Yaaꞌoo 1:11 - Kafa Linguistics Project

¹¹ Taachoo ishichiye: “Ne beeggaa beeton macaafooch kooriree Efesooni, Semirineesi, Phergaamooni, Tiyaxirooni, Sarideesi, Filaadelifinaa Lodooqinooch beeti shabaatte kittinnee guuphinaꞌoyich woche daachiibe” iye.

Yaaꞌoo 1:11 ပူးပေါင်းရင်းမြစ်များ

Isiyaasi 30:8

And hambe; bulli yemeenooch miixoo bi tunemmoyich boonoshi aafoochaa ebin madee toommooch qiici kooribe; macaafoochoo kooribe.

Erimiyaasi 30:2

“Israꞌeelee Nuggishoo Doono Yeeri ishichiye: Neech ta getteti qaaroon macaafooch kooribe.

Imbaaqoomi 2:2

Doono Yeeriyoo taach ishichiye: “Ebi neech ta bekkiiya ii beeti yaaꞌoon shemmoyich bi iritiyaachemmoyich tuniiree, yalle xaqqooch kooribe;

Mishiraachechinaꞌo 16:14

Kiceeꞌi waayeebeeti genneenaꞌo daggooch Liidi getteebeeti, Yeerich qeyaabeeti ikke ure beehan. Biyoo Tiyaxirooni katemoochee waaꞌa, aaxxe gatiyechi damere qoreddoon giixaa beetine. Arooba Phawuloosi gettii beeton manjiiree bi ellemmoyich, Yeeri bi mulloon qechiye.

Mishiraachechinaꞌo 18:24

Arooba Iskindiri katemooch shiijjeti, Aphiloosi getteebeeti ikke Ayihudo Efesoon hammiye. Biyoo yibbaatoyich kuppho, Yaafe Macaafoonoo xiishii ariiti uroone.

Mishiraachechinaꞌo 20:17

Phawuloosi Miliixee Efesoon ashoon wocheꞌi, kittinnee guuphi geeneenaꞌon bi waan ceekkiihe.

1 Qorontoosi 15:32

Efesoonaa cooxona ta qiicceto ashi doyoommon baach bi tunegaata, amooniye taach bi gaaccemmo? Qititinaꞌo tiyaachemminaꞌo bi tunegaata, hini showeexi asheenaꞌochi gaboommon, “Yaach qitemmo no tunetoyich, mamone; uyone” getishiye no gettemmo.

1 Qorontoosi 16:8

Tunebaani Baaraachoo shaggimmi wottoon Efesoon yagemmo taane.

Efesooni 1:1

Yeerichi daaggoona Kiristoos Yesuusichi mishiraachecho tuneti Phawuloosi waanee, Kiristoos Yesuusina gibeneetinaꞌo tuneti Efesoon beeti yaafeenaꞌoyich:

Yibbaatoo 31:19

“Illa and hini shoddoon kooriree, Israꞌeeleenaꞌoyich dojjibote. Boonoshi toommooch miixoo bi tunemmoyich, ebi shoddoon boonoshi mulloona boonoshi yechemmoyich tuniibote.

Qolaasiyaasi 2:1

Ittoshinaa Lodooqi kittinneenaꞌonoyich, wotta aafoona taan beeggii ariyaaneenaꞌo bullichoo am shaahe ooge qiiccee toommooch ta beeto gaata ittoshi ariyemmoyich shunnoye.

1 Ximootiyoosi 1:3

Makidoonee showooch ta hammehooba, neech adera ta itoommon, ikkikke asheenaꞌo koote doyoon boonoshi gamichaachemmoyich ne tuniyemmoyich are Efesoon kotebe.

Yaaꞌoo 1:17

Biin ta beegiyooba, qititi ashoommon shaahaꞌa bi baatooch dihiyo. Biyoo bi qanne kishoon ta toommooch kotiihe; ishichiinoo iye: “Shattaahine! Shiichoonaa Tacona taane.

Yaaꞌoo 1:19

“Illa ne beeggeton, ebiyoo and tunee beetonaa ebiyee gubb tunemmi mooyonon kooribe.

Yaaꞌoo 1:2

Yowannisiyoo Yeerichi qaaroonaa Yesuus Kiristoosi miixeti iberoonochon bi beeggito bullin miixetone.

Yaaꞌoo 1:20

Ta qanne kishooch ne beeggeti shabaatte xojjenoonaa aachoochee shuuneeti shabaatte maqirajjoonochi maacee mooyo ebine: Shabaatte xojjeneenaꞌo geto, shabaatte kittinnee guuphinaꞌochi maraakeenaꞌone; shabaatte maqirajjeenaꞌo geto wotta, shabaatte kittinnee guuphinaꞌo getone.

