Titoosi 1:7 - Kafa Linguistics Project

⁷ Hini are kittinnee guuphon yaabii qeejjiibeeti geeno Yeerichi shuunoon kaachi bi shuunemmoyich, gonde mooyona oonneyaano, geecaano, kaatee kaareyaano, masheyaano, damoo gufeyaano, gijjoon hiriggaano tunebe.

Titoosi 1:7 ပူးပေါင်းရင်းမြစ်များ

Halloo 49:6

Boonoshi koceyooch ta giyaache; boonoshi iitee xaaꞌooch ta daneyaache. Ippoona tiyiꞌi asheenaꞌon wuxitinaꞌone; gatteenaꞌochi tingoonoo qeccee kaachitinaꞌone.

Shaahiyoo 14:17

Kaatee kaareebeeti asho, tuushe ashi shuunoon shuunehe; tunebaani ariyecho haaꞌiihe.

Shaahiyoo 15:18

Ippechi asho kaaroon booddiye; tunebaani haaꞌiyechi asho kaaroon aqqiihe.

Shaahiyoo 16:32

Ginee anaamoyee haaꞌiyechi asho gaawiye; katemoon kochii yechitoyee bi qelloon hajjito beshiye.

Dojjecho 7:9

Kaaroochi kote xaaꞌoo, mullaalleenaꞌochi mullo bi tunetoyich, kaaroyich afaafineyaahine!

Isiyaasi 28:7

Qeesheenaꞌonaa keemechinaꞌona mashiibeeti uyoona dadeddeheete; woyinee uyoonoo mullo baalleeheete; mashiibeeti uyoonoo tattelleheete; yaaꞌee beegona muricciyeete; nallee nalloochaa tepheeheete.

Hiziqeeli 44:21

Qeeshoo tuneto koniyoona woyinee uyoon uyiichi maaci addibaabooch giyaaye.

Leweenaꞌo 10:9

“Ittoshi qitaachemmoyich, neennaa ne anaami bushiishoona danee duukkaanooch ittoshi giyii beegaata, woyinee uyoon woyee mashiibeeti uyoon uchaahote. Ebiyoo gubbi ittoshi shiijjeroo bulliich beddaahaa, bulli yemeenee qociyoo tunebe.

Maatiyoosi 24:45

“Illa maayoon boonoshich qaawiimmi saatoona bi immemmoyich bi doono bi kechi asheenaꞌo toommooch bi ukkiriiti gibeneeti mullechi wochee bushoo konine?

Luqaasi 12:42

Doono Yesuusiyoo ishichiye: “Illa heeyi maayoon boonoshich qaawiimmi saatoona bi immemmoyich, doono bi kechi asheenaꞌo toommooch bi ukkiriiti gibeneeti mullechi wochee bushoo konine?

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

Filipphisiyoosi 1:1

Kiristoos Yesuusichi guuninaꞌo tuneti Phawuloosinaa Ximootiyoosina waanee, Filipphisiyoos beeti, kittinnee guuphon yaabii qeejjiibeeti geeneenaꞌonaa daaquuneenaꞌona tookkii, Kiristoos Yesuusina yaafeenaꞌo tunetinaꞌo bullich:

Titoosi 1:5

Qerixeesee showooch neen ta echiiti naboo, neech ta gettetoommon echeti shuunoon ne ceechemmonaa katemoo bulliich beeti kittinnee guuphoyich geeneenaꞌon kaaciree shuunooch ne neechemmonoyichiye.

Titoosi 2:3

Ebiyoommon wotta geene genneenaꞌo boonoshi qocoona Yeerich diireetinaꞌo, oonaaneenaꞌo, wodde woyinee uyoon wotaaneenaꞌo, deꞌe mooyon dojjii beetinaꞌo boonoshi tunemmoyich ciice.

1 Pheexiroosi 4:10

Asho bi ikkikkoona Yeeri biich immiti baribare wojjoona tatoona shuuneree, are Yeer waanee bi deqqiti wojjoon bareenaꞌoyich gaaccemmon tuniibe.

1 Pheexiroosi 5:2

Asho bi bagoon bi quyoommon, ittoshi waan beeti Yeerichi asheenaꞌon quyebote. Asho ittoshin shuunebote iꞌi iritiitoyich tuneyaanoon, Yeeri daaggitoommon ittoshi mulloochee tiijji shuniree shuunebote. Gaacoon danoyich hiriggoona tuneyaanoon, deꞌe ittoshi daaggoona quyebote.