Titoosi 3:2 - Kafa Linguistics Project

² koninolla oonaaneenaꞌo, hayoochee wokkitinaꞌo, shiimechinaꞌo, asho bulli aafooch boonoshi qelloon giishii beetinaꞌo boonoshi tunemmoyich shalligichibe.

Titoosi 3:2 ပူးပေါင်းရင်းမြစ်များ

2 Saameeli 22:36

Taan wodiyemmi ne gaachoon taach immehine; ta qolloon waayaꞌa taan kupphiihine.

Shoddo 140:11

Oonnecho, mooyo biich kaametaa hini showooch beeyaaye; gonde mooyo hukkechon dabbe yeshiree aalliibe.

Shaahiyoo 19:19

Ippechi asho bi shuunee gatiyoon qoccemmone; biin gaachaa ne wodiigaata, wochinnoon ebin tuniyoo neech echeyaache.

Shaahiyoo 25:24

Noonechi mecheena tookkii ikke kexooch beemoyee, kechi toommeexi ikke gocooch beemo gaawiye.

Shaahiyoo 6:19

kootoon yibbaateebeeti koote miixoonaa, manaamaneenaꞌo daggooch hayoon booddiibeeti ashoononiye.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Maatiyoosi 11:29

Tawoo gaꞌi deꞌoonaa ta qelloon giishii beetona ta tunetoyich, ta waanjeen shaagote; ta waaneenoo doyibote. Arooba ittoshi kashe kashemmine.

Mishiraachechinaꞌo 23:5

Phawuloosiyoo “Ta maneenaꞌote! Qeeshee guudo bi tunoon ariyaano taane; Yaafe Macaafoochaa ‘Ne asheenaꞌochi ukkiroo toommooch gondoon yibbaateyaahine’ getaa kooreetone” iye.

1 Qorontoosi 6:10

gaayeenaꞌo, hiriggechinaꞌo, mashechinaꞌo, naagechinaꞌo, boggechinaꞌo, eboshi daggoochee ikkolla Yeerichi taatittineen woraashaachemmone.

1 Qorontoosi 9:19

Konichona guuchittinoon hajjeyaano ta tunetaanoona, beshe asheenaꞌon Kiristoos waan deeboyicha iyaꞌaniye ta qelloon guuno tuniiꞌa bullich ta hajjiibeeto.

2 Qorontoosi 10:1

Ta Phawuloosi, ta qelloona ittoshina tookkaa ta beehooba “gaꞌi deꞌo” getteeto, ittoshiyee ta wohiyooba “aaf kuppho” getteeto, Kiristoosichi shiimoonaa ariqqoona ittoshin qollaabeeto taane.

2 Qorontoosi 12:20

Ittoshi waan ta waahooba, diqqich ta gabitoommon tuneree daneyaachemmo ittoshine; tawoo wotta ittoshi gabitoommon tuneree daneyaachemmo taane. Hayo, qanaato, kaaro, “Ta besh taane” geto, oono, ashi shigee shaaꞌiyoo, geecoo, cangecho ittoshi waan beemo qayaache iyaꞌa shattaabeeto taane.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Galaati 6:1

Ta maneenaꞌote! Ittoshi daggoochee ikkoo toommooch amee xuꞌolla bi danegaata, Yaafe Ayaanoona yaabeebeeti ittoshi ebiyoommi ashoon shiimoona kaachibote. Newoo wotta ebiyoommi mooyona geecheeree ne dihaachemmoyich ne qelloon ariibe.

Galaati 6:10

Illa no hakkimmi aabo bullin asho bullich, ebiyeenoo boonoshi mulloon Yesuus Kiristoosi toommooch tooꞌiiꞌi ikke kechi ashoon tunetinaꞌoyich, gaawe mooyon tuniibone.

Efesooni 4:2

Bulli aaboon qellee giishiyoona, shiimecho tunoona, haaꞌiyoona ittoshinaa ittoshina ikkoo baroon shunibee haaꞌiibote.

Efesooni 4:31

Caamittino, ippo, kaaro, caagoonaa naagoona, gondo bullina tookki ittoshi waanee ciroona wohe.

Filipphisiyoosi 4:5

Ittoshi deꞌittino asho bullich arichebe. Doono Yesuusi kaateree woyemmone.

1 Ximootiyoosi 3:11

Ebiyoommon genneenaꞌo asho bulli oogii beetinaꞌo, oonaaneenaꞌo, dagg tate gaawe shuriyechinaꞌo, mooyo bullina gibeneetinaꞌo tunebeete.

1 Ximootiyoosi 3:3

masheyaano, damoo gufeyaano, shiimecho, hayeyaano (nabeyaano), gijjoyich dakaano,

Yaaqobi 3:17

Tunebaani damba Yeer waanee waabeeti shalligee shiichaꞌa xalleene; daakkaꞌa diggoon qaawii beetine; shiimechine; deꞌa ii beetine; maaroonaa deꞌe shuunoo bullina ceennetine; heppoonaa mulloon xalloo shaahiyoona bi waan aalloone.

Yaaqobi 4:11

Ta maneenaꞌote! Ittoshinaa ittoshina ooneyaahote; bi manoon oonniibeeto, bi oonniibeeto sheerooniye; bi manoo toommooch nallii beetoo, bi nalliibeeto sheeree toommoochiye. Wotta sheeree toommooch ne nalligaata, nallee gabberooch koteto nealli, sheeroon quyeebeeto toono neene.

1 Pheexiroosi 2:1

Illa gondo bullin, dawushoo bullin, mullee xalloo shaahoon, qanaatoon, oono bullinoo ittoshi waanee wokkiibote.

1 Pheexiroosi 3:10

Yaafe Macaafooch bi kooreetoommon, “Emiree kashoona beemon shunniibeeto, bi beeti yemeenooch gaawe mooyon beegoyich qaawiibeeti asho, bi heciyoona gondoon, bi noonoonoo dawushee yibbaatoon, yibbaataaye.

1 Pheexiroosi 3:8

And ciiroochaa ta gettaabeeto, ittoshi bulli ikke mulloona beebote; ikke ashi iritoon ittoshi qelli iritoommon tuniiree ciinote; manaamanoochoommon ittoshinaa ittoshina shunebote; ariqqechonaa gaꞌi deꞌoonon tunebote.

1 Pheexiroosi 4:4

Ebi mooyoyich boonoshina tookkii ikkotteꞌi meechi qaatoo bullin ceechoyich ittoshi woco qajjitoyich worganeebee, ittoshin naagee beetinaꞌone;

Yihudi 1:10

Tunebaani eboshi boonoshi ariyaani mooyo bullina naagee beetinaꞌone; shalligoon hakkaani kubbi cooxochoommon, boonoshi halloona boonoshi ariibeeti mooyo bi beetaanona, ciiroochaa ebi are mooyona aallemminaꞌone.

Yihudi 1:8

Ebiyoommon wotta ebi asheenaꞌo gumon gummiibee boonoshi hajjee ashittinoon eeꞌii beetinaꞌone; boonoshiyee damba beeton qallayii beetinaꞌone; damba shimaayooch beeti oogee yiirechinaꞌon naaggii beetinaꞌone.