13 Ebi maqirajjeenaꞌo daggooch ashi bushoon shaahoon beeggeho; aroo desh bi baatooch beddaahaa tahoon taheto, bi getoonoo aachoochee shuuneeti cuyoona cuyetone.
Ebin yeshiyoo bi hakkeyemmoyich, malletiitaa shippeti cuyo efoodoona tookkii ikke shaahoo tuneꞌi, aachee woshiqoona, shimaayito, dameroonaa ceelloona tuneti woshiqoona, wotta muttee tuppoochee ciciitaa yokkeeti woshiqoona shippehe. Ebi bullin Doono Yeeri Muusich gettitoommon tuniiꞌi shuuneheete.
Cadiqittinoon bi shimetooch cuyemmone; gibeneeto tuno bi naabee buroon tunemmone.
Aroochee bekkech ashoon shaahiibeeto, ta noonoon shafehe. Tawoo ta noonoon qechaꞌa yibbaateho; biichoo ishichiyo: “Ta doonocho, ebi yaaꞌoochee tiyitona biiyeto taane; giidoonoo mucceto taane.
Ebi yaaꞌoona xum ashi bushoon shaahoo shimaayee quboona bi waa beetaa beeggeho. Wonnee Wonneecho waan waahe; biinoo bi aafooch giddiiheete.
Andoo ta ciinnaa beetaa, nallechinaꞌo kotemmi qeeninaꞌon geddiyeete; areexi ikkooch Wonnee Wonneecho kotehe. Bi taho nacce kechoommone; bi qelli eexoo haatteeti huuttoommi naccoone. Bi qeeno qaaqqee conjoommo, bi qeeno koteti gengoommi mooyo aaxxeebeeti qaaqqoommone.
Haroonich kittoon tajjiye; buroon cuchiye; qamisoonoo tajjiye; efoodoon bi toommooch geddiꞌi, malletiitaa shippeti bi buroona bi shimetooch cuchiye.
Axaaxoon baach shuuneyaachalli, bulli gommona noochoommon daabiloosi biin gondoon shuuniiya qiiccetaa beeggitone; ebich no maraato biich waayeyaani, qeeshee guudo toonoone.
Aroochee beeggeho; ebiyoche nacce qubo beete; qubee toommoochoo ashi bushoon shaahiibeeto kotetone; bi qellooch aachee gubbichoon uketone; bi kishoonoo aci magaadoon yechitone.
Shabaatte naxeenaꞌon yechiti shabaatte maraakeenaꞌo yaafee kexoochee kechiyeete; boonoshiyoo muttee tuppoochee shippeti, wacciibeeti xalle tahoon taheꞌi, boonoshi getoon aachoochee shuuneeti cuyoona cuyetinaꞌone.
“Efesooni kittinnee guuphi maraakoyich ishichi kooribe: Shabaatte xojjeneenaꞌon bi qanne kishoona yechito, aachoochee shuuneeti shabaatte maqirajjeenaꞌo daggoona shaꞌeebeeto ishichiye: