xalliibe.

Shoddo 72:11

Taateenaꞌo bulli biich goyinnebeete; aagetoo bulli biich maddebe.

Shoddo 89:27

Tawoo biin ta gutenee bushoo tuniyemmo taane; showee toommeexi taateenaꞌoyee beshi oogemmone.

Shaahiyoo 14:5

Gibeneeti miixoo kootaache; tunebaani koote miixoo kootoon kaaphehe.

Isiyaasi 55:4

Biin aageteenaꞌoyich miixoo, wulloonaa iraashoonon tuniito taane.

Daaneeli 2:2

Aroochee taatoo gumon biishiree boonoshi gettemmoyich, kaayechinaꞌon, allaameenaꞌon, yiiteenaꞌonaa xojjenee hiddechinaꞌonon ceekkiihe. Waaꞌi bi aafooch boonoshi neexemmona,

Daaneeli 7:14

Biichoo hakkoo, oogoonaa taatittinoona ichetoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biich goyinneheete. Bi taatemmo, bulli yemeenooniye; bi taatittinoo besheyaachemmi taatittinoone.

Leweenaꞌo 13:58

Tunebaani uro mayaa, burbuꞌo ebi qiicee toommoochee bi aallegaata, wochinnoon maye. Ebi qoreddoo woyee qiico xalloo tunemmone” iye.

Zakaariyaasi 13:1

“Ebiyooba Daawitichi kechi asheenaꞌonaa Yerusaalemi asheenaꞌonon axaaxoonaa eeꞌoonoochee xalliyemmi aachi xuupho qecheyemmone” iye.

Maatiyoosi 20:28

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheebeete iꞌi waataanoone” iye.

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Yowannisi 13:1

Beshee Baaroyee aaf, Yesuusi hini alemoochee Nihoo Yeer waan bi hammemmi aabo shagon ariihe. Hini alemooch beeti bi dabbeenaꞌon shunniye; ciirooch beddaahaanoo boonoshin shunniye.

Yowannisi 13:34

“ ‘Ittoshinaa ittoshina shunebote’ iyaꞌa ittoshich andire mooyon gettoye; ta ittoshin ta shunnetoommon, ittoshi wotta ittoshinaa ittoshina shunebote.

Yowannisi 15:9

“Nihoo Yeeri taan shunoommon ta wotta ittoshin shunneto taane; ta shunoona beebote.

Yowannisi 18:37

Phelaaxoosi “Ishigaata, taatoo neene?” iye. Yesuusi wochiꞌi, “Taatoo ta tunoon newolla gettaa beetine. Ta, ibereechon miixeya ebich shiijjeto taane, alemoochoo waato taane. Iberoochee tuneto bulli ta qaaroon waayemmone” iye.

Yowannisi 3:11

Iberoon neech gettoye: No arii beeton gettehone; no beeggeton miixehone; tunebaani no miixeton iberiyaachote.

Yowannisi 3:16

“Mulloon bi Bushoo toommooch tooꞌiibeeto bulli, bulli yemeenee kashoon bi danemmonaa bi aalleyaachemmonoyich, Yeeri ikke bi Bushoon bi immimmi wottoon alemoon oogichii shunniye.

Yowannisi 3:32

Bi beeggitonaa bi waayetonon miixee beetone; tunebaani bi miixee beeton iberiibeeto koniyoona aalloone.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Roomi 3:25

Ufeti Yesuus Kiristoosichi damoona asho bi axaaxoyich maaroon bi danemmoyich deejjoon tuniiꞌi Yeeri neechiye; ebi maaroon dano asho hakkemmo, Yesuus Kiristoosi toommooch mullee tooꞌiyoonane. Yeeri ebin bi tuniito bi cadiqittinoon bekkiyoyichiye. Yeeri ebiyee aaf asho shuuneti axaaxoon haaꞌiyoona beshiitone;

Roomi 8:37

Illa noon shunniti Kiristoosina ebi mooyinaꞌo bulli toommooch wudoon danoona, kochii wochii beetinaꞌoyee beshoo noone.

