Sofoniyaasi 3:15 - Kafa Linguistics Project

¹⁵ Doono Yeeri ittoshi toommooch nalleeti nalloon tiijjitone; ittoshi etteenaꞌon yookkii kichitone. Israꞌeeleenaꞌochi Taatoo Doono Yeeri ittoshina tookkii beetone; ebich, ittoshi shattemmi gonde mooyo amolla aalloone.

Sofoniyaasi 3:15 ပူးပေါင်းရင်းမြစ်များ

Halloo 30:23

Biyoo xifaa anaami bushoon shiyahan. “Yeeri ta yeelloon ta waanee wokkiite” iyan.

Shoddo 149:2

Israꞌeeleenaꞌo boonoshin Hallitona emiribeete; Tsiyooni asheenaꞌo boonoshi Taatoona wucwuceete.

Shoddo 19:9

Doono Yeerin shato xalloone; bulli yemeenoon manjiree beeyemmone; Doono Yeerichi geto tato, ceeni iberoone.

Shoddo 85:3

Ne kaaree shiixxoo bullin wokkiimmo neene; kupphe ne kaaroochee wottemmo neene.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 25:8

Biyoo qitoon bulli yemeenooch aalliyemmone; Nuggishoo Doono Yeeri, asheenaꞌo bulli aafoochee acimoon hidemmone; bi asheenaꞌo naakkeyoonoo showee toommo bulliichee aalliyemmone; Doono Yeeri ebin gettitone.

Isiyaasi 33:22

Doono Yeeri nooch nallecho, Doono Yeeri nooch sheeroon kichecho, Doono Yeeri no taatoone. Noon wodiyemmoo biine.

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Isiyaasi 51:22

Bi asheenaꞌoyich taggeebeeti Doono, ne Nuggishoo Doono Yeeri, ishichii beetone: “Dadeddiibeeti xoofoon, ta kaaree xoofoon ne kishoochee daammeto taane; ebiyee bekk uyaachemmi neene.

Isiyaasi 52:9

Yerusaalemi buriceenaꞌote, Doono Yeeri bi asheenaꞌon bi goggiitoyich, Yerusaalemin bi biishetoyich, ikkittinoona emiroona shoddebote.

Isiyaasi 54:14

Cadiqittinoona hecceyemmi neene; neexxii hajjoo ne waanee wokkemmone; ebich shataachemmi neene; keqqoo ne waan katinaachemmone.

Isiyaasi 60:18

Ebiyee bekk ne showoochee xukko, ne showee danoochee happeyoonaa aalloona, waayeyaachemmone; ne uxereenaꞌon wodeenaꞌo, ne kelleenaꞌonoo galleteenaꞌo, geti ceeggemmi neene.

Isiyaasi 65:19

Tawoo ta qelloona Yerusaaleminaa ta asheenaꞌona oogeton emiremmo taane; ebiyee bekk eefo tuneba bunnee qaaroo aroochee waayeyaachemmone.

Erimiyaasi 8:19

“Doono Yeeri Tsiyoon aalloone? Woyee bi Taatoo bi waan aalloone?” ii beeti ta asheenaꞌochi qaaro, wohi showoochee waayeehe. Doono Yeeriyoo, “Shahalleenaꞌonaa dallaawe nuggisheenaꞌonoyich goyinnoona, amoyich taan ippiiheete?” iye.

Hiziqeeli 35:10

“ ‘Ebiyoo Doono Yeeri ta arooch ta beetaa, “Ebi gutte showeenaꞌo, Israꞌeelinaa Yihudinon, wotta ebi gutte showee asheenaꞌonoo taacho tunemminaꞌone” ne itoyichiye.

Hiziqeeli 36:15

Ebiyee bekk aageteenaꞌochi diigee qaaroon neech waayiyaachemmo taane; aageteenaꞌochi naagoon shaagaachemmi neene. Ebiyee bekk ne asheenaꞌo tepheyemmoyich tuniyaachemmi neene; Nuggishoo Doono Yeeri ta, ebin getteto taane’ gete” iye.

Hiziqeeli 39:29

Ta Ayaanoon Israꞌeelee macceenaꞌochi toommooch ta woniitoyich, ebiyee bekk ta aafoon boonoshiyee badd wochaachemmo taane; Nuggishoo Doono Yeeri ebin getteto taane” iye.

