12 Qerixeesee asheenaꞌochi daggeexi ikke keemecho “Qerixeesee asheenaꞌo bulli aaboon kooteenaꞌo, gonde cooxoomminaꞌo, maayi buujjeenaꞌonaa shuuna biisheenaꞌonane” iꞌi,
‘Biinna kashecho tunaꞌa shuuraabeeto noone; beemonoo beeto noone’ getteetone. Wotta ittoshi daggooch beeti tochee ariyechinaꞌo daggoochee ikkikkeenaꞌo ‘No wotta bi bushiishoo noone’ iꞌi boonoshi gettiti mooyo iberoone.
Hini are xaaꞌoo yooyon beshiyoyich mashaamaani xaaꞌoo bi tunetoyich, beshe asheenaꞌo “Nooch bi hakkeegaata, aabi-giyaa dambi-waani qatonaa deshi-waani qatonochi ciinooch beeti Qerixeesee showooch beeti Foonki katemooch hamiree, aroochaa yooyon kichibone” iꞌi echeeheete.
Kette yongo deshi-waanee yongetaa beeggiꞌi, shiichii boonoshi qaawito boonoshich kaameto bi shaahaa, ebina tiyii markaboon yeshi bi neechemmoyich, aacooch boonoshi duppiti xuuroon tiijjiꞌi boonoshi gommon yechiyeete. Qerixeesee showee gashi gashoona beshee hammiyeete.
Meeti areddoon nibbaabee hammehon; wodde iritoona Qiidoosi katemee ciinooch shaggehon; no beeti markabo aroona bi hamaachemmoyich yongo bajjiye. Ebich Qerixeesee showoona degeebee, Salimooni gaꞌoona beshaꞌa hammehon.
Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.
Boonoshi ciiro aallooch hamone; boonoshi meechi qaatoo boonoshich nuggishoone; yeelliibeeti mooyo boonoshich oogoone; boonoshi gaboo showee toommeexi mooyoyich baachiye.
Ebiyoommi doyoo bi waa beeto, gaamiti xuuroona micciti ashittino dingiraatoommon, boonoshi mullo dingiraateti, maacaa xalloo shaahiibeeti kooteenaꞌo waaneeniye.
Qerixeesee showooch neen ta echiiti naboo, neech ta gettetoommon echeti shuunoon ne ceechemmonaa katemoo bulliich beeti kittinnee guuphoyich geeneenaꞌon kaaciree shuunooch ne neechemmonoyichiye.
Ebi are asheenaꞌo boonoshi ariyaani mooyoyich naagee beetinaꞌone; olletaa aalloyich shiijjeti, boonoshi halloona shalligoon hakkaani kubbi cooxoomminaꞌone; kubbi cooxinaꞌoo olletaa aalloommon ebiyoommon aallemminaꞌone.
Kaame gommon qajjiꞌi muriccitinaꞌone; Beꞌoorichi bushoo Balaamichi gommon dabbitinaꞌone. Biyoo gondoon shuunoona daneebeeti gijjoon qaatiye.