Yaaꞌoo 1:4 - Kafa Linguistics Project

⁴ Yowannisi waanee, Isiyee showooch beeti shabaatte kittinnee guuphinaꞌoyich: Andoo beeti, aafoo beeti, gubboo beeyemmi Yeer waanee, Yeerichi taatee qeechi aafooch beeti shabaatte ayaaneenaꞌo waanee,

Yaaꞌoo 1:4 ပူးပေါင်းရင်းမြစ်များ

Shoddo 90:2

Guudinaꞌo shuuneyaan beetaa, showoonaa alemoona halleyaan beetaa, bulli aaboochee bulli aabooch ne, Nuggishoo neene.

Keyo 3:14

Yeeriyoo Muusich “Ta Halla Taane; ‘Halla Taane getteebeeto ittoshi waan taan wochee deejjitone’ gete” iye.

Isiyaasi 11:2

Doono Yeerichi Ayaano, shalligoonaa gabii deꞌonochi Ayaano, ciicoonaa hakkoonochi Ayaano, ariyoonaa Doono Yeerin shatonochi Ayaano, bi toommooch kotemmone.

Isiyaasi 41:4

Ebin shuunetonaa tuniitona, shiijjeroonoo wonnee tiijjii ceeggito konine? Doono Yeeri taane; tawoo shiichaꞌa beehoye; ciirooch beddaahaanoo beeyecho taane.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Zakaariyaasi 3:9

Yaasi aafooch ta kotiiti xaqqo ebiyoche, ebi ikke xaqqooch shabaatte aafo beetone. Are xaqqoochoo qiici kooremmo taane. Hini showee xuꞌoon ikke qemona aalliyemmo taane’ iye Beshe Mawe Doono Yeeri” iye.

Zakaariyaasi 4:10

“Giisheche mooyo tuneebeeti aaboon hoxeebeeto konine? Asheenaꞌo tumbin Zerubabeelichi kishooch boonoshi beegiyooba emiremminaꞌone. “Ebi shabaatte ceecheenaꞌo showoo bulliich guuddiibeeti Doono Yeerichi aafeenaꞌone” iye.

Zakaariyaasi 6:5

Maraakoo taach “Eboshi neexee boonoshi maddeebeeti, showoo bullichi Doono Yeeri aafoochee kechii waabeeti, shimaajji awudde yongeenaꞌone.

Yowannisi 1:1

Shiichiꞌi Qaaro beehe; hini Qaaro Yeer waan beehe; biyoo bi qelloona Yeerine.

Mishiraachechinaꞌo 19:10

Phawuloosi Isiyee showooch beeti Ayihudeenaꞌonaa Giriikee asheenaꞌo bullina Yeerichi qaaroon boonoshi waayemmi wottoon, gutte natt bedoon eechii beehe.

Mishiraachechinaꞌo 2:9

No Faaritee, Meedee, Elaamee, Mesopotaamee, Yihudee, Qephadooqee, Faantoosee, Isiyee,

Roomi 1:7

Yeerina shucheti, yaafoo ittoshi tunemmoyich Yeerina ceekketi, Room beeti ittoshi bullich: No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

1 Qorontoosi 1:3

No Nihoo Yeerinaa Doono Yesuus Kiristoosina waanee wojjoonaa diggoona ittoshich tunebe.

2 Qorontoosi 1:2

No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

Hibireena'o 13:8

Yesuus Kiristoosi yiichoo, hanaachoo, bulli yemeenoonoo biine.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

Yaaꞌoo 1:1

Yesuus Kiristoosi katinoon tunemmi mooyon Yeerichi maddechinaꞌoyich bi bekkiyemmoyich Yeeri biich bi immiti yaaꞌoo hinine. Yesuusiyoo bi maraakoon wocheꞌi, bi maddechi Yowannisich bekkiihe.

Yaaꞌoo 1:11

Taachoo ishichiye: “Ne beeggaa beeton macaafooch kooriree Efesooni, Semirineesi, Phergaamooni, Tiyaxirooni, Sarideesi, Filaadelifinaa Lodooqinooch beeti shabaatte kittinnee guuphinaꞌoyich woche daachiibe” iye.

Yaaꞌoo 1:17

Biin ta beegiyooba, qititi ashoommon shaahaꞌa bi baatooch dihiyo. Biyoo bi qanne kishoon ta toommooch kotiihe; ishichiinoo iye: “Shattaahine! Shiichoonaa Tacona taane.

