Titoosi 3:1 - Kafa Linguistics Project

¹ Ne waan beeti kittinneenaꞌon, iraasheenaꞌonaa ukkireenaꞌonoyich hajjee beetinaꞌonaa deꞌa ii beetinaꞌona, deꞌe shuunoo bullichoo qannitinaꞌo,

Titoosi 3:1 ပူးပေါင်းရင်းမြစ်များ

Shaahiyoo 24:21

Ta bushoocho, Doono Yeerinaa taatoonon shate; boonoshi toommooch hukkee beetinaꞌona bacceyaahine.

Dojjecho 10:4

Ne ukkiroo neen kaarehooba, ne xaaꞌoon gawukkiyaahine! Cikkaa ne haaꞌiyoo oogeti bi ippoon aqqiihe.

Isiyaasi 43:26

Taach shalligichibe; eke taggebone; ne mooyon gidiidee, ne xallittinoon bekkiibe.

Erimiyaasi 27:17

Boonoshichon waayeyaahote; Baabloonee taatoyich maddiree kashoona beebote; hini katemoo aallemmo amoyichiye?

Maatiyoosi 22:21

Boonoshiyoo “Qesaarichone” iyeete. Yesuusiyoo “Ishigaata, Qesaarichon Qesaarich, Yeerichonoo Yeerich imbote” iye.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Yibbaatoo 17:12

Ne Nuggishoo Doono Yeeri aafooch neexeechii maddeebeeti qeeshoyich woyee woraaferashoyich ‘Deꞌa getaache’ ii beeti asho qitibe. Ebin tuniyoona ebi gonde mooyon Israꞌeelee showoochee wokkiibe.

Qolaasiyaasi 1:10

Gaawe shuunoo bullina aafoon aafebee, Yeerin ariyoona dicibee, bulli mooyona kupphoonaa haaꞌiyoona worganikkiibeeti bi giidoommon oogichi kupphebee, Yeeri bi yaafeenaꞌoyich bi qanniiti iristoon bi taatittinee bekkoochee no qoodeyemmoyich noon bechiti Nihoo Yeerin emiroona galletebee, mooyo bullina biin emirikkiya Doonoyich bedditon tuneree ittoshi beeyemmoyich corootaabeeto noone.

1 Ximootiyoosi 4:6

Hini neech ta getteti mooyinaꞌon kittinnee ne maneenaꞌoyich ne shalligichi gaata, Kiristoosi toommooch mulloon tooꞌiyee qaaroonaa and beddaahaa ne dabbaabeeti gaawe doyoona manjiree Kiristoos Yesuusichi gaawe maddechon tunemmo neene.

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.

2 Ximootiyoosi 1:6

Ebich neech ta shalligichaabeeto, ta kishoon ne toommooch ta kotiihooba ne daneti Yeerichi wojjoon qaaqqoon shoohoommon ne shookkemmoyichiye.

2 Ximootiyoosi 2:14

Ebi mooyinaꞌon shalligichoon qajjaahine; qaareenaꞌochi naboona boonoshi hayeyaachemmoyich, Yeeri aafoochaa boyebe; ebi waayee beetinaꞌon aalliishalli bi gettemmo, amoonolla gaacaachemmone.

2 Ximootiyoosi 2:21

Illa asho koniyoona ebi gonde mooyinaꞌoochee bi qelloon bi xalliigaata, aaxxe qiicoon tunemmone; bi Doonoyich diireeꞌi bi Doono biinna shuun bedo, gaawe shuunoo bullich qanniti qiicoon tunemmone.

Titoosi 1:16

“Yeerin ariibeeto noone” ii beetinaꞌone; tunebaani tiyaarii beetinaꞌonaa deꞌa getaaneenaꞌona, ikke deꞌe mooyon shuunoyichona bedaaneenaꞌoo boonoshi tunetoyich, boonoshi shuunoona Yeerin nookkee beetinaꞌone.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Titoosi 3:14

No macceenaꞌo wotta aafaalloon tuneree boonoshi echeyaachemmoyich, boonoshich qaawiibeeti mooyo beeyemmoyich buushaarechi shuunee yeshon doyibeete.

Titoosi 3:8

Ebi bullich bi qaaro gibeneetone; mulloon Yeeri toommooch tooꞌiiti asheenaꞌo deꞌe shuunoon shuunoona boonoshi kupphemmoyich, eboshin gaawichiree gete. Ebi mooyo deꞌoone; asho bullichoo gaaccemmone.

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

2 Pheexiroosi 1:12

Ebich ebi mooyinaꞌon ariito ittoshi tunetaanoona, ittoshi waan beeti iberee qaaroona manjito ittoshi tunetaanoona, wochi wochiree ittoshich shalligichemmo taane.

Yihudi 1:5

Ebiyee aaf ebi bullin ittoshi ariitaanolla, Doono Yeeri Gibitsee Israꞌeeleenaꞌon kichii wodiichii, bi toommooch mulloon tooꞌiyaaneenaꞌon gubb bi aalliyoon ittoshich shalligichoon shunnaabeeto taane.