Sofoniyaasi 3:2 - Kafa Linguistics Project

² Ebi asheenaꞌo getaa giyaaneenaꞌo, kaaree ciicenoo waayeyaaneenaꞌone. Doono Yeerin gibeneyaacheete; boonoshi Nuggishoo waanoo giddeyaacheete.

Sofoniyaasi 3:2 ပူးပေါင်းရင်းမြစ်များ

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Shoddo 10:4

Gonde asho bi geecoochee tiyitona Doono Yeerin aaxxiyaache; biyoo “Yeeri aalloone” iꞌi gabiye.

Shoddo 50:17

Kaaraa ta ciicaa shixxehine; ta qaaroon gubb duppehine.

Shoddo 73:28

Tunebaani Yeer waan giddo taach gaawiye; ne shuunoo bullin miixoyich, ta Nuggishoo Doono Yeeri ne shoobooch giyeto taane.

Shoddo 78:22

Ebiyoo Yeerin gibeno boonoshi qajjitoyich, bi wodiyoona gibeneyoo boonoshi qajjitoyichiye.

Shaahiyoo 1:7

Doono Yeerin shato ariyee shiichoone; tunebaani tuusheenaꞌo shalligoonaa sheeroonon hoxeheete.

Shaahiyoo 5:12

Ishichishoo gettemmo neene: “Aabichaꞌa sheeroon shixxehote? Ta mullo aabichiꞌi kaaree ciicon hoxehe?

Isiyaasi 1:5

Hukkoon andoo daakkii shuunoona, wochinnoon ittoshi sheereebeeto amoyichiye? Ittoshi ikkikkoona ittoshi qello mayetone; ittoshi mulloo baallitone.

Isiyaasi 29:13

Doono ishichii beetone: “Hini asheenaꞌo ‘Neecho noone’ iibee boonoshi noonoona taan oogii beetinaꞌone; tunebaani boonoshi mullo ta waanee oogeton wohone; taach boonoshi shattiibeeto asho dojjiti duube doyoommonane.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Isiyaasi 43:22

Doono Yeeri ishichiye: “Yaaqobo, ne ta shigoon ceegaano neene; Israꞌeelo, ta mooyochon taahito neene.

Isiyaasi 9:12

Aabi-keyo waanee Sooriyeenaꞌon, aabi-gimo waanee Filsixeemeenaꞌon bi deejjaa Israꞌeeleenaꞌon qooxxiyeete; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 2:30

“Ittoshin ta sheerito duubooniye; ta sheeroon deꞌaano ittoshine. Ittoshi goraado shaaceti daaheroochoommon, ittoshi keemechinaꞌon maatone.

Erimiyaasi 22:21

Ittoshi deꞌe beemooba Doono Yeeri ittoshich gettiye; tunebaani waayemmon qajjiyote; bushittinoochee tiijjiꞌi ebin tuniihote; bi qaaroon waayeyaano ittoshine.

Erimiyaasi 32:33

Boonoshi aafoon tuneyaanoon boonoshi gubboon ta waan wochiyeete; wochii wochii boonoshin ta dojjaa, ta sheeroon deꞌoyich waayemmon qajjiyeete.

Erimiyaasi 35:13

“Israꞌeelee Nuggishoo, Beshe Mawe Doono Yeeri ishichiye: Hamiree Yihudee showeexi asheenaꞌonaa Yerusaalemi katemeexi asheenaꞌonoyich ishichi gete: ‘Ta qaaroon waayoyich ta qociyoon deꞌaachehote? iye Doono Yeeri.

Erimiyaasi 35:17

“ ‘Ebich Israꞌeelee Nuggishoo, Beshe Mawe Nuggishoo Doono Yeeri ta ishichiyoye: Yihudee showeexi asheenaꞌonaa Yerusaalemi katemooch beeti asheenaꞌo bullinochi toommooch ta getteti gonde mooyo bullin deebemmo taane; ebiyoo boonoshich ta getaa waayo boonoshi qajjitonaa ta ceegaa eekko boonoshi qajjitonoyichiye’ itone gete” iye.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Hiziqeeli 22:24

“Ashi bushoocho, Israꞌeelee showoon ‘Hini xalleyaaneene, ta kaaree aabooba amiyo ne toommooch dihaachemmine’ gete.

Hiziqeeli 24:13

“Yerusaaleme, shunee mamona eeꞌeti neene; neen xalliiya ta qaawitaanona ne xalleyaane neene; ta kaaree shiixxoo kindii beshemmi wottoon ne eeꞌoochee xalleyaachemmi neene.

Sofoniyaasi 1:6

Taach goyinnee maddoon qajjiꞌi bara wottetinaꞌon, boonoshin ta gaachemmoyich, ta waan giddeyaaneenaꞌon aalliyemmo taane” iye.

2 Ximootiyoosi 3:16

Yaafe Macaafooch kooreeto bulli Yeerichi kashechone; dojjoyich, ciicoyich, mullee kaachoonaa ashich cadiqee gommi dojjoonoyich gaaccemmone.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.