Sofoniyaasi 3:17 - Kafa Linguistics Project

^17-18 Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Sofoniyaasi 3:17 ပူးပေါင်းရင်းမြစ်များ

Halloo 1:31

Yeeriyoo bi hallito bullin bi ciinaa, oogeton gaaweto bi tunetoyich emiriye. Showoo xumeꞌi hariye; ebiyoo shirittinnee qemone.

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

Halloo 18:14

Iberoon Doono Yeerin mawemmi mooyo beete? Waabeeti natooch ebi goora ne waan wotteree woyemmo taane; Saari anaami bushoon shiyemmine” iye.

Halloo 2:2

Yeeri bi shuunoon shuunee bi taccitoyich, shabaattinnee qemooba shuunoo bulliichee kashehe.

Shoddo 147:11

Tunebaani Doono Yeeri emiriibeeto, biin shattii beetinaꞌona, bi shoodoon gibenee beetinaꞌonane.

Shoddo 149:4

Ebiyoo Doono Yeeri bi asheenaꞌona bi emiritoyich, qelloon giishii beetinaꞌoyich wudoon imona oogiibeeto bi tunetoyichiye.

Shoddo 78:65

Aroochee Doono Yeeri tokketoochee timoommon tiyiye; woyinee uyoon uchiti giidechi ashi cidoommon ciddiye.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 18:4

Doono Yeeri taach ishichitone; “Turaarooch nibboona aaxxaabeeti aabeechoommon, maayi qecci goorooch kindiibeeti doshoochoommon (caagibanoochoommon) shimaajji ta kexoochaa nibboona dugilla ciinnaabeeto taane” itone.

Isiyaasi 63:1

Edoomee showooch beeti Botsiri katemoochee ceelle tahoon taheꞌi ebi waabeeto konine? Oogoon taheto, bi giidoona shaaddeebee waabeeto ebi konine? “Cadiqo, giidechi Wodiyecho tuneti, taane.”

Isiyaasi 63:12

Ooge bi mochoon Muusichi qanne kishee toommooch tuniito, bi shigo bulli yemeenoon bi arichemmoyich baharoon boonoshi aafooch qoodito,

Isiyaasi 65:19

Tawoo ta qelloona Yerusaaleminaa ta asheenaꞌona oogeton emiremmo taane; ebiyee bekk eefo tuneba bunnee qaaroo aroochee waayeyaachemmone.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 32:41

Boonoshich gaawe mooyon tuniyoona emiremmo taane; ta ceeni mulloona, ta ceeni kashoona iberoochaa hini xaaꞌooch boonoshin bechemmo taane.

Hosee'i 14:4

Doono Yeeri ishichiye: “Ta kaaro boonoshi waanee bi wottetoyich, ta asheenaꞌon ta waan wochemmo taane; cikkishoo boonoshin shunnemmo taane.

Yoꞌeeli 2:21

“Showeene, shattaahine; emiribe! Doono Yeeri ta, worganikkiti mooyon ta tuniitoyich, oogichi emiribe!

Sofoniyaasi 3:15

Doono Yeeri ittoshi toommooch nalleeti nalloon tiijjitone; ittoshi etteenaꞌon yookkii kichitone. Israꞌeeleenaꞌochi Taatoo Doono Yeeri ittoshina tookkii beetone; ebich, ittoshi shattemmi gonde mooyo amolla aalloone.

Sofoniyaasi 3:5

Cadiqo tuneti Doono Yeeri ebi Yerusaalemi daggooch beetone. Biyoo tateyaani mooyon tuniyaache. Qemi qemona kuxaanoon dayinnetoona nallii beetone. Tunebaani gonde asheenaꞌo yeellaalleenaꞌone.

Haddoo 14:8

Doono Yeeri noonna bi emirigaata, ejjoonaa eeyona xuupphiibeeti ebi showooch noon giijjemmone; aroonoo nooch immemmone.

Luqaasi 15:32

Tunebaani “Qititone, aalletone” iyaꞌa ta gabiti hini ne manoo kashoona wotteꞌi danetone; ebich gifiree maayoon gediree emiraanoon aabichiree qajjehone?’ iꞌi gettiye” iye.

Yowannisi 13:1

Beshee Baaroyee aaf, Yesuusi hini alemoochee Nihoo Yeer waan bi hammemmi aabo shagon ariihe. Hini alemooch beeti bi dabbeenaꞌon shunniye; ciirooch beddaahaanoo boonoshin shunniye.

Yowannisi 15:11

Ta emiraabeeti emiroona ittoshi emiremmoyich, ittoshi emiroo bi ceennemmoyich, ebi bullin ittoshich getteto taane.

Yibbaatoo 23:15

Muusi Israꞌeeleenaꞌoyich ishichiye: “Bare ashi showeexi guuno bi doono waanee aalleꞌi Israꞌeelee showooch bi waagaata, bi doonoyich wochiree immaahine.

Yibbaatoo 30:9

Ne Nuggishoo Doono Yeeri ne shuunaabeeti shuunoo bullina, meeti bushiishoona, gijjee shiijjoona, ne gochaabeeti goyoonoo oogichi ne gaannemmoyich tuniyemmone. Doono Yeeri ne qaabbechinaꞌon gaanniyoona bi emiroommon neen gaanniyoona emiremmone.

Hibireena'o 7:25

Biyoo boonoshicha iꞌi shoobba bulli aaboon kashoona beetone; ebich wotta bi waanaa Yeer waan giddee beetinaꞌon andoo bulli yemeenoonoo wodiyoon hakkiye.