Yaaꞌoo 1:10 - Kafa Linguistics Project

¹⁰ Doonochi aabooba Yeerichi Ayaanee giidoo ta toommooch tunehe. Ta gubbaa tiree qaaroommi ooge qaaroon waayeho.

Yaaꞌoo 1:10 ပူးပေါင်းရင်းမြစ်များ

Haddoo 24:2

Biyoo boonoshi yoodi yoodoona kaamboon geddiꞌi koteti Israꞌeeleenaꞌon beeggiye. Yeerichi Ayaano bi toommooch waahe.

Maatiyoosi 22:43

Yesuusiyoo “Ishigaata, Daawiti Yaafe Ayaano biich shalligichaa, ‘Doono’ iꞌi aakkiya ceeggiye? Daawiti ishichiꞌi gettitone:

Yowannisi 20:19

Ebi are shabaattee batti batti aaboobee xum, Yesuusichi dabbeenaꞌo Ayihudee ukkireenaꞌon boonoshi shattitoyich, kelloon tuggeechii kiceeꞌi boonoshi beetaa, Yesuusi giyii boonoshi daggooch neexeꞌi, “Diggoo ittoshich tunebe” iye.

Yowannisi 20:26

Shimitte qemoyee gubb, bi dabbeenaꞌo wochinnoon kechi daggooch beeheete; Toomaasiyoo boonoshina tookkii beehe. Kello tuggeechaa Yesuusi waahe; boonoshi daggoochoo neexeꞌi, “Diggoo ittoshich tunebe” iye.

Mishiraachechinaꞌo 20:7

Shabaattee batti batti aabooba, koshon tiishi maaya ikkooch kiceeꞌa no beetaa, Phawuloosi bi yaachich hamma bi gabitoyich, kittinneenaꞌoyich ciiccii beehe; xum gutte qellimooch beddaahaa yibbaatoon genjiihe.

1 Qorontoosi 12:3

Ebin ariibote: Koniyoona Yeerichi Yaafe Ayaanoona yaabeebee, “Yesuusi uppeto tunebe” getaache; ebiyoommon wotta Yeerichi Yaafe Ayaanoona yaabeyaanoon, “Yesuusi Doonone” geton hakkemmo koniyoona aalloone.

1 Qorontoosi 16:2

Ta waahooba ebi gijjee buushoo bi tuneyaachemmoyich, shabaatti shabaattee batti batti aabooba, ittoshi qelli qelloona Yeeri ittoshich wojjitoommon kichiree kotiibote.

Yaaꞌoo 17:3

Yeerichi Ayaanee giidoo ta toommooch tunetaa, are maraakoo barahooch taan daammiye; Yeerin naaggiibeeti shigoona ceenniti ceelle cooxon yebbaꞌa beeti ikke ureen beeggeho; ebi cooxo shabaatte qellechonaa aashire qarechonane.

Yaaꞌoo 21:10

Yeerichi Ayaanee giidoo ta toommooch tunetaa, are maraakoo oogeti genje guudi toommooch taan kichiye; Yeerichi oogee yiiroo beeti yaafe katemee Yerusaalemi shimaajj beeti Yeer waanee bi kindaa beetaa taach bekkiihe. Bi aaxxoo yasphiido getteebeeti ooge aaxxe xaqqoommi shaahaachaa, bi daggoona beshii bekkiibeeti burciqoommine.