Titoosi 1:9 - Kafa Linguistics Project

⁹ Gaawe kittinnittinee doyoona bi ciiccemmoyich, wotta gaawe doyoon shixxii beetinaꞌon bi xoobiyemmoyich, ibere doyoo beeti, gibeneeti qaaroon manjiiree yeshe.

Titoosi 1:9 ပူးပေါင်းရင်းမြစ်များ

Iyoobi 2:3

Doono Yeeriyoo Sheexaanoon “Ta guuno Iyoobin xiishaa beeggetine? Showee toommooch biinoommi oonaalli kaamoo, Doono Yeeri taan shattiibeeto, gonde mooyoocheenoo wokkiti asho aalloone. Ikke naboo aalloon biin ta aalliyemmoyich ne qiiccetaanona and beddaahaa bi deꞌittinoona manjitone” iye.

Iyoobi 27:6

Ta kaamittinoona manjemmo taane; aroonoo qayaachemmo taane; ta kashee yemeeno bullin, ta maaco taan hoxeyaache.

Shaahiyoo 23:23

Iberoon kemeballi kemmaahine; shalligoon, gaawe ciicoonaa gabii deꞌonon kemebe.

Mishiraachechinaꞌo 18:28

Boonoshin bi gaacheto, Yesuusi aroo Kiristoosi bi tunoon Yaafe Macaafoochee manjiibee, asheenaꞌo aafooch Ayihudeenaꞌon xoobiyoonane.

1 Qorontoosi 14:24

Ebiyee boonoshi bulli keemoon keemmii boonoshi beetaa, boonoshi beetooch Kiristoosi toommooch mulloon tooꞌiyaani woyee ariyaani asho bi giyigaata, boonoshi bulli gettiibeeti qaaro bi maacoon michemmone; bi waayeti mooyo bulli biin ittibatemmone.

1 Tasaloonqi 5:21

Bulli mooyon phire boshebote; gaaweto tuneton yeshote.

2 Tasaloonqi 2:15

Illa no maneenaꞌote! Manjiree neexebote. Noonoona no getteton tunetaa woyee no kooriti wochoona ittoshich no beshiiti doyoon manjiiree yeshote.

1 Ximootiyoosi 1:15

“Axaaxechinaꞌon wodiyoyich Kiristoos Yesuusi hini alemooch waahe” ii beeti qaaro iberoone; asho bulliyoo iberiiꞌi yech bede mooyone. Axaaxechinaꞌo bulliyee beshe axaaxecho taane.

1 Ximootiyoosi 1:19

Kiristoosi toommooch mullee tooꞌiyoonaa axaaxoon tiyaareebeeti xalle mulloonon manjiiree yeshe. Ikkikkeenaꞌo boonoshi mulloona “Axaaxoon tiyaareyaachone” iꞌi, markabo xaqqoona qicceꞌi aacona qoochee bi aalloommon, Yesuusichi toommeexi boonoshi mullee tooꞌiyoon aalliitinaꞌone.

1 Ximootiyoosi 4:9

Ebi qaaro, asho bulli iberiiꞌi yech bede ibere mooyone.

1 Ximootiyoosi 6:3

No Doono Yesuus Kiristoosichi xalle qaaroonaa Yeerin oogiibeeti beemoyich tunemmi doyoonon shaahaani, bariti doyoon dojjiibeeti asho koniyoona bi beegaata,

2 Ximootiyoosi 1:13

Kiristoos Yesuusina daneebeeti mullee tooꞌiyoonaa shunoona manjiree beebe. Ta waanee ne waayeti gaawe qaaroon tachiꞌi getonaa dojjoona taan shaahibe.

2 Ximootiyoosi 2:2

Meeti miixeenaꞌo aafoochaa ta getaa ne waayeti mooyo bullin, bareenaꞌoyich dojjoon hakkemmi gibeneeti asheenaꞌoyich wotta guudiibe.

2 Ximootiyoosi 2:25

Bi dojjiibeeti mooyon happiya qiiccee beetinaꞌon shiimoona dojjibee ciice. Diqq Yeeri iberoon boonoshi ariyemmoyich, axaaxee gommoocheenoo bi waan boonoshi wottemmoyich bi daaggigaata,

2 Ximootiyoosi 3:14

Tunetaa ne, ne doyitonaa xiishaa ne iberiitona kupphebe; koni koni waanee ne doyito gaata ariibeeto neene.

2 Ximootiyoosi 4:3

Ebin ta gettaabeeto, asho hini gaawe kittinnittinee doyoon qajje bi gettemmi yemeeno woyemmo bi tunetoyichiye. Baribare ariyoon waayeya waamon qaacheree boonoshi qaatoon ceechemmi dofee dojjechinaꞌon boonoshi waan ceegi kicemminaꞌone

Titoosi 1:11

Eboshi cikki qajjemmoyich tuniyoo qaawiihee; ebiyoo yeelliibeeti gaboona gaacoon danoyich tuneyaani mooyon ashich dojjiibee kechi asheenaꞌo bullin boonoshi shuurikkii beetoyichiye.

Titoosi 2:1

Tunebaani ne, gaawe kittinnittinee doyoyich mashaamiton dojjibe.

Yihudi 1:3

Ta shunechinaꞌote! No qoodeebeeti wodeechon ittoshich kooroyich oogeti gabee toommooch beechaa, Yeeri yaafeenaꞌoyich ikke wottoon bi immiti, shaddeyaani gibenoyich ittoshi qiiccemmoyich, ittoshin ciicciibee kooroo taach qaawiibeeto tuneꞌi bekkehe.

Yaaꞌoo 3:11

“Kaateree woyemmo taane; neech ichemmi gubbichoon koniyoona bi bogaachemmoyich, neech beeti mooyon manjiiree yeshe.

Yaaꞌoo 3:3

Illa waayaa ne ariiti mooyinaꞌon gabibe; ebi are mooyinaꞌonoo quyebe; axaaxee gommoochee Yeer waan wottebe. Qaalloo ne qayigaata, diqqoona ne beetaa gaayo womoommon, neech woyemmo taane; amee saatooch ta woyemmo gaata ariyaano neene.