Solomooni 6:2 - Kafa Linguistics Project

² Ta shiiqqi bi bageenaꞌon quyoyich, naddee bungeenaꞌon macoyich, qimaame bechoo beeti tagooch, bi bechee michi budooch kinditone.

Solomooni 6:2 ပူးပေါင်းရင်းမြစ်များ

Solomooni 2:16

Shiiqqi taachone; tawoo biichi taane; biyoo naddee bungee daggooch gijjeenaꞌon quyee beetone.

Solomooni 4:12

Ta manee ta woꞌeene, uxereeti bechee xaaꞌoommine; uxereeti bechee xaaꞌoommi, hicheti aachi tunoommine;

Solomooni 4:16

Dambi-waani yongoocho, tibe; deshi waani yongoocho, wobe; gaawe cinno cinnemmoyich, ta buchi toommooch yongebe. Ta shiiqqi bi budooch wobe; gaawe aafoonoo mame.

Solomooni 4:5

Gutte ne xaninaꞌo, mato shiijjeti, naddee bungee daggooch maabeeti gutte doollee bushiishoomminaꞌone.

Solomooni 5:1

Ta manee ta woꞌeene, ta budooch waato taane; ta hareboonaa ta qimaamoonon macito taane; ta eeyon bi neechoona maato taane; ta woyinee uyoonaa ejjoonon ucheto taane. Nuucheenaꞌote, maa uyote; shunechinaꞌote, ittoshi michimmi wottoon uyote.

Solomooni 5:13

Bi gaakkoo shittoommon cinneebeeti, qimaamee bechoo becheeti tagoommone; bi noonoo harebee cinnoon cotiibeeti, naddee bungoommone.

Solomooni 6:11

Bambeexi bechee nolloon beegoyich, woyino quummito, romaano bungito gaata beegoyich, luuzee budooch hammeho.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Isiyaasi 57:1

Cadiqeenaꞌo qitiyeete; deꞌe asheenaꞌo aalleheete; ebi konichi mulloocholla giyaache; koniyoona ebin gabaache; gonde mooyoochee boonoshi wodemmoyich boonoshi daammeyoon koniyoona shalligaache.

Isiyaasi 58:11

Doono Yeeri ta, ittoshin bulli aaboon yaabemmo taane; shuuꞌi showoochaa ittoshi qaatoon ceechemmo taane; ittoshi shaawushoon kupphiyemmo taane; aaco ucheeti bechee xaaꞌoommon, tahii ariyaani aachi xuuphoommon tunemmo ittoshine.

Isiyaasi 61:11

Showee maayoon bi colliyoommon, bechee budo arooch shookkeeton bi kophiiyoommon, Nuggishoo Doono Yeeri cadiqoonaa galletoonon, aageteenaꞌo bulli aafooch colliyemmone.

Hiziqeeli 34:23

Boonoshi toommooch ikke qiddoon tiijjemmo taane; biyoo boonoshin quyemmone; ebi aroo ta guuno Daawitine; biyoo boonoshich qiddoo tuneree boonoshin quye maanjemmone.

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Maatiyoosi 18:20

Ebiyoo guttoo woyee keemo tuneꞌi ta shigoona boonoshi kicee beetooch boonoshina tookkaa ta beetoyichiye” iye.

Yowannisi 14:3

Hammaꞌa xaaꞌoon ittoshich ta qanniitoyee gubb, ta beetooch ittoshi tunemmoyich wotteree waa ta waan ittoshin daammemmo taane.

Yowannisi 17:24

“Ta Nihoocho, alemo halleyaan beehooba, taan ne shunnetoyich, oogee yiiroon taach immehine; hini oogee yiiroon boonoshi beeggemmoyich, ebi taach ne immeti asheenaꞌo wotta taanna tookki ta beetooch boonoshi beeyemmoyich shunnoye.

Yaaꞌoo 7:17

Ebiyoo, taatee qeechi gutte daggooch beeti Bago boonoshich qiddoo tuneree, kashee aachi tunooch boonoshin bi yaabemmoyichiye. Yeeriyoo boonoshi acimo bullin boonoshi aafoochee hidemmone” iye.