Yaaꞌoo 1:20

Ta qanne kishooch ne beeggeti shabaatte xojjenoonaa aachoochee shuuneeti shabaatte maqirajjoonochi maacee mooyo ebine: Shabaatte xojjeneenaꞌo geto, shabaatte kittinnee guuphinaꞌochi maraakeenaꞌone; shabaatte maqirajjeenaꞌo geto wotta, shabaatte kittinnee guuphinaꞌo getone.

Yaaꞌoo 1:8

“Ta Alfoonaa Oomeegoona, andoo beeti, aafoo beeti, gubboo beeyemmi, Beshe Hakkechi Nuggishoo taane” iye Doono Yeeri.

Yaaꞌoo 1:9

Ta ittoshi manoo Yowannisi, ittoshina tookkii, Yesuusina duꞌoon, taatittinoonaa haaꞌiyoonon qoodeyecho tuneto, Yeerichi qaaroon ta gettetonaa Yesuusichon ta miixetonoyich Fiximoosi getteebeeti buure showooch beeho.

Yaaꞌoo 16:5

Aacinaꞌon quyeebeeti maraakoo: “Aafoo beeti, andoo beeti Yaafoocho! Eechaꞌa ne nallitoyich cadiqo neene.

Yaaꞌoo 2:12

“Phergaamooni kittinnee guuphi maraakoyich ishichi kooribe: Gutte baddaa gayireeti aci goraadecho ishichiye:

Yaaꞌoo 2:18

“Tiyaxirooni kittinnee guuphi maraakoyich ishichi kooribe: Qaaqqee aaxxoon shaahiibeeti aafecho, qaaqqoona wociitaa shuuneeti gooshoochoommon wacciibeeti baatecho, Yeerichi Bushoo ishichiye:

Yaaꞌoo 2:8

“Semirineesi kittinnee guuphi maraakoyich ishichi kooribe: Ebiyee aaf qitito, wochinnoon kashecho tuneto, Shiichoonaa Tacona ishichiye:

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.

Yaaꞌoo 22:8

Ebinoo ta waamona waayeto, ta aafoonoo beeggeto, Yowannisi taane; ta waayaa beeggehooba, ebin taach bekkiiti maraakoyich goyinneya bi baatooch baroona guufeho.

Yaaꞌoo 3:1

“Sarideesi kittinnee guuphi maraakoyich ishichi kooribe: Yeerich maddeebeeti shabaatte ayaaneenaꞌon hajjii beetonaa shabaatte xojjeneenaꞌon bi kishoona yechitona ishichiye: Ne shuuneti shuunoon ariibeeto taane; kashechone getteebeeto neene; tunebaani qitito neene.

Yaaꞌoo 3:14

“Lodooqi kittinnee guuphi maraakoyich ishichi kooribe: Ameena getteeto, gibeneeti ibere miixoonaa bulli mooyon Yeeri biinna bi hallitona ishichiye:

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye:

Yaaꞌoo 4:5

Are taatee qeenoocheenoo xeeyee phaqqoo, ooge qaaroonaa xeeyee qaaroona kechii beehe; taatee qeechi aafoochoo shabaatte ceechee conjoo aaxxee beehe; boonoshiyoo Yeerich maddeebeeti shabaatte ayaaneenaꞌone.

Yaaꞌoo 4:8

Ebi kashechi awudde halleenaꞌo boonoshi ikkikkoyich shiritti shiritte qoshoo beetone; boonoshi achee guudoonaa boonoshi qoshee maacinooch aafo ceennitone. Boonoshiyoo “Aafoo beeti, andoo beeti, gubboo beeyemmi, Beshe Mawe Doono Yeeri yaafoo, yaafoo, yaafoone” iibee areddoonaa xumoonon kasheyaaneenaꞌone.

Yaaꞌoo 5:6

Taatee qeeno dagg beetaa, bi guudoona kashechi awudde halleenaꞌo beetaa, boonoshi guudoona geeneenaꞌo beeti gutte daggooch guureetoommi Bago neexeꞌi beeton beeggeho; shabaatte qaroonaa shabaatte aafoona biich beetone; ebi shabaatte aafo showoo bulliich wocheeti, Yeerich maddeebeeti shabaatte ayaaneenaꞌone.

Yaaꞌoo 8:2

Aroochee Yeeri aafooch neexeebeeti shabaatte maraakeenaꞌon beeggeho; shabaatte tiroo boonoshich ichehe.