Solomooni 3:6 - Kafa Linguistics Project

⁶ Hareboonaa ixaanoona, giixechinaꞌochi cinnechi qimaamo bullina qanniti shittoona cinneebee, cufee duulloochoommon duulliibee, barahoochee waabeeto amoone?

Solomooni 3:6 ပူးပေါင်းရင်းမြစ်များ

Keyo 30:34

Doono Yeeri Muusich ishichiye: “Tachaa bacceeti gaawe cinnechi qimaameenaꞌon, eboshiyoo, mixoochee cottiibeeti shittoon, woongee (yaahee) daggoochee daneebeeti shittoon, macwollaggoon shaahiibeeti mixoochee kechiibeeti shittoonaa xalle ixaanoonon daamiree,

Shaahiyoo 7:17

ta qeenoochoo hareboochee, ereetoonaa qarefoonoochee shuuneeti shittoon wuciti taane.

Solomooni 1:13

Ta shiiqqi taach, ta xani gutte daggooch kaafaa koteti hareboone.

Solomooni 1:3

Ne huutaabeeti shitto cinnechone; ne shigo ufeebeeti shittoommone; ebich gidiideenaꞌo neen shunniyeete.

Solomooni 3:7

Ebi Solomoonichi qeenone; Israꞌeelee ginee anaaminaꞌoochee shiche ginee anaaminaꞌo bi guudoona beetinaꞌone.

Solomooni 4:6

Showoo gaargaaraan beetaa, harii xalleyaan beetaa, harebee guudooch, ixaanee geppooch kechemmo taane.

Solomooni 5:13

Bi gaakkoo shittoommon cinneebeeti, qimaamee bechoo becheeti tagoommone; bi noonoo harebee cinnoon cotiibeeti, naddee bungoommone.

Solomooni 5:5

Ta shiiqqich qechiya tiyeho; ta kishoochee hareboo, ta yapheroochee aache hareboo, shaaqqee tuggooch cotehe.

Solomooni 8:5

Bi shiiqqi toommooch teeqqaꞌa barahoochee waabeeti, ebi konine? Appilee michi baatooch ne tokketetoochee neen tiijjiyoye; ne indee neen bi xifeto, maaxoona neen bi shiyeto, ebi aroochaane.

Isiyaasi 43:19

Ebiyoche, andire mooyon tuniyemmo taane; ebiyoo and bekkemmone; ebi ittoshich aricheyaache? Barahee daggoona gommon kichemmo taane; aroochoo aaco xuupphemmoyich tuniyemmo taane.

Erimiyaasi 2:2

“Hamiree Yerusaalemi asheenaꞌochi waamooch awaajjibe; Doono Yeeri ishichiye gete: ‘Bushaa ne beehooba gibeneeti ne tunoon, woꞌee shunoommi ne shunoon, barahoochaa, amoonolla shakkiyaani showoochaa, taan ne dabboon shalligiyoye.

Erimiyaasi 31:2

Doono Yeeri ishichiye: “Israꞌeeleenaꞌo tooqqii kashoon boonoshi qaawiyooba, goraadoochee muricciti asho shuuꞌi showoochaa gidoon danemmone.

Hosee'i 9:10

Doono Yeeri ishichiye: “Israꞌeeleenaꞌon ta dano, barahoochee woyinee aafoon danoommone. Ittoshi qaabbechinaꞌon ta beego, qaabbe balaasee aafoon beegoommone. Tunebaani Baꞌaal Feꞌoori boonoshi waahooba yeelliiti shahalleenaꞌoyich boonoshi qelloon beshiiꞌi immiyeete. Boonoshi shunniti shahalloochoommon ciigiitinaꞌo tuneheete.

Maatiyoosi 2:11

Are kexooch giyiꞌi bi indee Maariyamina tookkii beeti gaggere bushoon beeggiyeete. Yittiꞌinoo biich goyinneheete; boonoshi saaxenoon qechiꞌi aachoon, ixaanoonaa hareboonon kichii immiyeete.

Yibbaatoo 8:2

Ne Nuggishoo Doono Yeeri biich deꞌa ne gettemmoyich, iritoon ne toommooch deebii neen phirebee, besheti aabbe naton ebi genje gommon barahee daggoona neen bi yaaboon batteyaahine. Ebin bi tuniito, ne mullooch beeton beegoyich, ebiyoo bi getoon ne quyoonaa quyee qayonon beegoyichiye.

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.

Yaaꞌoo 12:14

Dareboo waanee wohiree keejje nattaa qaton barahooch shiimetaa bi beeyemmi xaaꞌooch yoobi bi hammemmi gutte ogooge booyee qoshoo ureyich ichehe.

Yaaꞌoo 12:6

Ureyoo ikke humaa gutte ballaa shiche qemon aroochaa boonoshi shiimemmoyich, Yeeri qanniiti xaaꞌoo barahooch aashaa hammahan.

Yaaꞌoo 18:13

qarefoo, qimaamo, ixaano, cinnechi huuto, hareboo, woyinee uyo, zayito, qacini buddino, teepphoo, miimo, bago, hareshoo, gaari, guuninaꞌonaa ginoona kecceti asheenaꞌona, eboshine.

Yaaꞌoo 5:8

Macaafoon bi daammimmona, kashechi awudde halleenaꞌonaa hiyaa awudde geeneenaꞌona Bago aafooch baroona guufeheete. Boonoshi ikkikkoona ximboonaa yaafeenaꞌochi corootee malletoo tuneti ixaano ceenniti, aachoochee shuuneeti qiicoonon yechiꞌi,