Titoosi 3:5 - Kafa Linguistics Project

⁵ noon bi wodiito bi maaree beshoonalli, no shuuneti cadiqee shuunoona toonoone; noon bi wodiito guttinnee shiijjoon no daneti machoonaa Yaafe Ayaanee andiriyoonane.

Titoosi 3:5 ပူးပေါင်းရင်းမြစ်များ

Iyoobi 15:14

“Asho xalloo tunoon hakkehe? Maachee maacoochee shiijjeto, cadiqo tunoon hakkehe?

Iyoobi 25:4

Yeeri aafoochaa asho cadiqo bi tunemmo aabichireeshiye? Maachee waanee shiijjeti asho xalloo bi tunemmo aabichireeshiye?

Iyoobi 9:20

Xalloo ta tunetaanoona, ta noonoo wochii taan gondii beetone; oonaallo ta tunetaanoona, ta mooyon xummii beetone.

Shoddo 130:7

Bi shoodo bulli aabeecho tunetoyich, beshiti wodiyoo bi waan beetoyich, Israꞌeelo, Doono Yeerin gibenebe.

Shoddo 143:2

Kashecho bulli ne aafooch cadiqo tuno bi qajjitoyich, ne guuno taan nallee gabberooch giddiyaahine.

Shoddo 51:10

Yeero, xalle mulloon taach hallibe; andiroonaa kaamoona tuneti ayaanoon taach imbe.

Shoddo 62:12

Ta Doonocho, shoodo neechone; newoo ashich bi shuuni shuunoommon qoccehine.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Isiyaasi 57:12

Cadiqe ne shuunoo gettee beeton gaxxi bekkiyemmo taane; tunebaani neech gaacaachemminaꞌone.

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Maatiyoosi 3:11

“Tawoo axaaxee gommoochee Yeerichi gommooch ittoshi wottoon bekkiyoyich, ittoshin aacona afaalliibeeto taane; tunebaani bi caammoonolla shaagoyich ta bedaano ta hillooch waabeeto, tayee beshe kupphoone; aroo Yaafe Ayaanoonaa qaaqqoona ittoshin afaallemmone.

Luqaasi 1:50

Shiijjeroochee shiijjerooch beddaahaa Yeerichi ariqqo biin shattii beetinaꞌoyich beeyemmone.

Luqaasi 1:54

Wonna no qaabbechinaꞌoyich bi gettitoommon, ‘Abrahaminaa bi yareenaꞌonoyich bulli yemeenooch ariqqemmo taane’ ii Yeeri bi gibenikkiti gibenoon gabiꞌi biich maddeebeeti Israꞌeelee yaroo noon gaachetone” iyan.

Luqaasi 1:72

no asheenaꞌoyich bi ariqqemmoyich, no qaabbechi Abrahamich bi giyiti wogoon, ebiyoo bi yaafe wogoon gabiree bi ceechemmoyichiye.

Luqaasi 1:78

No Nuggishoo maaco shaacaani ariqqechone; ebich maaddee aabo keyoommon damba shimaayoochee keyiree no waan woyemmone.

Roomi 11:14

Ebin ta tuniyaabeeto, ta yareenaꞌo tuneti Israꞌeeleenaꞌo qanaatetaa, boonoshi daggoochee ikkikkeenaꞌon ta wodiyemmoyichiye.

Roomi 11:6

Kaacceyoo Yeerichi wojjoona bi tunegaata ashi shuunoona toonoone getone. Ashi shuunoona bi tunemmo gaata, wojjoo ibere wojjoo bi tuno echetone getone.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Roomi 3:20

Ebich asho koniyoona sheeroon quyoona Yeeri aafooch cadiqaache; ebiyoo ebi sheeroo asho bulli axaaxecho bi tunoon bi arichii beetoyichiye.

Roomi 3:28

Ebich asho Muusichi Sheeroon ceechoona tuneyaanoon, Kiristoosi toommooch mulloon tooꞌiyoona cadiqemmo bi tunoon beeggaabeeto noone.

Roomi 4:5

Tunebaani amoonolla shuuneyaanoon, axaaxechon cadiqiibeeti Yeeri toommooch bi mulloon tooꞌiiti ashich, Yeeri ebi bi mullee tooꞌiyoon cadiqoo tuniiꞌi haddiye.

Roomi 9:11

Yeeri biich “Qaabboo guuchoyich hajjeyemmone” iye. Ebin bi ito bushiisheenaꞌo batt shiijjeyaani boonoshi beetaa, gaaweto tuneba gondo, ikkeenolla boonoshi tuniyaan beehoobane. Ebich Yeeri kaaccitoommon bi gaboo manjito bi tunemmoyich, ikkoon bariiꞌi bi kaaccito boonoshi shuuneti shuunoona tuneyaanoon, bi ceeggiti ceegoonane.

