Yaaꞌoo 1:18 - Kafa Linguistics Project

¹⁸ Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 1:18 ပူးပေါင်းရင်းမြစ်များ

Iyoobi 19:25

Taach shaxoo neexemmo kashecho bi tunoon, ciiroochaa nallee gabberooch, ta gaꞌooch neexemmo bi tunoon, ariyaabeeto taane;

Iyoobi 38:17

Qitooch daammiibeeti kelloon, neech bekkiito beeyehe? Dunne manderee kelloon beegi beeyenne?

Shoddo 18:46

Doono Yeeri beeyechone; taach deebe xaqqo tuneto galleteebe! Taan wodiibeeti ta Nuggishoo oogebe!

Shoddo 68:20

No Nuggishoo wodiyechi Nuggishoone; qitoochee no muriccemmoyich tuniibeeto, Nuggishoo Doono Yeerine.

Isiyaasi 22:22

Daawitichi yareenaꞌo qulfoon biich immemmo taane; bi hicciton koniyoona qechaachemmone; bi qechiton koniyoona hicaachemmone.

Maatiyoosi 11:23

Hini Qifirinaahe! Shimaayooch beddaahaa ciixenne? Tunebaani kindiiree Siꞌoolooch duppeyemmi neene. Ne daggooch bekketi gaakkechi shuunoo Sodoomi daggooch bi bekketo gaata, hanaach beddaahaa are katemee beeyeshine.

Maatiyoosi 16:19

Shimaajji taatittinee kellee qulfoon neech immemmo taane; showoochaa ne cucheti mooyo bulli shimaayoochaa cucheeto tunemmone; showoochaa ne biicheti mooyo bulli shimaayoochaa biicheto tunemmone” iye.

Luqaasi 24:5

Hini are genneenaꞌo keqqoona shateꞌi showooch boonoshi ciinnii beetaa, are asheenaꞌo boonoshich ishichiyeete: “Kashechon qititinaꞌo daggoochee amoyichiye ittoshi qaawiibeeto?

Yowannisi 11:25

Yesuusiyoo “Qititinaꞌoyich kashoon imiree tiijjemmo taane. Bi mulloon ta toommooch tooꞌiibeeto bi qititaanona kashechon tunemmone;

Yowannisi 14:19

Ta hammemmo katinnitone; ebiyee gubb, alemo guttinnoon taan beegaachemmone; tunetaa ittoshi taan beeggemmo ittoshine. Kashecho ta tunetoyich, ittoshiyoo kashecho tunemmo ittoshine.

Roomi 6:9

Kiristoosi qitoochee bi tiyitoyee gubb, illa qitaachemmo bi tunoon, qitoo biin hajjaachemmo bi tunoonoo ariibeeto noone.

2 Qorontoosi 13:4

Biyoo hakka guutoo tuneꞌi masqalee toommooch yoodaa bi qititaanona, and Yeerichi giidoona kashoona beetone. Nowoo wotta biichoommon hakka guutoo tuneto noone; tunebaani ittoshina tookkii noon daniibeeti mooyona Yeerichi giidoona biinna tookki kashechon tuneree beeyemmo noone.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Hibireena'o 1:3

Biyoo worganikkiti Yeerichi oogee yiiree bekkoonaa bi shuriyoonochi shaahoona tuneechii, bulli mooyon giidechi bi qaaroona deggii yechitone; no axaaxoon bi xalliitoyee gubb, shimaayooch Yeerichi oogee yiiree qannooch kotehe.

Hibireena'o 7:16

Biyoo ashi sheeroona tuneyaanoon, ciiro aalli kashoochee daneebeeti giidoona qeeshoo tunehe.

Hibireena'o 7:25

Biyoo boonoshicha iꞌi shoobba bulli aaboon kashoona beetone; ebich wotta bi waanaa Yeer waan giddee beetinaꞌon andoo bulli yemeenoonoo wodiyoon hakkiye.

Yaaꞌoo 10:6

Shimaayoonaa bi daggooch beetinaꞌonon, showoonaa bi daggooch beetinaꞌonon, baharoonaa bi daggooch beetinaꞌonon halliti, bulli yemeenoon beeyechona wogeꞌi, “Yeeri tuniiya bi gabiton ceechoyich yagaachemmone;

Yaaꞌoo 15:7

Kashechi awudde halleenaꞌo daggoochee ikkoo bulli yemeenoon beeyechi Yeerichi kaaree shiixxoo ceenniti shabaatte aachee xoofeenaꞌon shabaatte maraakeenaꞌoyich immiye.

Yaaꞌoo 2:8

“Semirineesi kittinnee guuphi maraakoyich ishichi kooribe: Ebiyee aaf qitito, wochinnoon kashecho tuneto, Shiichoonaa Tacona ishichiye:

Yaaꞌoo 20:13

Baharo bi daggooch beeti qititinaꞌon aapphiye; qitoonaa Siꞌooloona boonoshi waan beeti qititinaꞌon aapphiyeete; aroochee bi ikkikkoyich bi shuuni shuunoommona bi toommooch nalleehe.

Yaaꞌoo 20:14

Qitoonaa Siꞌooloona qaaqqee baharooch duppeheete; ebi qaaqqee baharooch duppo guttinnee qitoone.

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye:

Yaaꞌoo 4:9

Ebi kashechi awudde halleenaꞌo taatee qeenooch koteti, bulli yemeenoon beeyechoyich “Oogee yiirecho neene; oogoo neene; ne tuniito bullichoo galleteeto neene” boonoshi immona,

Yaaꞌoo 5:14

Kashechi awudde halleenaꞌoo “Ameena” iyeete; geeneenaꞌoo baroona guufeꞌi goyinneheete.

Yaaꞌoo 6:8

Beeggaanoo iyo; areegaata daashe hareshoon beeggeho; aroon yebbetochi shigo Qitoo getteehe; Siꞌooloo biin dabbiye. Showee toommooch beeti asheenaꞌo daggoochee awudde beeroochee ikke beeroon ginoona, shaacoona, naxoonaa ashoon maabeeti kubbi cooxinaꞌona boonoshi wuxemmoyich hakkoo boonoshich ichehe.

Yaaꞌoo 9:1

Uuchinnee maraakoo tiroon huggiye; shimaayoochee showooch holliti xojjenoon beeggeho. Oppee hoonoochi kelloon qechiibeeti qulfo biich ichehe.

1 Saameeli 2:6

Doono Yeeri wuxiye; wodiinoo iye. Siꞌoolooch daachiihe; aroocheenoo kichiye.