Titoosi 1:11 - Kafa Linguistics Project

¹¹ Eboshi cikki qajjemmoyich tuniyoo qaawiihee; ebiyoo yeelliibeeti gaboona gaacoon danoyich tuneyaani mooyon ashich dojjiibee kechi asheenaꞌo bullin boonoshi shuurikkii beetoyichiye.

Titoosi 1:11 ပူးပေါင်းရင်းမြစ်များ

Shoddo 107:42

Kaameenaꞌo ebin beegiree emiroona wucwuccemminaꞌone; gondo bi noonoon yechemmone.

Shoddo 63:11

Tunebaani taatoo, Yeerina emiremmone; Yeerichi shigoona wogee beetinaꞌo Yeerin oogiyemminaꞌone; kootoon koottiibeeti noonoo hichemmone.

Erimiyaasi 8:10

Girechoochee tiijjii gaannechooch beddaahaa gijjoyich boonoshi hiriggii beetoyich, keemechoochee tiijjii qeeshooch beddaahaa bulliyona dawushoona boonoshi tunii beetoyich, boonoshi mecheenaꞌon bareenaꞌo shaaggemmonaa boonoshi goyoon bareenaꞌo iristo tuniiree hajjemmonoyich immemmo taane.

Hiziqeeli 13:19

Ittoshi kootoon waayaabeeti ta asheenaꞌoyich koottiibee, qita bedaani kasheen wuxoona, woda bedaani kasheenoo wodiyoona ikke ushi sheqoonaa ikke tiishi koshonoyicha iꞌi ta shigoon eeꞌiito ittoshine.

Hiziqeeli 16:63

Ne tuniiti mooyo bullin echebe ta iyooba ne xuꞌo neech bi tipphiimmona yeellemmi neene; yeellee naboona wochinnoon noonoo wochaachemmi neene, iye Nuggishoo Doono Yeeri’ gete” iye.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Mikiyaasi 3:5

Doono Yeeri bi asheenaꞌon muriciibeeti keemechinaꞌochon ishichiye: “Boonoshich maayoon maanjiti ashich, ‘Mooyo diggoone’ getona gibenikkiyeete; boonoshich maanjaani ashi toommooch ginoon awaajjiyeete.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Luqaasi 20:40

Ebiyee gubb, Yesuusin echoyich aafoon kuppheto koniyoona aalloone.

Yowannisi 10:12

Tunebaani gijjoon deqqiꞌi qiddeebeeto biicho tuneti bagee qiddoo tuno bi qajjitoyich, okeroo waataa bi beegigaata bageenaꞌon dufiichi woccemmone; arooba okeroo bageenaꞌon yechemmone; boonoshinoo shaccemmone.

Roomi 3:19

Asho bulli noonoo bi wochaachemmoyich, alemo bulli toommooch Yeeri nallemmoyich, Muusichi Sheerooch kooreeto bulli ebi are sheeroyich hajjee beetinaꞌoyich gettiibeeto bi tunoon ariyaabeeto noone.

2 Qorontoosi 11:10

Koniyoona Akaayee showoochee ebi ta geecoon bayon hakkaache; ebin taach beeti Kiristoosichi iberoona gettoye.

1 Ximootiyoosi 5:13

Ebichi toommooch gafee kelloon koyibee shuunee biishon doyemminaꞌone; shuunee biisho baach toonoone; tuneyaani mooyon yibbaatebee oonechinaꞌonaa ashi mooyooch giyechinaꞌona tunemminaꞌone.

1 Ximootiyoosi 5:4

Xuumee tuneti ureyich bushoo woyee bushaa bushiishoo beegaata, are bushiisheenaꞌo Yeerin boonoshi oogiyoon shiichiꞌi boonoshi kechi asheenaꞌoyich bekkiyoonaa boonoshi indeenaa nihoonoyich keree gaaconon doyibeete. Ebi Yeeri aafoochaa shucheti mooyone.

1 Ximootiyoosi 6:5

kuxeyaani kaaree tiijjoo, eboshi kechemminaꞌone. Gaboon hakkaaneenaꞌo tuneꞌi dacheebee, “Yeerin oogiibeeti beemon beemo gaanniyemmone” ii gabiꞌi iberoon muccetinaꞌone.

2 Ximootiyoosi 2:18

Boonoshiyoo “Qitoochee timo ebiyee aaf ceennii beshetone” iibee iberoochee muricciꞌi, ikkikkeenaꞌoyich beeti Kiristoosichi toommeexi mullee tooꞌiyoon shuurikkii beetinaꞌone.

2 Ximootiyoosi 3:6

Eboshi daggoochee ikkikkeenaꞌo ashi kexooch shokii giyiibee, boonoshi yibbaatoona mullaalli maacheenaꞌon ollee beetinaꞌone; ebi are maacheenaꞌo meeti baribare qaatoyich boonoshi hajjeetaa, dofee axaaxoo boonoshi toommooch kiceetone.

Titoosi 1:7

Hini are kittinnee guuphon yaabii qeejjiibeeti geeno Yeerichi shuunoon kaachi bi shuunemmoyich, gonde mooyona oonneyaano, geecaano, kaatee kaareyaano, masheyaano, damoo gufeyaano, gijjoon hiriggaano tunebe.

Titoosi 1:9

Gaawe kittinnittinee doyoona bi ciiccemmoyich, wotta gaawe doyoon shixxii beetinaꞌon bi xoobiyemmoyich, ibere doyoo beeti, gibeneeti qaaroon manjiiree yeshe.

Titoosi 3:10

Barbarittinoon halliibeeti ashoon ikke wottoon woyee gutte wottoon ne ittibatetaa bi mawigaata, biyee wohe.