Sofoniyaasi 3:7 - Kafa Linguistics Project

⁷ Ebi bullin tuniyoona ‘Ta asheenaꞌo taan shattemminaꞌone; ta sheeroyichoo deꞌa gettemminaꞌone; ta sheeriti sheeroon ciroona batteyaachemminaꞌone’ iyaꞌa gabiyoye. Tunebaani boonoshi aafichoommon gonde mooyo bullin kuxaanoon shuunooch giyiyeete” iye.

Sofoniyaasi 3:7 ပူးပေါင်းရင်းမြစ်များ

Halloo 6:12

Yeeriyoo showoon ciinniꞌi, ebiyoche showoo duubeton, showee toommo bulliich beeti asho bulliyoo bi qocoo oogeton gondeton, beeggiye.

2 Kiinoo 33:11

Ebich Doono Yeeri Asooree gino boonoshin bi kochemmoyich tuniihe. Boonoshiyoo Minaasichi muddooch tuutoon geddii, gooshee qoqqaannoona cuchiꞌi, Baabloonee showooch daammiyeete.

Iyoobi 36:10

Bi getoon elle boonoshi waayemmon tuniihe; xuꞌoon qayi, bi waan boonoshi wottemmoyich gettiye.

Shoddo 32:8

Doono Yeeri ishichiye: “Neen dojjemmo taane; ne hammemmi gommon neech bekkiyemmo taane; neen ciiccemmo taane; neen quyemmo taane.

Shaahiyoo 19:20

Ciicoon ellebe; getoon waayebe; gubbich shalligoon danemmo neene.

Isiyaasi 5:4

Ta woyinee goyoyich ta tuniyaani, ta tuniiya bede mooyo amoone? Gaawe woyinee aafoon aafemmone iyaꞌa ta quyaa beetaa, amoyich kiikkeroon aafehe?

Isiyaasi 63:8

Doono Yeeri ishichiye “Iberoochaa boonoshi ta asheenaꞌo, taach kootaachemmi ta bushiisheenaꞌone” iye; boonoshichoo Wodiyechon tunehe.

Erimiyaasi 17:23

Tunebaani ittoshi qaabbechinaꞌo ta qaaroon waayeyaaneenaꞌone; boonoshi waamonoo ta waan gaꞌiyaaneenaꞌone; waayeree doyoon ta waanee boonoshi deꞌaachemmoyich boonoshi gajjoon manjiiheete.

Erimiyaasi 25:5

Ebi keemechinaꞌo ‘Ittoshi bulliyona ittoshi gonde gommonaa ittoshi gonde shuunoonoochee wottebote; Doono Yeeri ittoshinaa ittoshi qaabbechinaꞌonoyich wonnee tiijjiꞌi bulli aaboyich bi immiti showooch kotemmo ittoshine;

Erimiyaasi 36:3

Diqqich Yihudee asheenaꞌo boonoshi toommooch tuniiya ta gabiti gonde mooyon waayeree boonoshi ikkikkoona boonoshi gonde gommoochee wottemminaꞌone; tawoo boonoshi gondoonaa boonoshi axaaxoonon echebe gettemmo taane” iye.

Erimiyaasi 38:17

Erimiyaasiyoo Sedeqiyaasich: “Israꞌeelee Nuggishoo, Beshe Mawe Doono Yeeri ishichiye: ‘Baabloonee taatoochi ginee iraasheenaꞌoyich kishoon ne imigaata, ne kasho muriccemmone; hini katemoo qaaqqoona micaachemmone; neennaa ne kechi asheenaꞌona kashoona beeyemmo ittoshine.

Erimiyaasi 6:8

Yerusaaleme, neyee ta baraachemmoyich, neen shokkaache onoon ta tuniyaachemmoyich, ta gettaa beeton manjii waayebe” iye.

Erimiyaasi 7:7

ittoshi qaabbechinaꞌoyich bulli yemeenoyich ta immeti xaaꞌoo hini showooch ittoshin kotiyemmo taane.

Erimiyaasi 8:6

Tawoo manjii ellehoye; ibere mooyon yibbaateyaaneenaꞌone; koniyoona ‘Ebi ta tuniito amooniye?’ iꞌi gondoochee wotteto aalloone. Koyee xaaꞌooch wocciibeeti hareshoochoommon bi ikkikkoona bi gommi gommona hammiye.

Hosee'i 9:9

Gibaaha boonoshi beehooba bi tunetoommon asheenaꞌo oogichii eeꞌetinaꞌone. Yeeriyoo boonoshi xuꞌoon shalligemmone. Boonoshi axaaxoyichoo boonoshin sheeremmone.

Sofoniyaasi 3:2

Ebi asheenaꞌo getaa giyaaneenaꞌo, kaaree ciicenoo waayeyaaneenaꞌone. Doono Yeerin gibeneyaacheete; boonoshi Nuggishoo waanoo giddeyaacheete.

Yibbaatoo 4:16

Anaami woyee maache ashi shaahoona shaahiitaa shuuneeti, amee mooyonona ittoshi qellich shuunoona ittoshi eeꞌeyaachemmoyich ittoshi qelloon ariibote!

1 Ximootiyoosi 1:5

Ebin neech ta gettaabeeto, “Noonnaa noonna shunebone” getoyichiye. Ebi shuno bi danemmo xalle mulloonaa gaawe gaboona, Kiristoosi toommooch mulloon ibere tooꞌiyoonane.

2 Pheexiroosi 3:9

Ikkikkeenaꞌoyich bi shaahii beetoommon, Doono bi gibenikkiti qaaroon ceechoyich yagaachemmone; tunebaani koniyoona aalleyaachemmoyich, asho bulli bi axaaxoochee Yeer waan bi wottemmon shunniꞌi, ittoshicha iiniye bi haaꞌiibeeto.