Titoosi 1:2 - Kafa Linguistics Project

² Ebi mullee tooꞌiyoonaa iberoon ariyoona bulli yemeenee kashoon danee gibenee toommooch neexetone; ebi kashoyichoo kootaani Yeeri, yemeeno bulliyee aaf gibenikkitone.

Titoosi 1:2 ပူးပေါင်းရင်းမြစ်များ

Isiyaasi 1:20

tunebaani qajje iꞌi ittoshi hukkegaata goraado ittoshin maayemmone. Ebin Doono Yeeri ta, ta noonoona getteto taane” iye.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Maatiyoosi 25:34

“Taatoo qanne badd beetinaꞌoyich ishichemmone: ‘Hini ta Nihoo diiritinaꞌote, wobote! Yeeri alemoon bi hallitoochee tiijjiꞌi ittoshich bi qanniiti taatittineech giyiree woraashibote!

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Maariqoosi 10:17

Yesuusi aroochee tiyiꞌi bi hammii beetaa, ikke uro bi waan woccii waaꞌi bi baatooch goyinneechii, “Deꞌe Dojjechocho, bulli yemeenee kashoon ta danemmoyich amoon hallibote?” iꞌi echehe.

Maariqoosi 10:30

And hini yemeenooch duꞌeree beebee, kexinaꞌon, anaami maneenaꞌon, maache maneenaꞌon, indeenaꞌon, bushiisheenaꞌon, bi gochiibeeti showoon balle kishoon daakkaa danemmone; wotta woyemmi yemeenoochoo bulli yemeenee kashoon danemmone.

Yowannisi 10:28

Tawoo boonoshich bulli yemeenee kashoon immemmo taane; boonoshiyoo cir aalleyaachemminaꞌone. Boonoshin ta kishoochee boggemmo koniyoona aalloone.

Yowannisi 17:2

Ne oogiyemmoo, taach ne immeti asheenaꞌo bullich bulli yemeenee kashoon ta immemmoyich, asho bulli toommooch taan doonjiiꞌa ne ukkiriitoyichiye.

Yowannisi 17:24

“Ta Nihoocho, alemo halleyaan beehooba, taan ne shunnetoyich, oogee yiiroon taach immehine; hini oogee yiiroon boonoshi beeggemmoyich, ebi taach ne immeti asheenaꞌo wotta taanna tookki ta beetooch boonoshi beeyemmoyich shunnoye.

Yowannisi 5:39

Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone.

Yowannisi 6:54

Ta meeno ibere maayo, ta damoo ibere uyo bi tunetoyich, ta meenon maabeeto, ta damoonoo uchiibeeto, bulli yemeenee kashechone; tawoo ciireexi aabooba qitoochee biin tiijjemmo taane.

Yowannisi 6:68

Simoon Pheexiroosi wochiꞌi, “Ta Doonocho, koni waaniye no hammemmo? Bulli yemeenee kashee qaaro ne waaniye bi beeto.

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

Roomi 2:7

Gaawe mooyon shuunoona kuppheebee oogee yiiroonaa naadoonon, bulli yemeenee kashoonoo qaawii beetinaꞌoyich, bulli yemeenee kashoon immemmone.

Roomi 5:2

Yesuus Kiristoosiyoo wotta bi toommooch no mulloon tooꞌiyoona no beeti hini wojjooch noon shakkiiꞌi giijjitone. “Yeerichi oogee yiiroochee qoodeyecho tunemmo noone” getona nooch beeti gibenoona geeciyone.

Roomi 5:21

Illa axaaxoo qitee gommona bi taatetoommon, wotta Yeerichi wojjoo no Doono Yesuus Kiristoosichi naboona Yeeri nooch immiibeeti cadiqee gommona bulli yemeenee kashooch yaabiibee taatee beetone.

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.

Qolaasiyaasi 1:27

Boonoshichoo Yeeri ebi maacee mooyo Aageteenaꞌo daggooch am shaahoon worganikkiibeeto gaata bi tunoon arichiyoyich shunniye; ebi maacee mooyo Yeerichi oogee yiiroon danee gibeno tuneti Kiristoosi ittoshi mullee daggooch beemone.

