Titoosi 1:5 - Kafa Linguistics Project

⁵ Qerixeesee showooch neen ta echiiti naboo, neech ta gettetoommon echeti shuunoon ne ceechemmonaa katemoo bulliich beeti kittinnee guuphoyich geeneenaꞌon kaaciree shuunooch ne neechemmonoyichiye.

Titoosi 1:5 ပူးပေါင်းရင်းမြစ်များ

1 Kiinoo 6:32

Boonoshiyoo taatoo Solomooni Doono Yeerichi yaafee kexon Yerusaalem bi hagoyee shiichiꞌi, yaafee duukkaanoochaa, ebiyoo danee duukkaanoochaa kaalli kaalloona shoddoona maddee beeheete.

Dojjecho 12:9

Dojjecho shalligechone; biyoo asheenaꞌoyich ariyoon dojjiye; kichii kindii yexiiꞌi meeti shaahiyeenaꞌon qanniihe.

Isiyaasi 44:7

Taan shaahemmo konine? Bi beegaata, eke gete; ta aafooch ebin giddiibe; wonna, ta asheenaꞌon ta manjiitoochee tiijjiꞌi beeton gete; gubb tunemmi mooyon gete; gubb amo tunemmo gaata, eke gete.

Leweenaꞌo 14:42

Ebi waaxaa kechiti xaqqeenaꞌochi xaaꞌooch asheenaꞌo bare xaqqeenaꞌon keribeete; kexonoo wochinnoon dengoona dufeete.

Mishiraachechinaꞌo 11:30

Gijjoon kiciꞌi, “Barnabaasinaa Sawulina kishoona kittinnee guuphi geeneenaꞌoyich shage” iꞌi daachiiheete.

Mishiraachechinaꞌo 14:23

Are katemeenaꞌooch beeti kittinnee guuphinaꞌo bulli toommooch geeneenaꞌon kaacciꞌi boonoshi ukkiriitoyee gubb, coomii corootiꞌi, boonoshi mulloon bi toommooch boonoshi tooꞌiiti Doono Yesuusich beshii immiyeete.

Mishiraachechinaꞌo 27:12

Hini are xaaꞌoo yooyon beshiyoyich mashaamaani xaaꞌoo bi tunetoyich, beshe asheenaꞌo “Nooch bi hakkeegaata, aabi-giyaa dambi-waani qatonaa deshi-waani qatonochi ciinooch beeti Qerixeesee showooch beeti Foonki katemooch hamiree, aroochaa yooyon kichibone” iꞌi echeeheete.

Mishiraachechinaꞌo 27:13

Kette yongo deshi-waanee yongetaa beeggiꞌi, shiichii boonoshi qaawito boonoshich kaameto bi shaahaa, ebina tiyii markaboon yeshi bi neechemmoyich, aacooch boonoshi duppiti xuuroon tiijjiꞌi boonoshi gommon yechiyeete. Qerixeesee showee gashi gashoona beshee hammiyeete.

Mishiraachechinaꞌo 27:21

Asheenaꞌo maayoon maataanoon meeti aaboon boonoshi kotetoyee gubb, Phawuloosi boonoshi daggooch tiyii neexeꞌi ishichiye: “Hini asheenaꞌote, ta geton waayeꞌi Qerixeesee showooch ittoshi yagito gaata, hinoommi gijjee aalloonaa iritoonon beegaachesho ittoshine.

Mishiraachechinaꞌo 27:7

Meeti areddoon nibbaabee hammehon; wodde iritoona Qiidoosi katemee ciinooch shaggehon; no beeti markabo aroona bi hamaachemmoyich yongo bajjiye. Ebich Qerixeesee showoona degeebee, Salimooni gaꞌoona beshaꞌa hammehon.

1 Qorontoosi 11:34

Ittoshi kiceyoo nalloon ittoshi toommooch bi deebaachemmoyich, shaaceto koniyoona bi beegaata, bi kexoochaa mame. Echeti mooyon ittoshi waan ta waahooba qociyemmo taane.

1 Qorontoosi 14:40

Mooyo bulli yaaroonaa gaaweti gommona tunebe.

1 Qorontoosi 4:17

Ebichi naboyich shucheti, gibeneeti, Doono Yesuusina ta bushoo tuneti Ximootiyoosin ittoshi waan wochaabeeto taane. Bulli xaaꞌooch beeti kittinnee guuphinaꞌo bullich ta dojjaabeeti doyoommon, Kiristoos Yesuusina taach beeti kashee gommon aroo ittoshich shalligichemmone.

Qolaasiyaasi 2:5

Meenona ittoshi waanee ta wokketaanona, bulli aaboon ittoshin gabaabeeto taane; gaawe qocoona ittoshi beemonaa Kiristoosi toommooch mullee tooꞌiyoona ittoshi manjoonon ta beeggetoyich emiraabeeto taane.

1 Ximootiyoosi 1:3

Makidoonee showooch ta hammehooba, neech adera ta itoommon, ikkikke asheenaꞌo koote doyoon boonoshi gamichaachemmoyich ne tuniyemmoyich are Efesoon kotebe.

2 Ximootiyoosi 2:2

Meeti miixeenaꞌo aafoochaa ta getaa ne waayeti mooyo bullin, bareenaꞌoyich dojjoon hakkemmi gibeneeti asheenaꞌoyich wotta guudiibe.

Titoosi 1:12

Qerixeesee asheenaꞌochi daggeexi ikke keemecho “Qerixeesee asheenaꞌo bulli aaboon kooteenaꞌo, gonde cooxoomminaꞌo, maayi buujjeenaꞌonaa shuuna biisheenaꞌonane” iꞌi,