Solomooni 1:3 - Kafa Linguistics Project

³ Ne huutaabeeti shitto cinnechone; ne shigo ufeebeeti shittoommone; ebich gidiideenaꞌo neen shunniyeete.

Solomooni 1:3 ပူးပေါင်းရင်းမြစ်များ

Shoddo 133:2

Shimboochee ishaanooch beddaahaa toolliibeeti, Harooni ishaanoochee bi tahee qettee xappooch toolliibeeti, cinnechi zayitoommone.

Shoddo 45:14

Shashechi bi tahoona taatoo waan woyemmine; gidiide bi nuucheenaꞌoo biin deennemminaꞌone.

Keyo 33:12

Muusiyoo Doono Yeerich ishichiye: “ ‘Hini asheenaꞌon yaabibe’ ito neene; tunebaani taanna tookki konin ne daachiyemmo gaata taach arichiyaano neene. Wotta ‘Neen, ne shigoona ariito taane; ta aafoochaa gidoon daneto neene’ ito neene.

Keyo 33:19

Doono Yeeriyoo ishichiye: “Ta gaawittino bulli ne aafoona bi beshemmoyich tuniyemmo taane; ne aafoochoo ta shigo Doono Yeerin awaajjemmo taane. Ariqqeya ta qaawiti ashoyich ariqqemmo taane; maariya ta qaawiti ashoonoo maaremmo taane.

Shaahiyoo 27:9

Shittoonaa ixaanoona mulloon emirikkoommon, shunechi ashi ciico kashoon emirikkiye.

Dojjecho 7:1

Gaawe shigo gaawe shittoyee beshiye; qitee aabo shiijjee aaboyee gaawiye.

Solomooni 3:6

Hareboonaa ixaanoona, giixechinaꞌochi cinnechi qimaamo bullina qanniti shittoona cinneebee, cufee duulloochoommon duulliibee, barahoochee waabeeto amoone?

Solomooni 4:10

Ta manee ta woꞌeene, ne shunoo am shaahoon emirikkiye! Ne shunoo woyinoyee am shaahoon beshiye! Ne shittee cinno shitto bulliyee am shaahoon beshiye!

Solomooni 5:13

Bi gaakkoo shittoommon cinneebeeti, qimaamee bechoo becheeti tagoommone; bi noonoo harebee cinnoon cotiibeeti, naddee bungoommone.

Solomooni 5:5

Ta shiiqqich qechiya tiyeho; ta kishoochee hareboo, ta yapheroochee aache hareboo, shaaqqee tuggooch cotehe.

Solomooni 6:8

Shiche gennee abeetinaꞌo, shinne naamacheenaꞌo, haddoyee beshiti gidiideenaꞌoo beetaana,

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Maatiyoosi 25:1

Daakkiꞌi Yesuusi ishichiye: “Ashi Bushoo woyemmi aabooba shimaajji taatittine ebin shaahemmine: Aashire gidiideenaꞌo boonoshi ceechoon ceechiꞌi woꞌee kenoon giijjiya kechiyeete.

Yowannisi 12:3

Maariyami qachi neetira bede oogeti aaxxe naaridoosi shittoon deebaa Yesuusichi baatooch ukkiyan; bi qelli eexona bi baatoon hidiyan. Ebi shittee cinno kechi ikkottehe.

2 Qorontoosi 11:2

Yeeri ittoshin bi qanaatee beetoommon, ebiyoommon ta wotta ittoshin qanaataabeeto taane. Ebiyoo shaakkeyaani gidiidechoommon ikke anaamoyich ittoshin ta immetoyichiye; aroo Kiristoosine.

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.

Yaaꞌoo 14:4

Eboshiyoo shaagaaneenaꞌone; maacheena tookkiinoo daneyaaneenaꞌone; ebich eeꞌaalleenaꞌone. Eboshiyoo Bago hammiibeeti xaaꞌoo bulliich biin dabbii beetinaꞌone; asheenaꞌo daggoochee biisheetinaꞌone; Yeerinaa Bagoonoyich icheti cilleenaꞌone.