Titoosi 1:6 - Kafa Linguistics Project

⁶ Kittinnee guuphi geeno tunemmi asho, gonde mooyona oonneyaano, ikke mechecho, boonoshi mulloon Kiristoosi toommooch tooꞌiiti, wotta gonde qocoonaa wochee waayee qayona taggeyaani bushiishecho tunebe.

Titoosi 1:6 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

Shaahiyoo 28:7

Sheeroon quyeebeeto, mullechi bushoone; tunebaani gaacaalleenaꞌona guupheebeeto, bi nihoon yeelliihe.

Hiziqeeli 44:22

Xuumeenaa gawukkeetinon shaaggaayeete; tunebaani Israꞌeelee yaroochee gidiideen woyee bi keno qititi qeeshoo mecheen shaageete.

Leweenaꞌo 21:14

Xuumeen, gawukkeetin, yahechi tunaꞌa bi qeddoon eeꞌiitin, eboshin shaaggaaye. Lewi yoodoochee gidiidee tuneti busheen baach shaage.

Leweenaꞌo 21:7

“ ‘Qeeshoo bi Nuggishoyich yaafeeto bi tunetoyich, yahechin tunaꞌa bi qeddoon eeꞌiitin woyee gawukkeeti maacheen shaaggaaye.

Milikiyaasi 2:15

Yeeri neennaa biinnon ikke meenonaa ikke ayaanoonon tuniyaanoone? Ebin bi tuniito amoyichiye? Ebin bi tuniito, biin shattiibeeti bushiishoon ittoshi shiyemmoyichiye. Ebich ittoshi qelloon quyebote. Koniyoona bi bushittinee mecheyich bi giyiti wogoon biichaaye.

Luqaasi 1:5

Yihudee taatoo Heroodisi taatee beehooba, Yeerich maddeebeeti Abiyi guuphi daggooch Zakaariyaasi getteebeeti ikke qeeshoo beehe; bi mechee Haroonichi yareene; bi shigoo Elsabeexi getteehe.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

1 Tasaloonqi 5:14

Wotta no maneenaꞌote! Ittoshin ciiccaabeeto noone; shuuna biisheenaꞌon kaare ciicote; aafi shateenaꞌon kupphiibote; kuppheyaaneenaꞌon gaachebote; asho bullin haaꞌiibote.

1 Ximootiyoosi 1:9

Yeeri hini sheeroon bi immito, sheeroon shaaddee beetinaꞌonaa hukkechinaꞌonoyich, Yeerin dabboochee wokkii beetinaꞌonaa axaaxechinaꞌonoyich, Yeerin oogiyaaneenaꞌonaa yaafe mooyon eeꞌii beetinaꞌonoyich, boonoshi indeenaa nihoonon wuxii beetinaꞌonaa ashi kashoon kichii beetinaꞌonoyich, shunimaayeenaꞌoyich, anaamona tookkii shuno maabeeti anaaminaꞌoyich, ashoon giidoona yechii kemmechinaꞌoyich, kooteenaꞌoyich, kootoon wogee beetinaꞌoyich, gaawe kittinnittinee doyoon shixxii beetinaꞌo bullichalli, cadiqeenaꞌoyich toonoone.

1 Ximootiyoosi 3:12

Daaquuneenaꞌo boonoshi ikkikkoona ikke mechechinaꞌo, boonoshi bushiisheenaꞌonaa kechi asheenaꞌonon gaawichiꞌi qeejjii beetinaꞌo tunebeete.

Titoosi 1:10

Ishichaꞌa neech ta gettaabeeto, hukkechinaꞌo, baade hayechinaꞌonaa dachechinaꞌona, eboshiyeenolla “Ayihudeenaꞌochi sheeroon ceechibote” ii beeti meeti asheenaꞌo beetoyichiye.

1 Saameeli 2:11

Aroochee Eliqaani Raama beeti bi kexooch wotteꞌi hammiye. Tunebaani bushoo Saameeli Shilooha echeꞌi, qeeshoo Eeli aafooch tunee, Doono Yeerich maddee beehe.

1 Saameeli 2:22

Ebiyooba Eeli oogeton geenetone. Biyoo bi bushiisheenaꞌo Israꞌeeleenaꞌo toommooch boonoshi tuniibeeto bullin, danee duukkaanee kellooch maddeebeeti genneenaꞌon boonoshi qemonoo waayee beehe.