1 Tasaloonqi 2:15

Ebi are Ayihudeenaꞌo Doono Yesuusin, keemechinaꞌonoo wuxitinaꞌone; noonoo duꞌiitinaꞌone; Yeerinoo emirikkiton shuuneyaaneenaꞌone; wotta asho bullin shixxii beetinaꞌone.

1 Tasaloonqi 5:8

Tunebaani areddee asho no tunetoyich, mullee tooꞌiyoonaa shunoonon getee ginee tahoochoommon gediree, “Yeeri noon wodiyemmone” imi gibenoon xuuree ukoochoommon ukeree no qelloon quyoona beebone.

1 Ximootiyoosi 6:12

Kiristoosi toommooch mullee tooꞌiyoona koniyoona qiiccee dichaani kuppho tuneree, bulli yemeenee kashee wojjoon yeshe. Yeeri hini bulli yemeenee kashoon ne danemmoyich neen ceegaa, meeti miixeenaꞌo aafoochaa Kiristoosichon gaawichaꞌa miixeto neene.

1 Ximootiyoosi 6:19

Ebiyoommon ibere kashoon ittoshi yechemmoyich, woyemmi yemeenoochoo gaaweti dego ittoshich tunemmi gaannoon kicemmo ittoshine” getiree ciice.

2 Ximootiyoosi 1:1

Kiristoos Yesuusina daneti kasheechi gibenee wochoon bechiya, Yeeri daaggaa Kiristoos Yesuusichi mishiraachecho tuneti Phawuloosi waanee,

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

2 Ximootiyoosi 2:10

Ebiyeenoo Kiristoos Yesuusi waanee wodoonaa bulli yemeenee oogee yiiroonon boonoshi danemmoyich kaachetinaꞌoyicha iyaꞌa hini xuuxo bullin haaꞌiibeeto taane.

2 Ximootiyoosi 2:13

Gibeneeto tuno no qayigaata, bi qelloon nookkeyaachemmo bi tunetoyich, bi gibeneeto tuneree beeyemmone” getteeti yibbaatoo iberoone.

2 Ximootiyoosi 2:15

Iberee mishiraachee qaaroon tachiꞌi gettiibeeti, bi shuuneti shuunoona yeelleyaani shuunechon tuneree, Yeer waanee galletoon danoyich kupphebe.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Titoosi 2:7

No doyoon shixxiibeeti asho no shigoon bi gondiyemmi mooyon mucceree bi yeellemmoyich, bulli gommona gaaweton shuunebee deꞌe mooyon bekkiyecho tunebe. Ne dojjaabeeti doyoona deꞌe moochecho, asho bullina naadeeto, koniyoona oonon hakkaani iiwe yibbaatecho ne tunoon bekkiibe.

Titoosi 3:7

ebin bi tuniito, bi wojjoona cadiqiree gibenoona no quyeebeeti bulli yemeenee kashoon no woraashemmoyichiye.

1 Yowannisi 2:25

Kiristoosi nooch bi gibenikkiti hini gibeno, bulli yemeenee kashoone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.

Yihudi 1:21

No Doono Yesuus Kiristoosi bi ariqqoona bulli yemeenee kashoon ittoshich bi immemmi aaboon quyebee, Yeeri ittoshin shunniibeeto bi tunoon shalligibee beebote.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.

Yaaꞌoo 17:8

Ne beeggeti cooxo ebiyee aaf beetone; and aalloone; oppee hoonoochee kechaniye bi ii beeto; aalleshoo gettemmone. Showoo halleetoochee tiijjiꞌi boonoshi shigo kashee macaafooch kooreyaani, hini showee toommooch beeti asheenaꞌo, ebi cooxo ebiyee aaf beeto, and aallo, tunebaani gubb woyemmo bi tunoon boonoshi beegiyooba worganemminaꞌone.

1 Saameeli 15:29

Israꞌeeleenaꞌochi oogee yiiroo tuneti Yeeri kootaache; bi gaboonoo shaddaache. Bi gaboon bi shaddemmoyich, bi asho toonoone” iye.