Titoosi 2:2 - Kafa Linguistics Project

² Geene doonjeenaꞌo dagg tateenaꞌo, asho bullina naadeetinaꞌo, boonoshi qellee ariyechinaꞌo, Kiristoosi toommooch mullee tooꞌiyoonaa maneenaꞌon shunona, haaꞌiyoonoo kuppheenaꞌo boonoshi tunemmoyich ciice.

Titoosi 2:2 ပူးပေါင်းရင်းမြစ်များ

Iyoobi 12:12

Shalligoo beeto geene ashi waan toone? Goomo beeto yagiti ashi waan toone?

Shoddo 92:14

Boonoshi geenehoobolla aafemminaꞌone; bulli aabooch kupphe, nuuriree, “Doono Yeeri kaamoone; biyoo nooch Deebe Xaqqoone; bi waan xumme mooyo aalloone” geti awaajjibee, beeyemminaꞌone.

Shaahiyoo 16:31

Bukkoo oogee gubbichoone; bi daneebeeto, cadiqo tunoonane.

Isiyaasi 65:20

Ebiyee bekk giisheche aaboon baach beeyemmi gaggeroo woyee eenon miyaani geeno daneyaachemmone; balle nattiti asho bi qitigaata gooraalloon qititooch haddeyemmone; ikke asho ball nataanoon bi qitigaata bi axaaxoyich uppeto tune haddeyemmone.

Leweenaꞌo 19:32

“ ‘Bukkechi ashi aafooch tiyi neexebe. Geene ashoon oogiibe. Ne Nuggishoo taanoo shate. Ta, Doono Yeeri taane.

Maariqoosi 5:15

Yesuus waan shaggiꞌi, Legiyooni getteebeeti yinneenaꞌo yechiti uro wodiꞌi, bi tahoon tahee kotee beeton beeggiꞌi shattiyeete.

Luqaasi 8:35

Ebin waayeti asheenaꞌo “Hini mooyo amo gaata beegone” iꞌi boonoshi gafoochee kechiꞌi Yesuus waan hammiyeete. Yesuusi yinnoon bi toommoochee bi yookkiti uro bi mullo yeshaa, bi tahoon taheꞌi Yesuusichi gaꞌooch kotee beeton beeggiꞌi shattiyeete.

Mishiraachechinaꞌo 24:25

Biyoo cadiqeechonaa qellee ariyeechonon, wotta woyemmi nallaa galleechon bi getaa Filikisi waayeꞌi shattiye. Ishichiinoo iye: “And hambe; taach gaawehooba, neen ceekkiyemmo taane” iꞌi gettiye.

Roomi 12:3

Yeeri taach immiti wojjoona ebin ittoshi bullich gettaabeeto taane: Yeeri bi ikkikkoyich bi immiti mullee tooꞌiyoommon tachiree gabiballi, “Ta besh taane” geti geecoona gabaaye.

1 Qorontoosi 15:34

Ittoshi mulloon kaachibote. Axaaxoon shuuneyaahote. Ittoshi daggooch Yeerin ariyaani ikkikkeenaꞌo beetinaꞌone. Ta ishichaabeeto, ittoshi yeellemmoyichiye.

1 Qorontoosi 9:25

Wotta qiiccebone iꞌi qiiccoyich tiyiibeeto bulli, bulli mooyona bi ashittinoon manjiiꞌi kupphiihe. Eboshi qiicceebeeto, aallemmi naadee gubbichoon danoyichiye; tunebaani no qiiccaabeeto, aalleyaani gubbichoon danoyichiye.

2 Qorontoosi 5:13

No yibbaataabeeti yibbaatoona geyechon no shaahigaata, Yeericha iyaꞌaniye; woyee shalligechon no shaahigaata, ittoshicha iyaꞌaniye.

Galaati 5:23

shiimecho tuno, bi qellee ariyoo, eboshine. Eboshiyoomminaꞌon bajjemmi sheeroo aalloone.

Filipphisiyoosi 4:8

Illa ta maneenaꞌote! Gaawe mooyon woyee galleteya bede mooyon baach gabibote. Eboshiyoo ibere mooyo bullin, gaawe mooyo bullin, kaame mooyo bullin, xalle gaboo beeti mooyo bullin, emirikkiibeeti mooyo bullinaa naadoo beeti mooyo bullinon gabibote.

1 Tasaloonqi 5:6

Illa qaalliree no qelloon quyoona beebonalli, bareenaꞌochoommon tokketaayone.

