Titoosi 1:10 - Kafa Linguistics Project

¹⁰ Ishichaꞌa neech ta gettaabeeto, hukkechinaꞌo, baade hayechinaꞌonaa dachechinaꞌona, eboshiyeenolla “Ayihudeenaꞌochi sheeroon ceechibote” ii beeti meeti asheenaꞌo beetoyichiye.

Titoosi 1:10 ပူးပေါင်းရင်းမြစ်များ

Maatiyoosi 23:14

[Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Xuumeenaꞌo kexon tiichiibee ittoshi shuunoon qeroyich corootoon geechii genjiihote. Ebich Yeeri beshe shattii giiriiti nalloon ittoshi toommooch kindiyemmone.]

Mishiraachechinaꞌo 11:2

Pheexiroosi Yerusaalem hammimmona, boonoshi mulloon Yesuusi toommooch tooꞌiiti Ayihudeenaꞌo

Mishiraachechinaꞌo 15:1

Ikkikke asheenaꞌo Yihudee showoochee Antsooka hammiꞌi, “Muusichi Sheeree doyoona ittoshi dokireyaan gaata, wodoon hakkaachote” iꞌi kittinnee maneenaꞌoyich dojjiyeete.

Mishiraachechinaꞌo 15:24

“Ikkikke asheenaꞌo no waanee kechiꞌi, boonoshich no getaanoon gettiibee ittoshin iritiiꞌi ittoshi mulloon boonoshi guttiyoon waayeto noone.

Mishiraachechinaꞌo 20:29

Hiniichee ta hammetoyee gubb, bageenaꞌoyich ariqqeyaachemmi gonde okereenaꞌo ittoshi daggooch boonoshi giyemmon ariibeeto taane.

Galaati 2:4

Ebi mooyo bi tiyito, “Kittinnee manoo noone” ii beeti koote asheenaꞌo Kiristoos Yesuusina no daneti, guuchittinoochee keyon qiidoyich aashoona no daggooch boonoshi giyitoyichiye; boonoshiyoo guuchittinooch noon wochiya qaawiyeete.

Galaati 3:1

Hini mullaalli Galaatee asheenaꞌote! Yesuus Kiristoosi masqalee toommooch bi yooddeyoo ittoshi aafooch xalla bekketone. Ishigaata ittoshin qaaxeꞌi moomito konine?

Efesooni 4:14

Arooba acona muriciyoyich qanniti asheenaꞌochi dawushee naboona, yongoochoommon shaddeebeeti doyoona wullaawullebee aachi toommooch holliti kokeshoochoommon okk hach tegeggebee gubbich gaggere bushiishoon tuneyaachone.

1 Ximootiyoosi 1:4

Wotta tochee tochoonaa ciiraalli shiijjereenaꞌochi kiinoon haddoonooch boonoshi qelloon beshiiree boonoshi imaachemmoyich gete. Eboshiyoommi mooyinaꞌo hayoon tiijjeheetalli, gibenoona shuuneebeeti Yeerichi shuunoyich boonoshi gaaccemmi gaaco aalloone.

1 Ximootiyoosi 1:6

Ikkikkeenaꞌo ebi mooyinaꞌon qajjiichii iberee gommoochee bara wotteꞌi duube hayooch giyitinaꞌone.

1 Ximootiyoosi 1:9

Yeeri hini sheeroon bi immito, sheeroon shaaddee beetinaꞌonaa hukkechinaꞌonoyich, Yeerin dabboochee wokkii beetinaꞌonaa axaaxechinaꞌonoyich, Yeerin oogiyaaneenaꞌonaa yaafe mooyon eeꞌii beetinaꞌonoyich, boonoshi indeenaa nihoonon wuxii beetinaꞌonaa ashi kashoon kichii beetinaꞌonoyich, shunimaayeenaꞌoyich, anaamona tookkii shuno maabeeti anaaminaꞌoyich, ashoon giidoona yechii kemmechinaꞌoyich, kooteenaꞌoyich, kootoon wogee beetinaꞌoyich, gaawe kittinnittinee doyoon shixxii beetinaꞌo bullichalli, cadiqeenaꞌoyich toonoone.

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

2 Ximootiyoosi 4:4

Ebich iberoon waayoochee boonoshi waamon bajjemminaꞌone; aroochee tochoon waayoyich shokemminaꞌone.

Titoosi 1:6

Kittinnee guuphi geeno tunemmi asho, gonde mooyona oonneyaano, ikke mechecho, boonoshi mulloon Kiristoosi toommooch tooꞌiiti, wotta gonde qocoonaa wochee waayee qayona taggeyaani bushiishecho tunebe.

Yaaqobi 1:26

“Yeerich goyinnaabeeto taane” ii beeti asho bi heciyoon quyo bi qayigaata, bi goyinno duuboone; bi qellooniye bi dawushii beeto.

1 Yowannisi 2:18

Ta shuni bushiisheenaꞌote! Hini yemeenee ciiroone; ebich “Kiristoosina koyecho woyemmone” getaa ittoshi waayetoommon, andolla meeti Kiristoosina koyechinaꞌo tiyitinaꞌone. Ebina yemeenee ciiro bi tunoon ariibeeto noone.

1 Yowannisi 2:4

“Yeerin ariibeeto taane” iibee Yeerichi getoon ceechaani asho bi beegaata, koottitone; iberoo bi mullooch aalloone.

1 Yowannisi 4:1

Ta shunechinaꞌote! Meeti koote keemechinaꞌo showee toommooch boonoshi kechitoyich, ayaaneenaꞌo Yeer waanee boonoshi tunoonaa tunee qayonon xiishiree ariibotalli, ayaano bullin iberiyaahote.

Yaaꞌoo 2:14

“Tunebaani neen ta ittibatemmi giisheche mooyo beete: Shahalloyich deejjeya basheeti meenon mamonaa shunee mamona Israꞌeeleenaꞌo Yeerichi gommoochee boonoshi dihemmoyich tuniiya taatoo Balaaqich kocciti Balaamichi doyoon dabbiibeeti ikkikke asheenaꞌo ne daggooch beetinaꞌone.

Yaaꞌoo 2:6

Tunebaani ebi gaawe mooyo neech beete: Ta shixxaabeeti Niqoleenaꞌochi shuunoon newoo wotta shixxaabeeto neene.