Yaaꞌoo 1:2 - Kafa Linguistics Project

² Yowannisiyoo Yeerichi qaaroonaa Yesuus Kiristoosi miixeti iberoonochon bi beeggito bullin miixetone.

Yaaꞌoo 1:2 ပူးပေါင်းရင်းမြစ်များ

Yowannisi 1:32

Daakkiꞌi ishichii miixehe: “Yeerichi Ayaano bi ashittinee halloo uggechoommon tuneꞌi shimaayoochee kindii bi toommooch bi kotoon beeggeto taane.

Yowannisi 12:17

Yesuusi Alazaarin bi duukketi oppoochee ceeggiꞌi qitoochee bi tiijjiyooba, biinna tookkii beeti asheenaꞌo tuneti mooyon miixee beeheete.

Yowannisi 19:35

Ebin beeggito miixetone; ittoshiyoo wotta Yeeri toommooch mulloon ittoshi tooꞌiyemmoyich miixetone. Bi miixeto iberoone; bi gettitoo iberoo bi tunoon arii beetone.

Yowannisi 21:24

Eboshin miixeebeeto, hininoo koorito hini bi dabboone; bi miixeto iberoo bi tunoon ariibeeto noone.

Yowannisi 3:11

Iberoon neech gettoye: No arii beeton gettehone; no beeggeton miixehone; tunebaani no miixeton iberiyaachote.

Mishiraachechinaꞌo 22:15

Ebin bi tuniito, ne beeggetonaa ne waayetonoyich asho bulli aafooch bi miixoo ne tunemmoyichiye.

Mishiraachechinaꞌo 26:16

And tiyiree ne baatoona neexebe. Neech ta bekketi naboo, taach ne maddemmoyich, wotta taan ne beeggeti mooyona, neechoo ta bekkiyemmi mooyona ta miixoo ne tunemmoyichiye.

Mishiraachechinaꞌo 4:20

No beeggetonaa no waayetonon yibbaateyaanoon cikkii qayon hakkaachone” iyeete.

1 Qorontoosi 2:1

Ta maneenaꞌote! Ittoshi waan ta waahooba, Doono Yeerichi maacee mooyon ittoshich ta getteto, yibbaatee beshoona woyee shalligee beshoona toonoone.

1 Yowannisi 1:1

Kashee Qaareechon shiichoochee tiijjiꞌi beeton, no waayeton, no aafoona no beeggeton, xiishaa no ciinnetonaa no kishoona yechaꞌa no beeggetonon ittoshich kooraabeeto noone.

1 Yowannisi 4:14

Nihoo Yeeri bi Bushoon hini alemooch beetinaꞌon Wodiyecho bi tunemmoyich wochee bi deejjoon beeggeto noone; ebich miixaabeeto noone.

3 Yowannisi 1:12

Demexiroosich ashoo bulli miixee beetone; iberoo bi qelloona miixee beetone. Nowoo wotta miixaabeeto noone; no miixeti miixoo iberoo bi tunoon ariibeeto neene.

Yaaꞌoo 1:11

Taachoo ishichiye: “Ne beeggaa beeton macaafooch kooriree Efesooni, Semirineesi, Phergaamooni, Tiyaxirooni, Sarideesi, Filaadelifinaa Lodooqinooch beeti shabaatte kittinnee guuphinaꞌoyich woche daachiibe” iye.

Yaaꞌoo 1:19

“Illa ne beeggeton, ebiyoo and tunee beetonaa ebiyee gubb tunemmi mooyonon kooribe.

Yaaꞌoo 1:9

Ta ittoshi manoo Yowannisi, ittoshina tookkii, Yesuusina duꞌoon, taatittinoonaa haaꞌiyoonon qoodeyecho tuneto, Yeerichi qaaroon ta gettetonaa Yesuusichon ta miixetonoyich Fiximoosi getteebeeti buure showooch beeho.

Yaaꞌoo 12:11

Boonoshiyoo deejjeeti Bagoochi damoonaa boonoshi miixeti Yeerichi qaaree naboona biin kochii wochiyeete; qitooch beddaahaanona boonoshi kashoon aaxxiyaaneenaꞌone.

Yaaꞌoo 12:17

Arooba dareboo ureena ippeꞌi, Yeerichi getoyich deꞌa ii beeti, Yesuusi miixeti iberoon gibenoona quyeebeeti ureechi yaroochee echetinaꞌon kocha hammiye;

Yaaꞌoo 20:4

Aroochee daakkaꞌa taatee qeeninaꞌon beeggeho. Aree toommooch kotetinaꞌoyich nallee hakkoo ichehe; Yesuusi miixeti iberoonaa Yeerichi qaaroonon boonoshi gettitoyich boonoshi qettoon kucheti asheenaꞌochi kashoon beeggeho. Cooxonaa bi shahalloonoyich goyinneyaaneenaꞌone; cooxochi malletoon boonoshi barooch woyee boonoshi kishooch gedaaneenaꞌone. Boonoshiyoo kashecho tuneꞌi Kiristoosina tookkii hume naton taateheete.

Yaaꞌoo 22:21

Doono Yesuusichi wojjoo ittoshi bullina tookki tunebe.

Yaaꞌoo 6:9

Bago uuchinnee maatemoon bi gaxximmona, Yeerichi qaaroon boonoshi gettitoyich, gibeneeto tuneꞌi boonoshi miixetoyichoo wuxeeti asheenaꞌochi kasho deejjee gudee dechiich beeton beeggeho.