Sofoniyaasi 3:5 - Kafa Linguistics Project

⁵ Cadiqo tuneti Doono Yeeri ebi Yerusaalemi daggooch beetone. Biyoo tateyaani mooyon tuniyaache. Qemi qemona kuxaanoon dayinnetoona nallii beetone. Tunebaani gonde asheenaꞌo yeellaalleenaꞌone.

Sofoniyaasi 3:5 ပူးပေါင်းရင်းမြစ်များ

Halloo 18:25

Ebiyoommi gaboo ne waanee wohe! Cadiqe ashoon axaaxechona tookkii wuxoo, cadiqe ashoonaa axaaxechonochi toommooch ikkochii nalloo, ebiyoommi shuunoo ne waanee wohe! Showee toommooch beetinaꞌo bullichi Nallechi ne, dayinnetaalloon nallenne?” iye.

Iyoobi 34:10

“Ebich, ‘Shalligecho noone’ ii beetinaꞌote, ta waanee waayebote. Gonde mooyon shuuno Yeer waanee, murice mooyon tuniyoo Beshe Hakkechi Yeer waanee, wohe!

Iyoobi 7:18

Maaddi maaddoona biin manjii ciini ne beeyemmoyich, bulli aaboon biin ne phire beeyemmoyichoo, asho amoone?

Iyoobi 8:3

Yeeri dayinnetoon dabii beetone? Beshe Hakkechi Yeeri kaame mooyon xummii beetone?

Shoddo 145:17

Doono Yeeri bi gommo bullina cadiqoone; bi shuunoo bullina deꞌoone.

Shoddo 37:6

Ne cadiqittinoon ceechoommon, ne dayinnetoon areddee aaboommon, bi aaxxemmoyich tuniyemmone.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 28:19

bi waammi haddoona ittoshin daammemmone; maaddi maaddoona, areddoonaa xumoonon beshemmone; ebi wochoon ariyoo bi deebemmo oogeti keqqooniye.

Isiyaasi 33:2

Doono Yeero, neen no gibenetoyich nooch ariqqebe; maaddi maaddoona nooch giidoon imbe; xuuxee aabooboo noon wodiibe.

Isiyaasi 45:21

Getote; ittoshi taggoon yaaꞌote; ikkotteree koceebote. Ebin shiichiꞌi gettito konine? Ebin wonna awaajjito konine? Doono Yeeri ta toone? Tayee bare nuggishoo aalloone; Cadiqoonaa Wodiyechona tuneto, tayee bare nuggishoo aalloone.

Isiyaasi 50:4

Taahitinaꞌon, qaaroona kupphiyoon ta ariyemmoyich, Nuggishoo Doono Yeeri ariyechi heciyoon taach immitone. Maaddoona taan tokketoochee tiijjiye; doyechochoommon ta ellemmoyich ta waamon qechiye.

Erimiyaasi 21:12

Daawitichi yareenaꞌote, Doono Yeeri ishichiye: Ittoshi shuunee gondoyich ta kaaro qaaqqoochoommon bi hafaachemmoyich, koniyoona takkoon mawiimmi wottoon bi aaxxeyaachemmoyich, maaddoona nalloon tachibote; xukketi ashoon xuqqiibeeto kishoochee wodibote.

Erimiyaasi 3:3

Ebich amichi kucho bachehe; naawee amiyoo dihemmon qajjiye; shunimaayeen shaahaꞌa yeellemmon qajjehine.

Erimiyaasi 6:15

Ciigiiti mooyon boonoshi tuniitoyich yeelleteete? Ciroona yeelleyaaneenaꞌone; yeello amo gaatoona ariyaaneenaꞌone; ebich bareenaꞌo dihoommon dihemminaꞌone; boonoshin ta naxehooba qiti aallemminaꞌone” iye Doono Yeeri.

Erimiyaasi 8:12

Ciigiiti mooyon boonoshi tuniitoyich yeelleteete? Ciroona yeelleyaaneenaꞌone; yeello amo gaatoona ariyaaneenaꞌone. Ebich bareenaꞌo dihoommon dihemminaꞌone; boonoshin ta naxehooboo qiti aallemminaꞌone” iye Doono Yeeri.

Shoosho 3:23

Bi ariqqo bi shoodoo maaddi maaddoona andiree beetone; Doono Yeeri oogichii gibeneetone.

