Solomooni 8:5 - Kafa Linguistics Project

⁵ Bi shiiqqi toommooch teeqqaꞌa barahoochee waabeeti, ebi konine? Appilee michi baatooch ne tokketetoochee neen tiijjiyoye; ne indee neen bi xifeto, maaxoona neen bi shiyeto, ebi aroochaane.

Solomooni 8:5 ပူးပေါင်းရင်းမြစ်များ

2 Kiinoo 32:8

Boonoshina tookkii beeto, ashi giidoone; tunebaani noonna tookkii beeto, noon gaachemmi, wottoo no etteenaꞌon nooch kochemmi, no Nuggishoo Doono Yeerine” iye. Ebi Yihudee taatoo Hiziqiyaasi gettiti qaaroona asheenaꞌo kuppheheete.

Shoddo 63:8

Neen manjiyaa yecheto taane; ne qanne kishoo taan kaachii neechiye.

Shoddo 63:9

Tunebaani ta kasheen aalliyoyich qaawii beetinaꞌo, desh hoonooch hammemminaꞌone.

Solomooni 2:3

Ta shiiqqi, gurimaasheenaꞌo daggoochaa, mixinaꞌo daggooch beeti appilee bechoommone. Bi yiirooch koto taan emirikkiye; bi aafo taach shaawiye.

Solomooni 3:11

Tsiyooni gidiideenaꞌote, wobote; bi gaarooba, bi oogichii emiriti aabooba, bi indee ukiiti gubbichoon uketi, Taatoo Solomoonin ciinote.

Solomooni 3:4

Boonoshiyee giishechoon bekk beshaꞌa, ta shunnaa beeton daneho; biin manjiyaa yecheho; ta indee kexooch, taan bi shiyeti gatooch, biin ta deebemmi wottoon, gawukkaane taane.

Solomooni 3:6

Hareboonaa ixaanoona, giixechinaꞌochi cinnechi qimaamo bullina qanniti shittoona cinneebee, cufee duulloochoommon duulliibee, barahoochee waabeeto amoone?

Solomooni 4:8

Ta woꞌeene, Libanoosee taanna tookki hambone; Libanoosee taanna tookki hambone. Daahereenaꞌochi gofo, maaheenaꞌochi guudo tuneti, Amaani guudoochee, Seniiri guudonaa Hermooni guudi cullulloonoochee, kindibe.

Solomooni 6:10

Ebi maaddee bekkoochoommon koojjaabeeti, ageneyoommi phixxaashe, aabee aaxxoommon aaxxaabeeti, baanderoon yechiti ginee naayochoommon bi oogee yiiroo shattiiti, ebi aree konine?

Solomooni 8:1

Abo taach, ta indee xanon xammiti, ta hajjee manoon tuneshoo geta! Maaxoochaa neen danaa ta shumaa, koniyoona taan hoxeyaacheshone.

Isiyaasi 36:6

Ebiyoche, Gibitsee taatoon gibeneto ne tunegaata, tiishe shombeqee gumboon gibeneto neene; biyoo bi toommooch degeebeeti ashi kishoon shelleeꞌi kochiibeeti ebi are gumboommone. Gibitsee taatoo biin gibeneebeeto bullich ebiyoommone.

Isiyaasi 40:3

Awaajjoon gettii beetochi qaaro ishichiye: “Barahooch, Doono Yeerich gommon qanniibote; no Nuggishoyich woretoonoo kaachi qaxxebote.

Isiyaasi 43:19

Ebiyoche, andire mooyon tuniyemmo taane; ebiyoo and bekkemmone; ebi ittoshich aricheyaache? Barahee daggoona gommon kichemmo taane; aroochoo aaco xuupphemmoyich tuniyemmo taane.

Erimiyaasi 2:2

“Hamiree Yerusaalemi asheenaꞌochi waamooch awaajjibe; Doono Yeeri ishichiye gete: ‘Bushaa ne beehooba gibeneeti ne tunoon, woꞌee shunoommi ne shunoon, barahoochaa, amoonolla shakkiyaani showoochaa, taan ne dabboon shalligiyoye.

Hosee'i 12:4

Maraakoona tookkii qiicceꞌinoo beshiye. Diiroon danoyich eeppiꞌi qollehe. Beeteelaa Yeerina danehe. Aroochaanoo Yeeri biinna yibbaatehe.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Yowannisi 13:23

Bi dabbeenaꞌo daggoochee Yesuusi shunniibeeti ikkoo Yesuusichi gaꞌooch koteꞌi beehe.

Roomi 7:4

Ta maneenaꞌote! Ebiyoommon ittoshi wotta Kiristoosi masqalooch yoodaa bi qitiyooba, Muusichi Sheeroyich qitito ittoshine. Andoo aafoon Yeerich no aafemmoyich, qitoochee tiyiti Yesuusichi hajjoo tuneto ittoshine.

Galaati 4:19

Ta shuni bushiisheenaꞌote! Ibere Kiristoosichi dabboon ittoshi tunemmi wottoon wochinnoon ittoshich maaxoo manjaabeeti ureyoommon tuneto taane.

Yaaꞌoo 12:6

Ureyoo ikke humaa gutte ballaa shiche qemon aroochaa boonoshi shiimemmoyich, Yeeri qanniiti xaaꞌoo barahooch aashaa hammahan.