Solomooni 3:11 - Kafa Linguistics Project

¹¹ Tsiyooni gidiideenaꞌote, wobote; bi gaarooba, bi oogichii emiriti aabooba, bi indee ukiiti gubbichoon uketi, Taatoo Solomoonin ciinote.

Solomooni 3:11 ပူးပေါင်းရင်းမြစ်များ

Shoddo 48:11

Ne dayinnetoochee tiyitona, Tsiyooni guudo emiribe; Yihudee katemeenaꞌooch beetinaꞌo emiroona wucwuceete.

Shoddo 9:14

Ebin ne tuniigaata, Tsiyooni addibaaboochaa ne galleto bullin gettemmo taane; taan ne wodiyoona emiremmo taane.

Solomooni 1:5

Yerusaalemi gidiideenaꞌote, ta aaꞌi taane; tunebaani malletechi taane; ta aaꞌo Qedaari duukkaanoommo, ta malletoo Solomooni kechi maccillaatoommone.

Solomooni 2:7

Yerusaalemi gidiideenaꞌote, bi qelloona qaawii bi tiyimmi wottoon, shunoon ittoshi shuurikki tiijjaachemmoyich, doolloona woyee kubbi boyijjoona ittoshin callehoye.

Solomooni 7:11

Ta shiiqqo, ne waataa gaddooch hambone; xumoonoo gafeenaꞌooch qebone.

Solomooni 8:5

Bi shiiqqi toommooch teeqqaꞌa barahoochee waabeeti, ebi konine? Appilee michi baatooch ne tokketetoochee neen tiijjiyoye; ne indee neen bi xifeto, maaxoona neen bi shiyeto, ebi aroochaane.

Isiyaasi 4:4

Doono Yeeri Tsiyooni maache bushiisheenaꞌochi kiinoon machemmone; Yerusaaleminoo bi daggooch ufeti damoona bi wooretoochee, bi nalloonaa bi ayaanee hakkoona xalliyemmone.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Isiyaasi 62:5

Gurimaashoo gidiideen shaaggiꞌi bi daamoommon, ne bushiisheenaꞌo ne showoon hajjemminaꞌone; woꞌee keno woꞌeena bi emiroommon ne Nuggishoo neenna emiremmone.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 2:2

“Hamiree Yerusaalemi asheenaꞌochi waamooch awaajjibe; Doono Yeeri ishichiye gete: ‘Bushaa ne beehooba gibeneeti ne tunoon, woꞌee shunoommi ne shunoon, barahoochaa, amoonolla shakkiyaani showoochaa, taan ne dabboon shalligiyoye.

Erimiyaasi 32:41

Boonoshich gaawe mooyon tuniyoona emiremmo taane; ta ceeni mulloona, ta ceeni kashoona iberoochaa hini xaaꞌooch boonoshin bechemmo taane.

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Zakaariyaasi 6:11

Boonoshi waanee aachoonaa birewoonon deꞌiree gubbichoon shuunebe. Ebi aroon Yehotsedeeqichi bushoo, qeeshee guudo Yaasichi shimbooch ukiibe.

Maatiyoosi 12:42

Deshi-waanee waati taatee nallaa gallooba neexeree hini yemeeneexi asheenaꞌon taggemmine; ebiyoo Solomooni gettiibeeti shalligoon waayoyich showee tuggoochee bi waatoyichiye. Ebiyoche, Solomooniyee besho hiniich beetone” iye.

Luqaasi 15:32

Tunebaani “Qititone, aalletone” iyaꞌa ta gabiti hini ne manoo kashoona wotteꞌi danetone; ebich gifiree maayoon gediree emiraanoon aabichiree qajjehone?’ iꞌi gettiye” iye.

Yowannisi 15:11

Ta emiraabeeti emiroona ittoshi emiremmoyich, ittoshi emiroo bi ceennemmoyich, ebi bullin ittoshich getteto taane.

Yowannisi 3:29

Woꞌee bi kenoochine; neexeꞌi waayeebeeti miyaatoo woꞌee kenoochi qaaroona oogichii emirii beetone. Illa ebina ta emiroo ceennitone.

Qolaasiyaasi 1:18

Biyoo bi ashittino tuneti kittinnee guuphinaꞌochi shimboone; mooyo bulli toommooch besho bi tunemmoyich, bulliyee shiichoone; qitoochee timonoo qaabboone.

Hibireena'o 13:13

Illa no wotta, bi cooneetoommon cooneebee, kaamboyee maach, bi waan hambone.

Hibireena'o 2:9

Tunebaani Yeerichi wojjoona asho bullich bi qitemmoyich, giisheche wottoon maraakeenaꞌoyee bi shappemmoyich tuneti Yesuusin, qitee xuuxoon bi beeggitoyich, oogoonaa oogee yiiroonochi gubbichoon uketon beeggehone.

Yaaꞌoo 1:7

Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.

Yaaꞌoo 19:12

Bi aafo qaaqqee aaxxoommone; bi shimboochoo meeti gubbichoon uketone; bi ikkeeto baachalli koniyoona ariyaani kooreeti shigo biich beetone.

Yaaꞌoo 19:7

Bagoochi gaaro shaggitoyich, bi woꞌeyoo bi qelloon bi qanniitoyich emiribone; emiroona wucwucone; oogee yiiroonoo Yeerich imbone.