Solomooni 1:7 - Kafa Linguistics Project

⁷ Ta shunnaabeetocho, eke taach gete: Ne bageenaꞌon ne quyaabeeto aabiichiye? Aabee qellayooch ne kashiyaabeeto aabiichiye? Bi aafoon kaappeti ureechoommon, ne nuucheenaꞌochi bagee hillooch ta, yallyallimi beeyemmo amoyichiye?

Solomooni 1:7 ပူးပေါင်းရင်းမြစ်များ

Halloo 37:16

Biyoo “Ta maneenaꞌoniye ta qaawaabeeto; boonoshi bageenaꞌonaa emmisheenaꞌonon aabiich boonoshi quyeebeeto gaata doogena taach gete” iye.

Shoddo 116:1

Ta cookoon, ta qolloon bi waayetoyich, Doono Yeerin shunnehoye.

Shoddo 18:1

Doono Yeeri ta hakkoocho, neen shunnehoye.

Shoddo 28:1

Doono Yeero, ne waan cookiyoye; ta Deebe Xaqqoocho, ta cookoon waayebe; cikkii ne qayigaata, maash hammii beetinaꞌoommon tunemmo taane.

Shoddo 80:1

Israꞌeelee Qiddoocho, Yooseefi shiijjeroon bagoochoommon yaabaa beetocho, no qolloon waayebe. Kiruubeenaꞌochi toommooch kotaabeetocho, aaxxe bekkebe!

Solomooni 2:16

Shiiqqi taachone; tawoo biichi taane; biyoo naddee bungee daggooch gijjeenaꞌon quyee beetone.

Solomooni 2:3

Ta shiiqqi, gurimaasheenaꞌo daggoochaa, mixinaꞌo daggooch beeti appilee bechoommone. Bi yiirooch koto taan emirikkiye; bi aafo taach shaawiye.

Solomooni 5:10

Ta shiiqqi, malletechonaa dama qeecoonane; aashire humeenaꞌoyee beshoone.

Solomooni 5:16

Bi yibbaatoo oogeti shaawone; bi hullimallo macecikkitone. Yerusaalemi gidiideenaꞌote, ta shiiqqi, ta shunecho, ebiyoommone.

Solomooni 5:8

Yerusaalemi gidiideenaꞌote, ittoshin aderaa qollehoye; ta shiiqqin ittoshi danegaata, bi shunoona biiyeti ta tunoon biich getote.

Solomooni 6:2

Ta shiiqqi bi bageenaꞌon quyoyich, naddee bungeenaꞌon macoyich, qimaame bechoo beeti tagooch, bi bechee michi budooch kinditone.

Solomooni 6:3

Ta, shiiqqichi taane; shiiqqiyoo taachone; naddee bungee daggooch bagoon quyee beetone.

Solomooni 8:13

Bechee michi budooch beeti ta shiiqqe; ta addaareenaꞌo ne qaaroon waayeya qaawii beetinaꞌone; tawoo ne qaaroon waayebona.

Isiyaasi 13:20

Shiijjeroochee shiijjerooch beddaahaa arooch kotemmo ciroona beetaachemmone; Araboo bi duukkaanoon arooch xogaachemmone; qiddeenaꞌo arooch boonoshi bageenaꞌon quyeyaachemminaꞌone.

Isiyaasi 26:9

Ta kashe xumo bullin neen sharaatehane; ta ayaano neen qaawiye; ne dayinneto showee toommooch bi tunehooba, showee toommooch beetinaꞌo cadiqo tunoon doyemminaꞌone.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Isiyaasi 5:1

Ta shunachochon, bi woyinee goyoochonoo shoddebona; ta shunechoyich woyinee goyo, qeemi geppee toommooch beehe.

Erimiyaasi 33:12

Beshe Mawe Doono Yeeri ishichiye: “Ashaalloon woyee gijjaalloon shokkoon echeti hini xaaꞌoo, bi katemeenaꞌo bulliyoo, boonoshi bageenaꞌon qiddeebeeti, qiddeenaꞌochi beeyi xaaꞌoon tunemminaꞌone.

Mikiyaasi 5:4

Biyoo qiddoo bi bagoon quyoommon, Doono Yeerichi giidoona, bi Nuggishoo Doono Yeerichi oogee yiiroona, bi asheenaꞌon quye qeejjemmone. Bi oogo showee toommo bulliich aricheto bi tunetoyich, bi asheenaꞌo keqqaalloon beeyemminaꞌone.

Maatiyoosi 10:37

“Tayee beshiiꞌi bi nihoon woyee bi indeen shunniibeeto taacho tunoon hakkaache; ebiyoommon tayee beshiiꞌi bi bushoon woyee bi busheen shunniibeeto taacho tunoon hakkaache.

Yowannisi 10:11

“Deꞌe qiddoo taane. Deꞌe qiddoo bi bageenaꞌo keroyich qitemmone.

Yowannisi 21:17

Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

1 Pheexiroosi 2:7

Illa ittoshi mulloon bi toommooch tooꞌiiti ittoshich ebi xaqqo aaxxoone; tunebaani bi toommooch mulloon tooꞌiyaaneenaꞌoyich, “Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunehe,”

1 Yowannisi 2:19

Boonoshiyoo no daggeexinaꞌo tuno boonoshi qajjitoyich, no daggoochee kechiyeete. No magechinaꞌo boonoshi tuneto gaata, noonna tookki manjiree beeyeshinaꞌone. Ebina boonoshi bulli no magechinaꞌo boonoshi tunee qayo arichemmoyich, no waanee bariꞌi kechitinaꞌone.

Yaaꞌoo 7:17

Ebiyoo, taatee qeechi gutte daggooch beeti Bago boonoshich qiddoo tuneree, kashee aachi tunooch boonoshin bi yaabemmoyichiye. Yeeriyoo boonoshi acimo bullin boonoshi aafoochee hidemmone” iye.

Ruuti 2:21

Ruutiyoo “Biyoo wotta taan ‘Ta shuunechinaꞌo maayoon qeccii ciichimmi wottoon, ta budoochee badd hammaahine’ itone” iyan.