Solomooni 7:4 - Kafa Linguistics Project

⁴ Ne qettimixo dangeyi gashoona shuuneeti dilaaloommone. Ne aafo Beet Rabiimi kellee gaꞌooch beeti, Heshiboni kote aacoommone. Ne muddoo, Damaasiq waan ciinoyich neexeti, Libanoosi dilaaloommone.

Solomooni 7:4 ပူးပေါင်းရင်းမြစ်များ

Halloo 15:2

Abraamiyoo “Nuggishoo Doono Yeero, bushaallo ta tunetoyich, taach ne immemmi mooyo taach amoon hallehe? Taach beeto bullin woraashemmo, hini Damaasiqee asho Elezeerine.

2 Saameeli 8:6

Aroochee Sooriyee showooch beeti Damaasiqa bi ginee kaamboon kotiihe. Ebina Sooriyeenaꞌo Daawitich hajjeeꞌi biich gibiroon qocciyeete. Doono Yeeriyoo Daawiti bi hammito aabiichaanona, wudoon bi danemmoyich tuniihe.

1 Taateenaꞌo 10:18

Aroochee taatoo dangeyi gashoochee ooge taatee qeenon shuuniiꞌi, xalle aachoona dikkiihe.

1 Taateenaꞌo 10:22

Taatoyich Kiraamichi markabeenaꞌona tookkii baharee toommona tegiibee Tarisheshee showooch hammiibeeti giixee markabeenaꞌo beetinaꞌone. Ebi markabeenaꞌoo keejj keejje natooch ikke wottoon, aachoon, birewoon, dangeyi gashoon, shakkoonaa sheexxoonon deebii beeheete.

1 Taateenaꞌo 22:39

Akaabi shuuneti eche shuunoo, bi tuniiti mooyo bulli, dangeyi gashoona bi mashaamiiti bi taatee kexochonaa bi shuuneti katemeenaꞌo bullichona Israꞌeelee taateenaꞌo kiinee macaafooch kooreetone.

1 Taateenaꞌo 7:2

Libanoosi Shaaroo getteebeeti taatee kexon haggiye; ebi kexo, bi gidoo balle hiroo, bi maaco aache hiroo, bi neexo shaashe hiroone. Ebi kexooch awudde yaaroona neexeti, yigee giimbeenaꞌo beetinaꞌone. Giimbeenaꞌo toommooch qojjeeti, yigee mixoochee shuuneeti maammeenaꞌo beetinaꞌone.

1 Taateenaꞌo 9:19

Solomooni biich beeti, maayoonaa baribare mooyona kiceyemmi katemeenaꞌo bullin, gaari katemeenaꞌonaa hareshechinaꞌochi katemeenaꞌonon shuunehe; shuuno bi qaawito bullin Yerusaalem, Libanoosee showoonaa bi taatee showoo bullinooch shuunehe.

2 Kiinoo 8:6

Baalaati katemoon, biich beeti, maayoonaa baribare mooyona kiceyemmi katemeenaꞌo bullin, gaarinaꞌochi katemeenaꞌo bullinaa hareshechinaꞌochi katemeenaꞌonon shuunehe; shuuno bi qaawito bullin Yerusaalem, Libanoosee showoonaa bi taatee showoo bullinooch shuunehe.

Shoddo 144:12

No anaami bushiisheenaꞌo boonoshi gurimaashittinoona gaawichii dicciibeeti bechoommon tunebeete; no maache bushiisheenaꞌo, taatee kexon macecikkoyich shuuneeti giimboommon tunebeete.

Shoddo 45:8

Ne taho bulliich, hareboo, ereetoonaa birguudoona cinnee beetone; dangeyi gashoona macecikkeeti ne taatee kexoochaa shoddee qiiceenaꞌo ne emiremmoyich tuniiheete.

Solomooni 1:10

Ne gaakkoo shashoona macecikkeetone; aaxxe qalibeto ne qettooch tippetone.

Solomooni 4:1

Ta shiiqqe, ne, malletechi neene; ne, korootee neene. Ne aafoon qeriti qoreddee gubbaa, ne aafo daabbicheyoommone; ne qelli yilloo Gilaadee guudoochee dugilla kindiibeeti, emmishee gotoommone.

Solomooni 4:4

Ne qettimixo ginee qiicoon kaꞌoyich shuuneeti Daawitichi dilaaloommone; hume gaachoo, ginee anaaminaꞌochi ginee qiico bulli, arooch kaqqetone.

Solomooni 4:5

Gutte ne xaninaꞌo, mato shiijjeti, naddee bungee daggooch maabeeti gutte doollee bushiishoomminaꞌone.

Solomooni 6:5

Taan bi keqqichii beetoyich, ne aafoon ta waanee badd wochibe; ne qelli yilloo Gilaadee guudoochee dugilla kindiibeeti, emmishee gotoommone.

Isiyaasi 54:4

“Yeelleyaachemmi neene, shattaahine; cooneyaachimmi neene, keqqiyaahine. Ne bushittinooba ne toommooch shaggiti yeelloon battemmi neene; xuumittinee naagoon ebiyee bekk gabaachemmi neene.

Hibireena'o 5:14

tunebaani kupphe maayo qaawiibeeto, gaawetonaa gondoonon bariiꞌi doyiti, mullechi, ariiti asheenaꞌoyichiye.