Hiziqeeli 48:35

“Bi guude gawo aaraa shimitte hume hiroo tunemmone; are aaboochee tiijji ebi katemee shigo Doono Yeeri Arooch Beeti Katemoo getteyemmone” iye.

Yoꞌeeli 3:17

“Arooba, yaafeeti Tsiyooni ta geppooch beeti, ittoshi Nuggishoo Doono Yeeri ta tunoon ariyemmo ittoshine. Ebiyooba Yerusaalemi yaafeeti tunemmine; dallaaweenaꞌo biin koyi wochaachemminaꞌone.

Amootsi 9:15

Boonoshi hajjee showooch daamiree, mixo bechoommon boonoshin bechemmo taane; boonoshich ta immeti showoochee, boonoshin waaxxemmo koniyoona aalloone” iye ittoshi Nuggishoo Doono Yeeri.

Mikiyaasi 7:10

“Ne Nuggishoo Doono Yeeri aaye?” iti ta etteenaꞌoo beeggemminaꞌone; oogichishoo yeellemminaꞌone. Gommeexi dengo koteeyoommon boonoshi kotee beetaa, tawoo ta aafoona beeggemmo taane.

Imbaaqoomi 2:17

Libanoosi mixon qeccee ittoshi aalliyoommon qeccetaa aallemmo ittoshine. Arooch beeti cooxinaꞌon wuxii ittoshi aalliitoyich keqqemmo ittoshine. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Imbaaqoomi 2:8

Meeti aageteenaꞌo gijjoon ittoshi boggitoyich, boonoshi daggoochee curo tuneꞌi echetinaꞌo ittoshi gijjoon boggemminaꞌone. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Sofoniyaasi 3:5

Cadiqo tuneti Doono Yeeri ebi Yerusaalemi daggooch beetone. Biyoo tateyaani mooyon tuniyaache. Qemi qemona kuxaanoon dayinnetoona nallii beetone. Tunebaani gonde asheenaꞌo yeellaalleenaꞌone.

Zakaariyaasi 12:3

Ebiyooba Yerusaalemi aageteenaꞌo bullich xaqqo maggoommon bi maggemmoyich tuniyemmo taane. Biin tiijjiya qiiccemmo bulli mayemmone; showee toommeexi aageteenaꞌo bulli biin kocha woyemminaꞌone.

Zakaariyaasi 14:11

Yerusaalemi ashi beeyi xaaꞌoon tunemmine; wochinnoon aallo bi toommooch shagaachemmone; asheenaꞌo keqqaalloon diggoona beeyemmine.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Yowannisi 1:49

Naatinaꞌeeli wochiꞌi, “Dojjechocho, ne Yeerichi Bushoo neene! Ne Israꞌeelee taatoo neene!” iye.

Yowannisi 19:19

Phelaaxoosi wotta “Naazireetechi Yesuusi, Ayihudeenaꞌochi Taatoo” ii beeton kooriiꞌi masqalee toommooch xogiihe.

Yowannisi 5:30

Yesuusi daakkiꞌi ishichiye: “Ta, ta qelloona ikke mooyonona tuniyoon hakkaano taane; Yeer waanee ta waayetoniye ta nallaabeeto. Taan deejjitochi daaggoonalli, ta daaggoon qaawaano ta tunetoyich, ta nalloo tatoone.

Yaaꞌoo 12:10

Oogeti qaaro shimaajji taatee xaaꞌoochaa ishichii beeton waayeho: “And no Nuggishoo bi asheenaꞌon wodiitone; ooge bi giidoon bekkiibee taatemmone; bi kaacciti Kiristoosiyoo tiyi bullin hajjemmone; no Nuggishoo aafoochaa areddoonaa xumoonon no maneenaꞌon taggeebeeti taggecho shimaayoochee duppetone.

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.

Yaaꞌoo 19:16

Bi tahoonaa bi doshoonooch, Taateenaꞌochi Taatoo, Dooninaꞌochi Doono, immi shigo kooreetone.

Yaaꞌoo 7:15

Ebich, Yeerichi taatee qeechi aafooch beechii, areddoonaa xumoonon yaafe bi kexoochaa biich maddee beetinaꞌone; taatee qeenooch kotetoo boonoshi toommooch yiiroo tunemmone.