Yaaꞌoo 1:17 - Kafa Linguistics Project

¹⁷ Biin ta beegiyooba, qititi ashoommon shaahaꞌa bi baatooch dihiyo. Biyoo bi qanne kishoon ta toommooch kotiihe; ishichiinoo iye: “Shattaahine! Shiichoonaa Tacona taane.

Yaaꞌoo 1:17 ပူးပေါင်းရင်းမြစ်များ

Halloo 15:1

Ebi mooyoyee gubb, Doono Yeeri yaaꞌoona Abraamich ishichiye: “Abraamo, shattaahine. Ta neen gaachoochoommon quyemmo taane; neech ta immemmi wojjoo oogeti woddoone” iye.

Shoddo 139:5

Ne, ta aafinaa ta gubbinooch beeto neene; ta shimbooch ne kishoon kotiihine.

Keyo 14:13

Muusiyoo asheenaꞌoyich ishichiꞌi wochiye: “Shattaahote; kuppheree neexebote. Doono Yeeri aabichiree ittoshin bi wodiyemmo gaata beeggemmo ittoshine. Hanaach ittoshi beeggiibeeti Gibitseenaꞌon guttinnoon beegaachemmo ittoshine.

Keyo 20:20

Muusiyoo “Shattaahote; Yeeri ebiyoommi gommona ittoshi waan bi waato, ittoshi mooyon beegoyichiye; biichoo shatiree, axaaxoon shuunoochee wohiree ittoshi beeyemmoyichiye” iye.

Keyo 3:6

Daakkiꞌi, “Ne nihoo Nuggishoo, Abrahami Nuggishoo, Yisaaqi Nuggishoo, Yaaqobi Nuggishoo taane” iye. Arooba Muusi Yeerina tookkii baroona danoon bi shattitoyich, bi aafoon oppehe.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 41:4

Ebin shuunetonaa tuniitona, shiijjeroonoo wonnee tiijjii ceeggito konine? Doono Yeeri taane; tawoo shiichaꞌa beehoye; ciirooch beddaahaanoo beeyecho taane.

Isiyaasi 44:6

Israꞌeelee Taatoonaa Biishee Wodiyechona tuneti Doono Yeeri, Beshe Mawe Doono Yeeri, ishichiye: “Ta, shiichoo taane; ta taco taane; tayee bare nuggishoo aalloone.

Isiyaasi 48:12

“Yaaqobo, ta ceeggeti Israꞌeelo, waayebe: Ta, Nuggishoo taane, ta shiichoo taane; ta taco taane.

Shoosho 3:57

Neen ta ceegiyooba katinnehine; taanoo “Shattaahine” iyine.

Hiziqeeli 1:28

Bi guudoonoo beeti phaqqoo amichi goorooch qubee daggoochaa bekkeebeeti ximbittoommone. Doono Yeerichi oogee yiiroo bi bekketo eechiꞌiniye; ebin ta beegiyooba baroona showooch guufeho; aroocheenoo yibbaatee qaaroon waayeho.

Daaneeli 10:12

Biyoo taach ishichiye: “Daaneelo, shattaahine! Shalligoon daneya ne Nuggishoo aafooch ne qelloon ne giishiiti, batti batti aaboochee tiijjiꞌi, Yeeri ne qolloon waayetone. Tawoo ne qolloyich tunemmi wochoon yechaꞌa waato taane.

Daaneeli 10:15

Ebi mooyon taach bi gettii beegaata showooch ciinneho; yibbaatemmonoo mawiiho.

Imbaaqoomi 3:16

Tawoo ebi bullin waayaꞌa qewehoye; shatona ta noonoo tippehe. Ta shaawusho shekirehe; ta tingoo qewehe. No etteenaꞌon Doono Yeeri naxemmi aaboon, cikki quye beeyemmo taane.

Maatiyoosi 14:27

Bekkech Yesuusi boonoshich “Kupphebote! Taane, shattaahote” iye.

Maatiyoosi 28:4

Maashee oppoon quyeebeeti ginechinaꞌo maraakoon beeggiꞌi oogichii boonoshi keqqitoyich qeweheete; qititi ashoonoo shaahiyeete.

Maatiyoosi 28:5

Hini are maraakoo genneenaꞌoyich ishichiye: “Haanoshite, shattaahote. Yoodaa qititi Yesuusin ittoshi qaawoon ariibeeto taane.

Yowannisi 13:23

Bi dabbeenaꞌo daggoochee Yesuusi shunniibeeti ikkoo Yesuusichi gaꞌooch koteꞌi beehe.

Yowannisi 21:20

Pheexiroosi guuddii wotteꞌi Yesuusi shunniibeeti bi dabboo Yesuusin bi dabboon beeggiye; aroo ebiyee aaf gifiree mami saatooch Yesuusichi gaꞌooch katinniꞌi, “Ta Doonocho, neen beshiiree immemmo konine?” iꞌi echetone.

Yaaꞌoo 1:11

Taachoo ishichiye: “Ne beeggaa beeton macaafooch kooriree Efesooni, Semirineesi, Phergaamooni, Tiyaxirooni, Sarideesi, Filaadelifinaa Lodooqinooch beeti shabaatte kittinnee guuphinaꞌoyich woche daachiibe” iye.

Yaaꞌoo 1:4

Yowannisi waanee, Isiyee showooch beeti shabaatte kittinnee guuphinaꞌoyich: Andoo beeti, aafoo beeti, gubboo beeyemmi Yeer waanee, Yeerichi taatee qeechi aafooch beeti shabaatte ayaaneenaꞌo waanee,

Yaaꞌoo 1:8

“Ta Alfoonaa Oomeegoona, andoo beeti, aafoo beeti, gubboo beeyemmi, Beshe Hakkechi Nuggishoo taane” iye Doono Yeeri.

Yaaꞌoo 2:8

“Semirineesi kittinnee guuphi maraakoyich ishichi kooribe: Ebiyee aaf qitito, wochinnoon kashecho tuneto, Shiichoonaa Tacona ishichiye:

Yaaꞌoo 22:13

Alfoonaa Oomeegoona, Aafichonaa Gubbichona, Shiichoonaa Tacona taane” iye.