Solomooni 5:16 - Kafa Linguistics Project

¹⁶ Bi yibbaatoo oogeti shaawone; bi hullimallo macecikkitone. Yerusaalemi gidiideenaꞌote, ta shiiqqi, ta shunecho, ebiyoommone.

Solomooni 5:16 ပူးပေါင်းရင်းမြစ်များ

2 Saameeli 1:23

“Saaꞌoolinaa Yonaataanina kashoona beebee oogeti shunechinaꞌone; boonoshi qitoonoo barbaraaneenaꞌone. Boonoshiyoo booyoyee beshe afaafinechinaꞌo, daaheroyee beshe kuppheenaꞌone.

Shoddo 119:103

Ne qaaro am shaahoon taach shaawiye! Eeyoyee beshoon ta kookkooch noocciye.

Shoddo 148:13

Bi shigo baach damba oogeto bi tunetoyich, bi oogo showoonaa shimaayoonoyee damboo bi tunetoyich, Doono Yeerin galletebeete.

Shoddo 19:10

Aachoyee, xalle aachoyee beshoon aaxxoone; eeyoyee, eechi woolloyee beshoon shaawone.

Shoddo 45:2

Ne, ashoyee beshe malletecho neene; ne noonoochee shaawi yibbaatoo kechiye; ebich Yeeri bulli yemeenoon neen diiritone.

Shoddo 89:6

Shimaayooch Doono Yeerin shaahemmo konine? Shimaayeexi halleenaꞌo daggooch Doono Yeerina tatemmo konine?

Solomooni 1:16

Ta shiiqqo, ne malletecho neene; am shaahoon taan shuchiinne! No beeroo gare mocoone.

Solomooni 1:2

Ne shunoo woyinee uyoyee beshoone; wochi wochi taan shumbe.

Solomooni 1:5

Yerusaalemi gidiideenaꞌote, ta aaꞌi taane; tunebaani malletechi taane; ta aaꞌo Qedaari duukkaanoommo, ta malletoo Solomooni kechi maccillaatoommone.

Solomooni 2:1

Ta, Shaaroon beeti mocee bungee taane; bambeexi naddee bungee taane.

Solomooni 2:16

Shiiqqi taachone; tawoo biichi taane; biyoo naddee bungee daggooch gijjeenaꞌon quyee beetone.

Solomooni 2:3

Ta shiiqqi, gurimaasheenaꞌo daggoochaa, mixinaꞌo daggooch beeti appilee bechoommone. Bi yiirooch koto taan emirikkiye; bi aafo taach shaawiye.

Solomooni 4:3

Ne noonoo ceelle maddoommone; ne noonoo shaawone; ne gaakkoo, ne aafoon qeriti qoreddee maacaa, kappheeti romaanee michi aafoommone.

Solomooni 6:3

Ta, shiiqqichi taane; shiiqqiyoo taachone; naddee bungee daggooch bagoon quyee beetone.

Solomooni 7:9

ne noonoo gaawe woyinoommon, taach tunebe. Woyinee uyo toolibee, ta shiiqqichi noonoonaa gashoonooch kindibe.

Erimiyaasi 15:16

Beshe Mawe Nuggishoo Doono Yeero, ne shigoona ceekketo taane; ne qaaro danetone; tawoo maato taane; ne qaaroo taach emiroonaa mulleechi ooge emiroonon tunehe.

Erimiyaasi 3:20

Israꞌeeleenaꞌote, mechee bi kenoyich gibeneyee qayoommon, ittoshiyoo taach gibeneyoon qajjito ittoshine’ iye Doono Yeeri.”

Hosee'i 3:1

Doono Yeeri taach ishichiye: “Israꞌeeleenaꞌo bare nuggisheenaꞌo waan boonoshi wottetaanona, woyinee aafee nuuphon giddiyoon boonoshi shunnitaanona Doono Yeeri ta, andoo boonoshin shunnaabeeto taane. Newoo ebiyoommon bare ashoon shunneti shunimaayee waan hamiree biin shune” iye.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Filipphisiyoosi 3:8

Ebi ikkeeto tuneyaanoon, bulliyee beshiton danoyich, ebiyoo Kiristoos Yesuusi ta Doonon ariyoyicha iyaꞌa ebi mooyinaꞌon ciroona gaacaachemminaꞌon tuniiꞌa haddito taane. Biicha iyaꞌa eboshi bullin qajjeto taane. Kiristoos Yesuusi toommooch mullee tooꞌiyoona daneebeeti cadiqoo, ebiyoo sheeroon ceechii ta quyoona daneti cadiqoo tuneyaanoon, mullee tooꞌiyoona Yeer waanee daneebeeti cadiqoo taach bi beeyemmoyich, Kiristoosin danoyicha iyaꞌa bullin guudoon shaahiiꞌa duppeto taane.

Yaaqobi 2:23

Yaafe Macaafo “Abrahami mulloon Yeeri toommooch tooꞌiihe; ebi mullee tooꞌiyoo Yeeri aafoochaa biin cadiqiihe” bi ito ceennitone; biyoo Yeerichi shunecho getteetone.

Yaaqobi 4:4

Yeerich gibeneyaaneenaꞌote! Hini alemoon shuno Yeerin shixo bi tunoon ariyaachote? Illa alemoon shuno Yeerina shixecho tunoone.