Solomooni 5:1 - Kafa Linguistics Project

¹ Ta manee ta woꞌeene, ta budooch waato taane; ta hareboonaa ta qimaamoonon macito taane; ta eeyon bi neechoona maato taane; ta woyinee uyoonaa ejjoonon ucheto taane. Nuucheenaꞌote, maa uyote; shunechinaꞌote, ittoshi michimmi wottoon uyote.

Solomooni 5:1 ပူးပေါင်းရင်းမြစ်များ

Halloo 37:25

Maayoon maaya koteechii, wokkii ciinniꞌi, Gilaadee showoochee waabeeti, giixechi Ishmaꞌeeleenaꞌon beeggiyeete. Ebi are giixechinaꞌo shitto, huuteebeeti attoonaa hareboonon boonoshi gaaleenaꞌooch xaaniꞌi, Gibitsee showooch dugilla hammii beeheete.

Shoddo 147:11

Tunebaani Doono Yeeri emiriibeeto, biin shattii beetinaꞌona, bi shoodoon gibenee beetinaꞌonane.

Shoddo 16:3

Showee toommeexi yaafeenaꞌo moogeetinaꞌone; tawoo boonoshina emiraabeeto taane.

Shaahiyoo 24:13

Ta bushoocho, gaaweto bi tunetoyich eeyon mame; bi woolloo ne kookkooch shaawone.

Shaahiyoo 9:5

“Waaree ta maayoon mamote; ta duucheti woyinee uyoonoo uyote.

Dojjecho 2:5

Bechee mixinaꞌon bechaꞌa yanneto tuniiho. Ebi arooch aafeebeeti baribare mixinaꞌon bechiyo.

Solomooni 1:13

Ta shiiqqi taach, ta xani gutte daggooch kaafaa koteti hareboone.

Solomooni 4:16

Dambi-waani yongoocho, tibe; deshi waani yongoocho, wobe; gaawe cinno cinnemmoyich, ta buchi toommooch yongebe. Ta shiiqqi bi budooch wobe; gaawe aafoonoo mame.

Solomooni 4:8

Ta woꞌeene, Libanoosee taanna tookki hambone; Libanoosee taanna tookki hambone. Daahereenaꞌochi gofo, maaheenaꞌochi guudo tuneti, Amaani guudoochee, Seniiri guudonaa Hermooni guudi cullulloonoochee, kindibe.

Solomooni 6:11

Bambeexi bechee nolloon beegoyich, woyino quummito, romaano bungito gaata beegoyich, luuzee budooch hammeho.

Solomooni 6:2

Ta shiiqqi bi bageenaꞌon quyoyich, naddee bungeenaꞌon macoyich, qimaame bechoo beeti tagooch, bi bechee michi budooch kinditone.

Solomooni 8:1

Abo taach, ta indee xanon xammiti, ta hajjee manoon tuneshoo geta! Maaxoochaa neen danaa ta shumaa, koniyoona taan hoxeyaacheshone.

Solomooni 8:13

Bechee michi budooch beeti ta shiiqqe; ta addaareenaꞌo ne qaaroon waayeya qaawii beetinaꞌone; tawoo ne qaaroon waayebona.

Isiyaasi 23:18

Giixoochee bi danemmi gijjoo bulli Doono Yeerich kechemmone; ebiyoo koteyaachemmone; bi shimo Doono Yeeri aafooch maddee beetinaꞌoyich, beshaa beshe maayoonaa gaawe tahoonooch heechemmone.

Isiyaasi 5:1

Ta shunachochon, bi woyinee goyoochonoo shoddebona; ta shunechoyich woyinee goyo, qeemi geppee toommooch beehe.

Isiyaasi 51:3

Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Isiyaasi 58:11

Doono Yeeri ta, ittoshin bulli aaboon yaabemmo taane; shuuꞌi showoochaa ittoshi qaatoon ceechemmo taane; ittoshi shaawushoon kupphiyemmo taane; aaco ucheeti bechee xaaꞌoommon, tahii ariyaani aachi xuuphoommon tunemmo ittoshine.

Isiyaasi 61:11

Showee maayoon bi colliyoommon, bechee budo arooch shookkeeton bi kophiiyoommon, Nuggishoo Doono Yeeri cadiqoonaa galletoonon, aageteenaꞌo bulli aafooch colliyemmone.

Isiyaasi 65:13

Ebich Nuggishoo Doono Yeeri ishichiye: “Ta guuninaꞌo maayemminaꞌone; tunebaani ittoshi shaacemmo ittoshine; ta guuninaꞌo uchemminaꞌone; tunebaani ittoshi shachewemmo ittoshine; ta guuninaꞌo emiremminaꞌone, tunebaani ittoshi yeellemmo ittoshine;

Isiyaasi 66:14

Ebin ittoshi beegiyooba ittoshi mullo emiremmone; ittoshi shaawusho mocoochoommon nollemmone; Doono Yeerichi kishoo bi guuninaꞌona tookkii tuno arichemmone; bi kaaro bi etteenaꞌo toommooch tunemmone.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Luqaasi 12:4

“Ta shunechinaꞌote, ittoshich gettoye: Meenon wuxii beetinaꞌon shattaahote. Boonoshi wuxitoyee gubb boonoshi hallemmi bare mooyo amolla aalloone.

Yowannisi 3:29

Woꞌee bi kenoochine; neexeꞌi waayeebeeti miyaatoo woꞌee kenoochi qaaroona oogichii emirii beetone. Illa ebina ta emiroo ceennitone.

Mishiraachechinaꞌo 11:29

Arooba Yesuusichi dabbeenaꞌo boonoshi qelli qelloona boonoshi hakkee wottoon gijjoon kichiꞌi, Yihudee showooch beeti maneenaꞌoyich daachiya echeeheete.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.

Woraaferasheenaꞌo 14:11

Filsixeemeenaꞌo biin beeggiꞌi shaashe asheenaꞌon biinna tookki boonoshi tunemmoyich deebiyeete.

Woraaferasheenaꞌo 14:20

Bi mecheenoo bi miyaatoo shaaggiye.