Roomi 9:16

Ebich maaroo danemmo maariibeeti Yeer waaneenalli, ashi daaggoona woyee ashi qiiccoona toonoone.

Roomi 9:30

Illa ama gettehone? Cadiqoon dabbaani Aageteenaꞌo cadiqiyeete; boonoshi cadiqitoo Yeeri toommooch mulloon tooꞌiyoonane.

1 Qorontoosi 6:11

Ebiyee aaf ittoshi daggoochee ikkikkeenaꞌo eboshiyoomminaꞌone; tunebaani and ittoshi Doono Yesuus Kiristoosinaa no Nuggishoochi Yaafe Ayaanoona axaaxoochee macheto ittoshine; yaafeeto ittoshine; cadiqiinoo ito ittoshine.

Galaati 2:16

Tunebaani asho Yesuus Kiristoosi toommooch mulloon tooꞌiyoonalli, sheeroon ceechoona cadiqaachemmo bi tunoon ariito noone. Ebich sheeroon ceechoona tuneyaanoon, Kiristoosi toommooch mullee tooꞌiyoona no cadiqemmoyich, no mulloon Kiristoos Yesuusi toommooch tooꞌiito noone. Meenon taheti asho koniyoona sheeroon ceechoona cadiqaache.

Efesooni 2:4

Tunebaani Yeerichi ariqqo oogichii bi woddetoyich, noon bi shunniti shunee beshoochee tiyitona

Efesooni 4:23

Ittoshi gaboonaa ittoshi ayaanoona andirebote.

Efesooni 5:26

Kiristoosi bi kashoon kittinnee guuphoyich beshiiꞌi bi immito, aacona machii, bi gettiti mishiraachee qaaroona xalliiꞌi yaafoyichiye.

Yibbaatoo 9:5

Boonoshi showoon woraashiya arooch ne giyaabeeto, cadiqe asho ne tunetoyich woyee ne mullee kaamoyich toonoone. Ne Nuggishoo Doono Yeeri ne aafoochee boonoshin yookkii bi kichiibeeto, gonde asheenaꞌo boonoshi tunetoyich, wottoo ne qaabbechinaꞌo tuneti Abrahamich, Yisaaqinaa Yaaqobinoyich bi wogeti wogoon ceechoyichiye.

Qolaasiyaasi 3:10

Ebi andire asho Yeeri bi hajjee shaahoon bi tunemmoyich, biinoo ariyooch bi beddemmoyich bi andiriibeeti ashoone.

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

Titoosi 3:4

Tunebaani noon Wodiyechi Yeeri bi deꞌittinoona ashoon bi shunonon bi gaxxiyooba,

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Hibireena'o 4:16

Illa maaroon no danemmonaa nooch qaawiihooba noon gaachemmi wojjoon no deqqemmonoyich, wojjoon immiibeeti Yeerichi taatee qeechi aafooch gaabbaanoon giddebone.

Hibireena'o 6:6

aroyee gubb qajjii wotteꞌi nookketinaꞌon, wochinnoon Yeer waan wochiꞌi boonoshin andiriyoo hakkeyaanoone. Ebiyoo, Yeerichi Bushoon wochinnoon boonoshi yooddii beetoyich, ashi aafoochoo boonoshi giishii beetoyichiye.

1 Pheexiroosi 1:3

No Doono Yesuus Kiristoosichi Nuggishoonaa Nihoona tuneti Yeeri galleteebe. Yesuus Kiristoosi qitoochee timona, gibenoona ceenniti kasho nooch bi beeyemmoyich, bi maaree beshoona guttinnoon no shiijjemmoyich tuniitone.

1 Pheexiroosi 2:10

Ebiyee aaf Yeerichi yoodo toono ittoshine; tunebaani and Yeerichi yoodo tuneto ittoshine; ebiyee aaf Yeerichi ariqqittinoon ariyaano ittoshine; tunebaani and bi ariqqittinoon ariito ittoshine.

1 Pheexiroosi 3:21

Ebi aaco wotta and noon wodiibeeti aacona afaalleyee shaahiyoone; ebiyoo ashi achooch beeti kiinoon machii bayona tuneyaanoon xalle mulloona Yeer waan giddemmi qolloonane; ebiyoo bi tuneebeeto, Yesuus Kiristoosi qitoochee timonane.