1 Qorontoosi 6:11

Ebiyee aaf ittoshi daggoochee ikkikkeenaꞌo eboshiyoomminaꞌone; tunebaani and ittoshi Doono Yesuus Kiristoosinaa no Nuggishoochi Yaafe Ayaanoona axaaxoochee macheto ittoshine; yaafeeto ittoshine; cadiqiinoo ito ittoshine.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Efesooni 2:4

Tunebaani Yeerichi ariqqo oogichii bi woddetoyich, noon bi shunniti shunee beshoochee tiyitona

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

Yibbaatoo 18:2

Boonoshi maneenaꞌo daggooch iristo boonoshich beetaachemmone. Boonoshich bi gettitoommon, boonoshi iristo Doono Yeerine.

Yibbaatoo 23:5

Tunebaani ne Nuggishoo Doono Yeeri Balaamichi getoon waayemmon qajjiye; neen bi shunnitoyich, ebi ufon diirooch wochiye.

Yibbaatoo 7:8

Tunebaani Doono Yeeri ittoshin bi shunnitoyich, wotta ittoshi qaabbechinaꞌoyich bi giyiti wogoon quyee bi beetoyich, Gibitsee showeexi guuchittinoochee, Gibitsee taatoo kishoocheenoo kupphe bi kishoona ittoshin biisheꞌi kichiye.

Qolaasiyaasi 1:18

Biyoo bi ashittino tuneti kittinnee guuphinaꞌochi shimboone; mooyo bulli toommooch besho bi tunemmoyich, bulliyee shiichoone; qitoochee timonoo qaabboone.

1 Ximootiyoosi 6:13

Bulli mooyoyich kashoon immiibeeti Yeeri aafooch, Fantoosechi Phelaaxoosi aafoochaa iberoon miixeti Kiristoos Yesuusi aafooch,

1 Ximootiyoosi 6:15

Galleteya bede ikke mixxo tuneti Mawe Yeeri, taateenaꞌochi Taatoonaa dooninaꞌochi Doonona bi daaggiti aabooba are Doono Yesuus Kiristoosichi womon bekkiyemmone.

Hibireena'o 10:29

Illa Yeerichi Bushoon qallayito, bi axaaxoochee bi yaafeeti, ebi andire Yeerichi wogoon manjiibeeti Yesuusichi damoon hoxeeti mooyoommon tuniiꞌi haddito, Yeerichi wojjoon bi daneti Yaafe Ayaanoon naaggito, amoon tunemmo ittoshich shaahii beete? Am shaahoon beshe shattii, giiriiti naxo bi toommooch kindemmo tunehe?

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.

1 Yowannisi 4:10

Shuno getoo ebine: No Yeerin no shunnetoyich tuneyaanoon, Yeeri bi qelloona noon shunniꞌi, no axaaxoon bi maaremmi deejjoo bi tunemmoyich, bi Bushoon bi deejjoone.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.

Yaaꞌoo 11:3

Gutte ta miixeenaꞌon woche deejjemmo taane; boonoshiyoo muushenee tahoon taheree ebi are ikke humaa gutte ballaa shiche qemon keemoon keemmemminaꞌone” iye.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 19:11

Shimaayoo qecheetaa beeggeho; ebiyoche nacce hareshoo bekkehe; aroon yebbeto Gibeneetonaa Iberoona getteehe; biyoo tachiꞌi nallii, bi shixechinaꞌonoo koyee beetone.

Yaaꞌoo 19:16

Bi tahoonaa bi doshoonooch, Taateenaꞌochi Taatoo, Dooninaꞌochi Doono, immi shigo kooreetone.

Yaaꞌoo 2:13

Ne beeto Sheexaanoo taateꞌi beeti xaaꞌooch bi tunoon ariibeeto taane; tunebaani ta toommooch mulloon tooꞌiyoona manjito neene. Sheexaanoo beeti ittoshi katemoochaa taach gibeneeto tuneꞌi taachon miixeti Antiphaasi wuxeehoobee yemeenoobolla, ta toommooch mulloon tooꞌiyoon nookkeyaano neene.

Yaaꞌoo 3:14

“Lodooqi kittinnee guuphi maraakoyich ishichi kooribe: Ameena getteeto, gibeneeti ibere miixoonaa bulli mooyon Yeeri biinna bi hallitona ishichiye:

Yaaꞌoo 7:14

Tawoo wochaꞌa biich “Ta doonocho, neene ariibeeto” iyo. Taach ishichiye: “Eboshi magge xuuxoochee waatinaꞌone; boonoshi tahoonoo Bagoochi damoona machiꞌi naccoo tuniitinaꞌone.