1 Tasaloonqi 5:8

Tunebaani areddee asho no tunetoyich, mullee tooꞌiyoonaa shunoonon getee ginee tahoochoommon gediree, “Yeeri noon wodiyemmone” imi gibenoon xuuree ukoochoommon ukeree no qelloon quyoona beebone.

1 Ximootiyoosi 1:14

No Doono Yeerichi wojjoo, Kiristoos Yesuusina noocho tuneti mullee tooꞌiyoonaa shunoona tookkii beshaa besho tuneꞌi taach ichehe.

1 Ximootiyoosi 1:2

Kiristoos Yesuusi toommooch mullee tooꞌiyoona ibere ta bushoo tuneti Ximootiyoosich: Nihoo Yeerinaa no Doono Kiristoos Yesuusina waanee wojjoo, ariqqoonaa diggoona neech tunebe.

1 Ximootiyoosi 1:5

Ebin neech ta gettaabeeto, “Noonnaa noonna shunebone” getoyichiye. Ebi shuno bi danemmo xalle mulloonaa gaawe gaboona, Kiristoosi toommooch mulloon ibere tooꞌiyoonane.

1 Ximootiyoosi 3:11

Ebiyoommon genneenaꞌo asho bulli oogii beetinaꞌo, oonaaneenaꞌo, dagg tate gaawe shuriyechinaꞌo, mooyo bullina gibeneetinaꞌo tunebeete.

1 Ximootiyoosi 3:2

Illa kittinnee guuphon yaabii qeejjiibeeti geeno tunemmi asho, gonde mooyona oonneyaano, ikke mechecho, dagg tato, bi qelloon quyecho, gaawe shuriyecho, iibboon iibbiibeeto, Yeerichi qaaroon dojjoon hakkito,

1 Ximootiyoosi 3:4

bi bushiishoo waanee ibbeyoonaa deꞌa getonon daneebeeto, bi kechi asheenaꞌonoo gaawichiꞌi qeejjiibeeti uro tunebe.

1 Ximootiyoosi 3:8

Ebiyoommon wotta daaquuneenaꞌo asho bulli oogii beetinaꞌo, heciyoon shaddaaneenaꞌo, wodde woyinee uyoon wotaaneenaꞌo, gijjoyich dakaaneenaꞌo,

1 Ximootiyoosi 5:1

Geeneton ne nihoon tuniiree ciicalli noggeyaahine; gurimaashoon ne manoon tuniiree,

Titoosi 1:13

bi miixeti miixittino iberoone. Ebichi naboyich Ayihudeenaꞌochi tochoonaa iberee qaaroyich deꞌa getaani dojjechinaꞌo tuniibote iꞌi boonoshi gettiibeeti mooyonon elleyaahote gete. Kiristoosi toommooch mullee tooꞌiyoona boonoshi manjemmoyich manjii ittibatebe.

Titoosi 1:8

Wotta iibboon iibbiibeeto, deꞌe mooyon shunniibeeto, bi qellee ariyecho, kaamoo, Yeerich diireeto, bi qelloon quyecho tunebe.

Titoosi 2:7

No doyoon shixxiibeeti asho no shigoon bi gondiyemmi mooyon mucceree bi yeellemmoyich, bulli gommona gaaweton shuunebee deꞌe mooyon bekkiyecho tunebe. Ne dojjaabeeti doyoona deꞌe moochecho, asho bullina naadeeto, koniyoona oonon hakkaani iiwe yibbaatecho ne tunoon bekkiibe.

Filimooni 1:9

geeno tuneti ta Phawuloosi, andoo wotta Kiristoos Yesuusichi qaaroon ta getti naboona cucheto, neen ta shunnaa beetoyich neen qollehoye.

1 Pheexiroosi 1:13

Illa shuunoyich cuye tiyiree qannibote; ittoshi qelloon quyoona beebote; Yesuus Kiristoosi bekkehooba ittoshi danemmi wojjoon ceenoona gibenebote.

1 Pheexiroosi 4:7

And illa bulli moochi ciiro katinnitone. Ebich corootoon ittoshi hakkemmoyich ittoshi qelloon quyoona qaalliree beebote.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

2 Pheexiroosi 1:6

ariyee toommooch qellee quyoon, qellee quyee toommooch haaꞌiyoon, haaꞌiyee toommooch Yeerin oogiibeeti qocoona beemon,