Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Titoosi 2:11 - Kafa Linguistics Project

11 Ebiyoo, asho bullin wodiyoon hakkemmi Yeerichi wojjoo bi gaxxeetoyichiye.

အခန်းကိုကြည့်ပါ။ ကော်ပီ




Titoosi 2:11
50 ပူးပေါင်းရင်းမြစ်များ  

Ne gommo, showoo bulliich, wodiyecho ne tuno, aagetoo bullich, arichebe.


No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.


Aageteenaꞌo daggoochaa “Doono Yeeri taatete; bi shuuraachemmoyich showoon manjiiꞌi neechiye; biyoo bi macceenaꞌo bullich tachi nallemmone” getote.


“Nuggishoo ta baachalli baroo aallo bi tunetoyich, showee tuggo bulliich beetinaꞌote, ta waan wotteree wodibote.


Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.


“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.


“Ooge geppoocho, ne amo neene? Zerubabeeli aafooch naqqe gaddoon tunemmo neene. Asheenaꞌo, ‘Am shaahoon gaawehe! Am shaahoon gaawehe!’ geti boonoshi cooki beetaa, aroo taci xaqqoon kichi kotiyemmone” iye.


Illa tiyiree hambote; aageteenaꞌo bulliich beetinaꞌon Nihoo Yeeri, Bushoo Yeerinaa Yaafe Ayaanoonochi shigoona aacona afaalloonaa tuniibote iyaꞌa ittoshich ta getteto bullin boonoshich dojjoona ta dabbeenaꞌon tuniibote. Illa yemeenee ciirooch beddaahaa bulli aaboon ta ittoshina tookkaa beeto taane” iye.


Daakkiꞌi ishichiye: “Showee toommo bulliich hambote; ta mishiraachoon halleeto bullich getote.


Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.


Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.


Are bekko alemooch waabee, asho bullich bekkiibeeti ibere bekkoone.


Biyoo hammii Yeeri bi wojjoon hini asheenaꞌoyich bi imon beeggiꞌi emiriye; boonoshi bullin, ceeni mulloona manjiree, Doono Yesuusichoo gibeneeree boonoshi beeyemmoyich ciicciye.


Kiceeti asho shaccetoyee gubb, Ayihudeenaꞌonaa Ayihudeenaꞌo waan wotteꞌi Yeerich qeyii beetinaꞌonochi daggoochee meeti asheenaꞌo Phawuloosinaa Barnabaasinon dabbiyeete. Phawuloosinaa Barnabaasina hini asheenaꞌon “Yeeri ittoshich immiti wojjoona manjiree beebote” iꞌi ciicciyeete.


No hammaabeeti naboo, Doono, ‘Showee toommo bulliich beddaahaa beeti asheenaꞌo neenna wodemmoyich, Aageteenaꞌoyich neen ceechoo tuniito taane’ iꞌi nooch bi gettitoyichiye” iyeete.


Illa Yeeri besheti tuushee yemeenoon haddaanoon qajjitone; tunetaa and boonoshi kexi kexooch beeti asheenaꞌo bullin ‘Ittoshi gonde gommoochee ta waan wottebote’ iꞌi gettitone.


Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.


Tunebaani “Wochoon waayeyaaneenaꞌone?” iyo. Waayetinaꞌone. Yaafe Macaafooch bi kooreetoommon, “Wocheyechinaꞌochi qaaro, alemo bullich waayeehe; boonoshi gettiti qaaro, showee tuggooch beddaahaa shaggiye.”


Tunebaani Yeerichi wojjoo Addaamichi xuꞌoommon toonoone; ebi are ikke uroochi xuꞌee naboona meetinaꞌo qititinaꞌone; Yeeri immiibeeti wojjoo am shaahoon beshaa beshiꞌi woddete! Ebiyoommon ikke uro Yesuus Kiristoosina Yeeri meetinaꞌoyich wojjoon beshaa beshiiꞌi immitone.


Yesuus Kiristoosiyoo wotta bi toommooch no mulloon tooꞌiyoona no beeti hini wojjooch noon shakkiiꞌi giijjitone. “Yeerichi oogee yiiroochee qoodeyecho tunemmo noone” getona nooch beeti gibenoona geeciyone.


Illa Yeerina tookkii shuuneebeeto tunaꞌa ittoshin no qollaabeeto, ittoshi deqqiti Yeerichi wojjoon duuboon ittoshi tuniyaachemmoyichiye.


Tawoo Yeerichi wojjoon dufaache; cadiqoo sheeroon ceechii quyoona danemmo bi tunegaata, illa Kiristoosi qitito duuboone” iyoye.


no xuꞌee naboona qitaꞌa no beetaanona, Kiristoosina tookkii nooch kashoon immiye; Yeeri bi wojjoona ittoshin wodiitone.


Bi toommooch ittoshi mullee tooꞌiyoona Yeeri bi wojjoona ittoshin wodiitone; ebiyoo bi immiti wojjoonalli ittoshi shuunoona toonoone;


Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.


Ebi mishiraachoo ittoshi waan shagaa, Yeerichi wojjee iberoon waayeꞌi gaawichii ittoshi ariiti aaboochee tiijjiꞌi ittoshi daggooch bi tuniitoommon, wotta ebiyoommon alemo bulliich aafoon aafee beetone; gaminniinoo beetone.


Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.


No Doono Yeerichi wojjoo, Kiristoos Yesuusina noocho tuneti mullee tooꞌiyoonaa shunoona tookkii beshaa besho tuneꞌi taach ichehe.


Andoo hini wojjoo, noon Wodiyechi Kiristoos Yesuusi hini showee toommooch bi womona bekketone. Biyoo qitee giidoon aalliitone; bulli yemeenoon kashoona no beeyemmi gommonoo mishiraachee qaaroona gaxxii xalliiꞌi bekkiitone.


Tunebaani mishiraachee qaaroon bechee shuunoo taanna bi ceennemmonaa Aageteenaꞌo bulli waayemmonoyich, Doono Yesuusi ta gaꞌooch neexeꞌi taan kupphiihe; daaheree gammoocheenoo taan wodiihe.


Koniyoona Yeerichi wojjoon qayiree gubb bi wotteyaachemmoyich, meetinaꞌon eeꞌiyemmi, caammiibeeti xepphoommi amee mooyolla kaama diciree kittinnee guuphon bi xuuxiyaachemmoyich,


Tunebaani Yeerichi wojjoona asho bullich bi qitemmoyich, giisheche wottoon maraakeenaꞌoyee bi shappemmoyich tuneti Yesuusin, qitee xuuxoon bi beeggitoyich, oogoonaa oogee yiiroonochi gubbichoon uketon beeggehone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