Hiziqeeli 18:25

“Tunebaani ittoshi ‘Yeerichi gommo kaamoo toonoone’ iyote. Israꞌeelee macceenaꞌote, waayebote: Iberoochaa ta gommo kaamoo toone? Kaameyaano ittoshi gommo toone?

Hiziqeeli 48:35

“Bi guude gawo aaraa shimitte hume hiroo tunemmone; are aaboochee tiijji ebi katemee shigo Doono Yeeri Arooch Beeti Katemoo getteyemmone” iye.

Hosee'i 14:9

Ariyechi asho ebi mooyinaꞌon shalligibe. Shalligechoo ebi mooyinaꞌon ariibe. Doono Yeerichi gommo kaamoone; cadiqeenaꞌo aroona hammemminaꞌone; tunebaani axaaxechinaꞌo tepheeree dihemminaꞌone.

Hosee'i 6:5

Ebich ta keemechinaꞌochi noonoona ittoshin aalliihoye; ta qaaroonoo ittoshin wuxiyoye. Ebina ta nalloo xeeyoochoommon xeejjiye.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Mikiyaasi 7:9

Doono Yeerin xuqqeto taane; ta mooyon bi taggemmi wottoon, nalloon taach bi kichimmi wottoonoo Doono Yeeri kaaroon haaꞌiyemmo taane. Biyoo bekkooch taan kichemmone; bi wodiyoonoo beeggemmo taane.

Imbaaqoomi 1:3

Ebi shaahoon ta duꞌemmoyich amoyich tuniinne? Ebi shaahe gonde mooyo tunee beetaa aabichaꞌa cikkii qajjenne? Ashoon aalliyoonaa xuꞌoona ta guudoona tunee beetone; bulli xaaꞌooch kaaroonaa yexoona tiyii beetone.

Sofoniyaasi 2:1

Hini yeellaalli aagetee asheenaꞌote, yongo maaxxoon tiijjii daamoommon tiijjaa hamaani beechi, qaaqqoo aaxxoommon aaxxeebeeti Doono Yeeri kaaro ittoshi toommooch kindaan beetaa, Doono Yeerichi kaaree aabo shagaan beetaa, Doono Yeer waan wottebote.

Sofoniyaasi 3:13

Curo tuneꞌi echeti Israꞌeeleenaꞌo gonde mooyon shuuneyaachemminaꞌone; kootoonoo kootaachemminaꞌone; ashoon dachee yibbaatoo boonoshi heciyoochee keyaachemmone. Cikkii mocoon yaapphiibeeti bagoochoommon keqqaalleenaꞌo tunemminaꞌone; kashe qeyemminaꞌone; amoyichona shataachemminaꞌone” iye.

Sofoniyaasi 3:15

Doono Yeeri ittoshi toommooch nalleeti nalloon tiijjitone; ittoshi etteenaꞌon yookkii kichitone. Israꞌeeleenaꞌochi Taatoo Doono Yeeri ittoshina tookkii beetone; ebich, ittoshi shattemmi gonde mooyo amolla aalloone.

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Zakaariyaasi 2:5

Doono Yeeri ‘Ebi katemee guudoona qaaqqee uxeroon tunemmo taane; ta oogee yiiroona bi daggooch beeyemmo taane’ itone” iye.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Luqaasi 12:2

Qereeto bulli gaxxeyoo, aacheeto bulliyoo aricho echeyaani mooyone.

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

Roomi 3:26

tunebaani and hini yemeenooch bi cadiqittino bekkemmoyich, Yeeri bi qelloona cadiqo bi tunoon, bi mulloon Yesuus Kiristoosi toommooch tooꞌiibeeto bullinoo cadiqiibeeto bi tunoon bekkii beetone.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

Yibbaatoo 23:14

Ne Nuggishoo Doono Yeeri neen wodiiya, ne etteenaꞌonoo ne kishooch beshii imma, ne kaambee daggoona shaꞌeebeeto bi tunetoyich, gonde mooyon beegiree, neen qayi wotte bi hamaachemmoyich, ne kaambo xalloo tunebe” iye.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

1 Pheexiroosi 1:17

Koninolla heppaanoon bi ikkikkoyich bi shuuneti shuunoommona bi toommooch nalliibeeti Yeerin “Ta Nihoocho!” iꞌi ittoshi ceeggii beetoyich, illa hini iibboommo tuneꞌi, ittoshi beeti yemeeno bulliich biin shatona beebote.