Solomooni 6:10 - Kafa Linguistics Project

¹⁰ Ebi maaddee bekkoochoommon koojjaabeeti, ageneyoommi phixxaashe, aabee aaxxoommon aaxxaabeeti, baanderoon yechiti ginee naayochoommon bi oogee yiiroo shattiiti, ebi aree konine?

Solomooni 6:10 ပူးပေါင်းရင်းမြစ်များ

2 Saameeli 23:4

biyoo maaddee yaaꞌeexi bekkoommo, qubo aalli maaddoona bekkeebeeti aaboommo, amiyo shaannitoyee gubb, mocee toommooch bekkeebeeti waccoommone’ iye.

Iyoobi 11:17

Aabo daggehaa aaxxeebeeti aaboyee beshoon, ne beemo aaxxe bekkemmone; neech manderoo tuneti mooyo, haree bekkoommon bekkemmone.

Iyoobi 31:26

Aabee aafe shimaayoochaa aaxxoon, agenee malletee gaawoon ciinnaꞌa,

Shoddo 14:5

Yeeri beeto cadiqeenaꞌona tookkii bi tunetoyich, gonde shuunechinaꞌo boonoshi beetoochaa shatona geewemminaꞌone.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Solomooni 1:15

Ta shiiqqe, ne, malletechi neene; ne, korootee neene; ne aafo daabbicheyoommone.

Solomooni 3:6

Hareboonaa ixaanoona, giixechinaꞌochi cinnechi qimaamo bullina qanniti shittoona cinneebee, cufee duulloochoommon duulliibee, barahoochee waabeeto amoone?

Solomooni 6:4

Ta shiiqqe, Tiritsi katemoommi malletechi neene; Yerusaalemiyoommi phixxaashe neene; baanderoon yechiti ginee naayochoommon, ne oogee yiiroo shattiitone.

Solomooni 8:5

Bi shiiqqi toommooch teeqqaꞌa barahoochee waabeeti, ebi konine? Appilee michi baatooch ne tokketetoochee neen tiijjiyoye; ne indee neen bi xifeto, maaxoona neen bi shiyeto, ebi aroochaane.

Isiyaasi 58:8

“Ebin ittoshi tuniigaata, ittoshi bekko haree aaboochoommon kechemmone; ittoshi wodoo kaate shaggemmone; ittoshi cadiqo ittoshi aafooch shiichemmone; Doono Yeerichi oogo ittoshi gubbaa tuneree ittoshin quyemmone.

Isiyaasi 63:1

Edoomee showooch beeti Botsiri katemoochee ceelle tahoon taheꞌi ebi waabeeto konine? Oogoon taheto, bi giidoona shaaddeebee waabeeto ebi konine? “Cadiqo, giidechi Wodiyecho tuneti, taane.”

Hosee'i 6:5

Ebich ta keemechinaꞌochi noonoona ittoshin aalliihoye; ta qaaroonoo ittoshin wuxiyoye. Ebina ta nalloo xeeyoochoommon xeejjiye.

Milikiyaasi 4:2

Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

Maatiyoosi 13:43

Arooba cadiqeenaꞌo boonoshi Nihoo Yeerichi taatittineechaa aabeechoommon aaxxemminaꞌone. Illa waayeebeeti waajjecho waayebe” iye.

Maatiyoosi 17:2

Aroochaa boonoshi aafooch shaddeehe; bi aafo aabeechoommon aaxxehe; bi taheti qoreddoo oogichii naccee wacwacciye.

Roomi 8:37

Illa noon shunniti Kiristoosina ebi mooyinaꞌo bulli toommooch wudoon danoona, kochii wochii beetinaꞌoyee beshoo noone.

Efesooni 5:27

Bi yaafitoo, kiinechi woyee qillifa gonde woyee ebin shaahe gonde mooyo bi waan daneyaani, yaafoonaa bachaalloona tuneti oogee yiirechi kittinnee guuphon tuniiꞌi bi waan giddiyoyichiye.

Yaaꞌoo 1:16

Bi qanne kishoona shabaatte xojjenoon yechitone; bi kookkoochee gutte baddaa gayireeti aci goraado kechiye; bi baroo qaawee aabee aaxxoommon aaxxee beetone.

Yaaꞌoo 10:1

Aroyee gubb bare giidechi maraakoo quboon taheꞌi, shimaayoochee kindii bi beetaa beeggeho; bi shimbooch ximbittoo beetone; bi aafoochaa aabeechoommon aaxxee beetone; bi baatoo qaaqqee aaxxee conjoommone.

Yaaꞌoo 12:1

Arooba oogeton worganikkiti mooyo shimaayooch bekkehe; aabeen taheti, ageneen bi baatee dechiich geddeti, aaraa gutte xojjenechi gubbichoon bi qellooch uketi ikke ure beehan.

Yaaꞌoo 21:23

Katemeechoo Yeerichi oogee yiiroo aaxxee beetoyich, bi ceechoo Bago bi tunetoyich, aabee aaxxo woyee agenee aaxxo qaawiyaachemmone.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.

Yaaꞌoo 22:5

Ebiyee bekk xumo beetaachemmone; Doono Yeeriyoo boonoshich bekko tunemmone; ebich ceechee bekkoonaa aabee aaxxoona boonoshich qaawiyaachemmone; bulli yemeenoon taatemminaꞌone.