Sofoniyaasi 3:8 - Kafa Linguistics Project

⁸ Ebich Doono Yeeri ishichiye: “Eke cikki beebote. Aagetee asheenaꞌo toommooch ta nallemmi aabo waatone. Ta kaaree shiixxoon boonoshi toommooch kindiyoyich, aagetee asheenaꞌonaa showee taateenaꞌonon kiciya maacceto taane. Ta kaaree aabooba, qaaqqoo aaxxoommon aaxxeebeeti ta qanaatee kaaroona showoo bulli mici aallemmone.

Sofoniyaasi 3:8 ပူးပေါင်းရင်းမြစ်များ

Shoddo 12:5

“Girechinaꞌochi xuuxoyich, iritechinaꞌochi cookoyich and tiyemmo taane; boonoshi qaatiti diggoon boonoshich immemmo taane” iye Doono Yeeri.

Shoddo 123:2

Ebiyoche guuno bi doono kishoon ciinoommon, gonnee bi gennee kishoon ciinoommon, nooch ne ariqqemmi wottoon no aafo no Nuggishoo Doono Yeeri ne waan ciinniye.

Shoddo 27:14

Doono Yeerin gibenebe; kupphebe; ne mullo goggebe; Doono Yeerin gibenebe.

Shoddo 37:34

Doono Yeerin gibenebe; bi getoonoo ceechibe. Biyoo showoon ne woraashemmoyich tuniyoona neen oogiyemmone; gondeenaꞌo aalletaa beeggemmo neene.

Shoddo 37:7

Doono Yeeri aafooch cikkiree beebe; haaꞌiyoona biin quyebe. Gondoon gabiibeeti ashich, mooyo kaamoona ippeyaahine.

Shoddo 62:1

Ta kashe kashaꞌa quyaabeeto Yeerin baachiye; ta wodoo waabeeto bi waaneeniye.

Shoddo 62:5

Ta kashe kashaꞌa quyeebeeto Yeerin baachiye; ebiyoo, ta gibenaabeeto biin bi tunetoyichiye.

Shoddo 79:5

Doono Yeero, ebi aati wottooniye? Bulli yemeenoon kaare beeyemmo neene? Ne qanaato qaaqqee aaxxoommon aaxxeshiye bi beeyemmo?

Shoddo 79:6

Ne kaaroon, neen ariyaani aageteenaꞌo toommooch, ne shigoon ceegaani taatee showeenaꞌo toommooch kindiibe.

Shaahiyoo 20:22

“Gondee kaalloon wochemmo taane” gettaahine; Doono Yeerin quyebe; bi neen gaachemmone.

Solomooni 8:6

Maatemoochoommon ne mullooch, ne mochoochoo taan kotiibe. Shunoo qitoommi kuppho bi tunetoyich, bi qanaatoo maashoommi maacmanjoo bi tunetoyich, qaaqqee aaxxoommon, giidechi conjoommonoo aaxxee beetone.

Isiyaasi 14:26

Showoo bulliich gabeeti gaboo ebine; aageteenaꞌo bulli toommoochoo tiyiti mochoo hinine.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Isiyaasi 34:2

Doono Yeeri aagetoo bullin kaaretone; kupphe bi kaaro boonoshi ginee naayinaꞌo bulli toommooch kinditone; ciroona boonoshin aalliyemmone; boonoshin guureyoyich beshiiree immemmone.

Isiyaasi 63:6

Ta kaaroona asheenaꞌon neexxoye; ta naxoonoo mashiihoye; boonoshi damoonoo showooch ukkiyoye” iye.

Erimiyaasi 10:25

Yaaqobin boonoshi maatoyich, maaꞌi ciroona boonoshi aalliitoyich, bi xaaꞌoonoo boonoshi happitoyich, neen ariyaani aageteenaꞌo toommooch, ne shigoonoo ceegaaneenaꞌo toommooch, ne kaaroon woniibe.

Hosee'i 12:6

Ebich ne Nuggishoo Yeer waan wottebe; shunechonaa dayinnetechonon tunebe! Bulli aaboon ne Nuggishoon gibenebe!

Yoꞌeeli 3:2

Aageteenaꞌo bullin kiciree, Yoshafaaxi bambooch daammemmo taane. Ta asheenaꞌo tuneti Israꞌeeleenaꞌon, aageteenaꞌo daggooch boonoshi shaccitoyich, ta showoon boonoshi qoodeetoyich, boonoshi toommooch nallemmo taane.

Mikiyaasi 7:7

Tunebaani ta, Doono Yeerin gibenemmo taane; taan wodiyechi Yeerin quye beeyemmo taane. Ta Nuggishoo ta qolloon waayemmone.

Imbaaqoomi 2:3

kooriree ne kotiyemmo, yaaꞌoo ceennemmo and tuno bi qajjitoyichiye; tunebaani ebi yaaꞌoo ceennemmi aabo afaafinoona waa beetone; ebi iberoone. Yagemmo bi shaahitaanona haaꞌiiree quyebe. Iberoon ceennemmone; ciroona yagaachemmone.

Sofoniyaasi 1:18

Doono Yeerichi kaaree aabooba, boonoshi aachoonaa birewoona boonoshin wodiyoon hakkaachemmone. Qaaqqoo aaxxoommon aaxxeebeeti bi qanaatee kaaroona showoo bulli mici aallemmone. Showee toommooch beeti asheenaꞌo bulli toommooch diqqoona aalloon deebemmone.

Haagi 2:22

showee toommooch beeti, taatittinee qeenon guuppa ii beeto taane; aagetee showee taatittinee giidoon aalliiya ii beeto taane; boonoshi gaarinaa gaarin yebbee beetinaꞌonon guuppa ii beeto taane. Boonoshi haresheenaꞌo qitemminaꞌone; yebbee beetinaꞌoo boonoshinaa boonoshina goraadoona qecceeree qitemminaꞌone.

Maatiyoosi 25:32

Aagetee asheenaꞌo bulli bi aafooch kiceyemminaꞌone. Qiddoo bageenaꞌon emmisheenaꞌo daggoochee bi barbariyoommon boonoshi bullin barbariyemmone.

2 Pheexiroosi 3:10

Doonochi aabo gaayoochoommon diqqoona shaggemmone; arooba shimaayoo oogeti qaaroona gigebee aallemmone; shimaayooch beeti mooyinaꞌo bulli qaaqqoona miciree aallemminaꞌone; wotta showoonaa bi toommooch beeti mooyinaꞌo bullina miciree aallemminaꞌone.

Yaaꞌoo 16:1

Aroyee gubb shabaatte maraakeenaꞌoyich “Hamiree Yeerichi kaaree shiixxoo ceenniti shabaatte xoofeenaꞌon showee toommooch ukkibote” immi ooge qaaro yaafee kexoochaa getaa waayeho.

Yaaꞌoo 16:14

Eboshiyoo malletoon bekkiibeeti yinneenaꞌone; hini are yinneenaꞌo showee toommeexi taateenaꞌo bulli waan kechii beetinaꞌone; boonoshi kechiibeetoo, Beshe Hakkechi Yeerichi nallee ooge aabooba tunemmi ginee koyee xaaꞌooch boonoshin kicii deeboyichiye.