Solomooni 8:1 - Kafa Linguistics Project

¹ Abo taach, ta indee xanon xammiti, ta hajjee manoon tuneshoo geta! Maaxoochaa neen danaa ta shumaa, koniyoona taan hoxeyaacheshone.

Solomooni 8:1 ပူးပေါင်းရင်းမြစ်များ

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 51:17

Yeeri deqqemmi deejjoo tiisheti ayaanoone; Yeero, ne, tiishee giisheti mulloon hoxeyaachine.

Solomooni 1:2

Ne shunoo woyinee uyoyee beshoone; wochi wochi taan shumbe.

Solomooni 7:13

Dudayimo cinnetone; shaawi michi aafo bulli natoonaa andiroona no kellooch ceennitone; ta shiiqqo, neech kotiiti taane.

Solomooni 8:2

Neen yaabiree ta indee kexooch, taan xifaa shiyetichi shahooch, daammeshi taane; shaawi uyoon, ta romaane aafoochee hiicheton, neech ucheshi taane.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Haagi 2:7

Aageteenaꞌo bullin ta shuurikkaa, boonoshi gaanno hiniich woyemmone. Hini kexonoo oogee yiiroona ceechemmo taane.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Luqaasi 10:16

Ebiyee gubb, Yesuusi bi dabbeenaꞌon “Ittoshichon waayeebeeto, taachon waayee beetone; ittoshin qajjiibeeto, taan qajjii beetone; taanoo qajjiibeeto, taan wocheti Yeerin qajjii beetone” iye.

Luqaasi 12:8

“Ittoshich gettoye: Ashi aafoochaa taacho bi tunoon miixeebeeto bullich, Ashi Bushoo wotta Yeerichi maraakeenaꞌo aafoochaa taachone getiree miixemmone.

Luqaasi 18:9

Wotta daakkiꞌi Yesuusi “Cadiqo noone” iꞌi boonoshi qelloon gibeneechii bareenaꞌon hoxee beetinaꞌoyich ishichiꞌi hini shaahiyoon gettiye:

Luqaasi 2:38

Bekkech areegaata Yooseefinaa Maariyamina waan waaꞌa Yeerin galletahan; aroochee Yeeri Yerusaalem beeti asheenaꞌon xuuxoochee biisheree bi wodiyemmi aaboon quyee beetinaꞌo bullich are gaggere bushoochi mooyon gettahan.

Luqaasi 9:26

Ashi Bushoo bi oogee yiiroona, bi Nihoonaa yaafe maraakeenaꞌonochi oogee yiiroona bi waahooba, biinnaa bi gettiti qaaroonoyich yeellemmo bullina, yeellemmone.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 13:3

Yesuusi Nihoo Yeeri bi kishooch bulli mooyon bi imon, Yeer waanee bi womonoo, Yeer waanoo wotteree hammemmo bi tunoon arii beetone.

Yowannisi 16:28

Nihoo Yeer waanee kechaꞌa hini alemooch waato taane; wochinnoon hini alemoochee wotteree Nihoo Yeer waan hammemmo taane” iye.

Yowannisi 3:13

Shimaayoochee kinditoyee damba shimaayooch kechito koniyoona aalloone; ebiyoo Ashi Bushoone.

Yowannisi 8:42

Yesuusiyoo boonoshich ishichiye: “Ta Yeer waaneeniye ta waato. Ebich Yeeri ittoshi Nihoo gaata, taan shunnesho ittoshine. Bi taan wochetenalli, ta, ta aalla waataano taane.

1 Qorontoosi 1:28

“Hini showee toommooch beeteete” getteeti mooyinaꞌon aalliyoyich, Yeeri hini alemeexi ashi gaboochaa hoxeeꞌi duppeti mooyinaꞌonaa batteeti mooyinaꞌonon kaacciye;

Galaati 4:26

Tunebaani shimaajji Yerusaalemi guuchittinoona beetaaneene; areyoo no indeene.

Galaati 6:14

Tunebaani no Doono Yesuus Kiristoosi yooddeti masqaloyee beshetaa bare geecoo ta waanee wohe; are masqalee naboona hini alemeexi mooyo taach yoodaa qititone; tawoo wotta hini alemeexi mooyoyich yooddaa qitito taane.

Filipphisiyoosi 3:3

Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.