Yaaꞌoo 1:4

Yowannisi waanee, Isiyee showooch beeti shabaatte kittinnee guuphinaꞌoyich: Andoo beeti, aafoo beeti, gubboo beeyemmi Yeer waanee, Yeerichi taatee qeechi aafooch beeti shabaatte ayaaneenaꞌo waanee,

Yaaꞌoo 1:8

“Ta Alfoonaa Oomeegoona, andoo beeti, aafoo beeti, gubboo beeyemmi, Beshe Hakkechi Nuggishoo taane” iye Doono Yeeri.

Yaaꞌoo 10:4

Shabaatte xeeyo xeejjimmona, ta waayeti mooyon kooriya iyo; tunebaani shimaayoochee “Shabaatte xeeyo xeeyaa getteeti mooyon maatemoona hicalli kooriyaahine” immi qaaroon waayeho.

Yaaꞌoo 14:13

Aroochee “Ebiyee damba Doonona tuneꞌi qitii beetinaꞌo diireetinaꞌone, getiree kooribe” immi qaaroon shimaayoochee waayeho. Yeerichi Ayaano wochiꞌi, “Iberoone; boonoshi shuuneti shuunoo gibeneetinaꞌo boonoshi tunoon miixee bi beetoyich, boonoshi maraatoochee kashemminaꞌone” iye.

Yaaꞌoo 19:9

Are maraakoo taach ishichiye: “ ‘Bagoochi gaaree gifirooch ceekketinaꞌo diireetinaꞌone’ getiree kooribe” iye. Daakkiꞌinoo taach “Ebi Yeerichi ibere qaaroone” iye.

Yaaꞌoo 2:1

“Efesooni kittinnee guuphi maraakoyich ishichi kooribe: Shabaatte xojjeneenaꞌon bi qanne kishoona yechito, aachoochee shuuneeti shabaatte maqirajjeenaꞌo daggoona shaꞌeebeeto ishichiye:

Yaaꞌoo 2:12

“Phergaamooni kittinnee guuphi maraakoyich ishichi kooribe: Gutte baddaa gayireeti aci goraadecho ishichiye:

Yaaꞌoo 2:18

“Tiyaxirooni kittinnee guuphi maraakoyich ishichi kooribe: Qaaqqee aaxxoon shaahiibeeti aafecho, qaaqqoona wociitaa shuuneeti gooshoochoommon wacciibeeti baatecho, Yeerichi Bushoo ishichiye:

Yaaꞌoo 2:24

Tunebaani ebi gonde doyoon dabbaani, ‘Sheexaanee maacee mooyo’ gettee beetonoo doyaani, Tiyaxiroon beeti ittoshi bullich ishichiyo: ‘Wottaa ta waammi wottoon ittoshich beeton manjiiree quyebote’ getoyee damba bare magge shaagoon ittoshi toommooch minjaache.

Yaaꞌoo 2:8

“Semirineesi kittinnee guuphi maraakoyich ishichi kooribe: Ebiyee aaf qitito, wochinnoon kashecho tuneto, Shiichoonaa Tacona ishichiye:

Yaaꞌoo 21:5

Taatee qeenooch koteti Yeeri “Ebiyoche, bulli mooyon andiriyemmo taane” iye. Daakkiꞌinoo taach “Ebi qaaro gibeneetonaa iberoona bi tunetoyich kooribe” iye.

Yaaꞌoo 22:10

Taach daakkiꞌi ishichiye: “Yemeeno katinnitone; ebich hini macaafeexi keemee qaaroon maatemoona hiccaahine.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.

Yaaꞌoo 3:1

“Sarideesi kittinnee guuphi maraakoyich ishichi kooribe: Yeerich maddeebeeti shabaatte ayaaneenaꞌon hajjii beetonaa shabaatte xojjeneenaꞌon bi kishoona yechitona ishichiye: Ne shuuneti shuunoon ariibeeto taane; kashechone getteebeeto neene; tunebaani qitito neene.

Yaaꞌoo 3:14

“Lodooqi kittinnee guuphi maraakoyich ishichi kooribe: Ameena getteeto, gibeneeti ibere miixoonaa bulli mooyon Yeeri biinna bi hallitona ishichiye:

Yaaꞌoo 3:4

“Tunebaani boonoshi tahoon kiiniyaani giisheche asheenaꞌo Saridees neenna tookkii beetinaꞌone; boonoshiyoo bedditinaꞌo tuneꞌi boonoshi danetoyich nacce tahoon taheree taanna tookki shaꞌemminaꞌone.

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye: