Solomooni 5:2 - Kafa Linguistics Project

² Ta tokketeti taane; tunebaani ta mullo qaallitone; ta shiiqqi ishichiibee kelloon bi qofon waayeho: Biyoo, “Ta manee ta shiiqqeene, amee bacholla ne achooch aalli ta daabbicheene, kelloon taach qechibe. Ta qello doshoona, ta qelli eexo aqqee googgoona oqqitone” iye.

Solomooni 5:2 ပူးပေါင်းရင်းမြစ်များ

Halloo 29:20

Yaaqobi Raaheelicha iꞌi, shabaatte naton shuunehe. Biin oogichii bi shunnitoyich, shabaatte nato biich aricheyaanoon beshehe.

Shoddo 119:1

Xallittinoona shaꞌee beetinaꞌo, Doono Yeerichi sheeroona hammii beetinaꞌo, diireetinaꞌone.

Shoddo 81:10

Gibitsee showoochee neen kichiti, ne Nuggishoo Doono Yeeri taane; taan qollebe; neech qaawii beeton immemmo taane.

Shaahiyoo 23:26

Ta bushoocho, gaawichi ellebe; ne aafeenaꞌo ta gommon ciineete.

Solomooni 1:16

Ta shiiqqo, ne malletecho neene; am shaahoon taan shuchiinne! No beeroo gare mocoone.

Solomooni 2:10

Ta shiiqqi taach ishichiye: “Ta shiiqqe, tibe; korooteene, ne waataa hambone.

Solomooni 2:14

Bambeexi xaqqee gogginonaa guudi toommeexi aashee xaaꞌoonooch beeti ta daabbicheene, ne qaaro, ne malletoo gaaweto bi tunetoyich, eke neen ciinona; ne qaaroonoo waayebona” iye.

Solomooni 2:8

Shiiqqichi qaaro waayee beete; biyoo guudinaꞌo toommona capphiibee, geppeenaꞌo toommona awureebee, ebiyoche ta waan waa beete.

Solomooni 3:1

Xum xumoon ta beeroochaa, ta shiiqqin sharaataa beehoye; biin sharaatehoye; tunebaani daneyaane taane.

Solomooni 4:7

Shiiqqe, ne hullimallo gaawetone; amee bacholla ne achooch aalloone.

Solomooni 4:9

Ta manee ta woꞌeene, ikke wottoon taan ciinona, ta mulloon boggaa deqqeti neene. Ne qetteexi shashoochee ikkoona, ta mulloon boggaa deqqeti neene.

Solomooni 5:11

Bi qello gaawe aachoommone; bi qelli eexo naalloo, kurechoommi aaꞌone.

Solomooni 5:6

Ta shiiqqich qechiyo; tunebaani ta shiiqqi wotteꞌi hammitone. Bi yibbaateti yibbaatoyich ta mullo muujjiye; biin qaawaa daneyaane taane; ta ceegenoo eekkeyaanoone.

Solomooni 6:9

bi achooch bachaalli ta daabbiche, ikke mixxeene; bi indeechoo ikkeene; biin shiyetichoo aaxxeene; gidiideenaꞌo biin ciinniꞌi galleteheete; gennee abeetinaꞌonaa naamacheenaꞌona biin naadiyeete.

Solomooni 7:9

ne noonoo gaawe woyinoommon, taach tunebe. Woyinee uyo toolibee, ta shiiqqichi noonoonaa gashoonooch kindibe.

Solomooni 8:7

Wodde aaco ebi shunee qaaqqoon takkoon, ambamboo hidii daamon, hakkaache; asho shunoon kemoyich, bi gaanno bullin bi imigaata, ciroona hoxeehe.

Isiyaasi 50:6

Xoobbii beetinaꞌoyich ta gubboon, ishaanoon shettee beetinaꞌoyich ta gaakkoon, immehoye; taan coonee, ta aafooch cuddii beetinaꞌo waanee, ta aafoon bara wochaano taane.

Isiyaasi 52:14

Ashichoyee beshoon bi malleto bachitoyich, ashichoyee beshoon bi gaawoo xummetoyich, meetinaꞌo bi naboona worganemminaꞌone.

Daaneeli 8:18

Ebin taach bi gettii beetaa, are ta guufetoochaa kashoon tuushiyo. Tunebaani bi taan yechii tiijjiꞌi, ta baatoona ta neexemmoyich tuniihe.

Zakaariyaasi 4:1

Taanna tookkii yibbaateti maraakoo wottee waaꞌi, tokketeti ashoon tiijjoommon taan tiijjiye.

Maatiyoosi 7:8

Yeeri biin qolleebeeto bullich immemmone; qaawiibeeto bulliyoo bi waanee danemmone; bi kelloon qoppiibeeto bullichoo qechemmone.

Maariqoosi 1:35

Maaddoona, showoo batt haraan beetaa, Yesuusi tiyii ikke qere xaaꞌooch hammiꞌi aroochaa corootiye.

Luqaasi 22:44

Biyoo oogichii xuuxeebee aafichoyee beshoon corootiye; damoo cotoommon caajjo bi achoochee showooch cottiye.

Luqaasi 6:12

Arooba Yesuusi corootiya geppooch kechiye. Yeer waan corootiibee arooch qeyiye.

Luqaasi 9:32

Tunebaani Pheexiroosinaa biinna tookkii beetinaꞌona geepphirona daadeeꞌi tokketeheete; tokketoochee tiyiꞌi Yesuusichi oogee yiiroonaa biinna tookkii neexeebeeti gutte asheenaꞌonon beeggiyeete.

Yowannisi 10:4

Bi bageenaꞌo bullin bi kichitoyee gubb boonoshi aafooch shiichemmone; bi bageenaꞌoo bi qaaroon boonoshi arii beetoyich, biin dabbemminaꞌone.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Yaaꞌoo 14:4

Eboshiyoo shaagaaneenaꞌone; maacheena tookkiinoo daneyaaneenaꞌone; ebich eeꞌaalleenaꞌone. Eboshiyoo Bago hammiibeeti xaaꞌoo bulliich biin dabbii beetinaꞌone; asheenaꞌo daggoochee biisheetinaꞌone; Yeerinaa Bagoonoyich icheti cilleenaꞌone.

Yaaꞌoo 3:20

Ebiyoche, kellooch neexaachaa kelloon qoppaabeeto taane; koniyoona ta qaaroon waayeꞌi bi kelloon bi qechigaata, bi waan giyemmo taane; biinna tookki gifiroon maayemmo taane; biyoo taanna tookki maayemmone.

Yaaꞌoo 3:4

“Tunebaani boonoshi tahoon kiiniyaani giisheche asheenaꞌo Saridees neenna tookkii beetinaꞌone; boonoshiyoo bedditinaꞌo tuneꞌi boonoshi danetoyich nacce tahoon taheree taanna tookki shaꞌemminaꞌone.