Sofoniyaasi 3:14 - Kafa Linguistics Project

¹⁴ Israꞌeeleenaꞌote, emiroona shodde ililibote! Yerusaalemi asheenaꞌote, mulloochee tiijjiree, oogichi emiribote!

Sofoniyaasi 3:14 ပူးပေါင်းရင်းမြစ်များ

Nehimi 12:43

Yeeri oogichiꞌi boonoshin bi emirikkitoyich, aroobee aabooch meeti deejjoon deejjiyeete; oogichiꞌinoo emiriyeete; maacheenaꞌonaa bushiisheenaꞌonoo emiriyeete. Ebina Yerusaalemi emiree qaaro wohooch beddaahaa waayeehe.

Shoddo 14:7

Israꞌeelin wodiyecho Tsiyoonee abo waashoo geta! Doono Yeeri bi asheenaꞌochi kecoon bi wochiyooba, Yaaqobi emiremmone; Israꞌeeli emiroona wucwuccemmone.

Shoddo 149:2

Israꞌeeleenaꞌo boonoshin Hallitona emiribeete; Tsiyooni asheenaꞌo boonoshi Taatoona wucwuceete.

Shoddo 97:8

Doono Yeero, tate ne nalloon, Tsiyooni waayaa emiriyane; Yihudee katemeenaꞌoo waayee emiroona wucwucciyeete.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 29:19

Girechinaꞌonaa boonoshi qelloon giishii beetinaꞌona, Israꞌeelee Yaafoo tuneti Doono Yeeri immiibeeti emiroon wochinnoon danemminaꞌone.

Isiyaasi 35:2

Barahoo woddii bungemmone; emiroona, shoddoonoo wucwuccemmone; Libanoosi oogo, Qermeloosinaa Shaarooninochi oogo biich ichemmone. Doono Yeerichi oogoon, no Nuggishoochi oogee yiiroon beeggemmone.

Isiyaasi 37:22

Bi toommooch Doono Yeeri gettiti qaaro ebine: “ ‘Tsiyooni gidiide maache bushee neen hoxemmine; neen coonemmine. Woci ne beetaa, Yerusaalemi gidiidee ne toommooch qeeqqeremmine.

Isiyaasi 40:1

“Goggiibote; ta asheenaꞌon goggiibote” iye ittoshi Nuggishoo Yeeri.

Isiyaasi 40:9

Mishiraachoon gettaabeeti Tsiyoone, guudi cullullooch keye; mishiraachoon gettaabeeti Yerusaaleme, ne qaaroon oogichi cookibe; shattaahine; Yihudee katemeenaꞌoyich, “Ebiyoche ittoshi Nuggishoo” gete.

Isiyaasi 51:11

Doono Yeeri biishetinaꞌo wottemminaꞌone; shoddebee Tsiyoon woyemminaꞌone; bulli aabee emiroon gubbichoo ukoommon ukemminaꞌone; emiroonaa wucwucona boonoshich tunemmone; ayinoonaa eefona boonoshiyee wokkemmone.

Isiyaasi 52:9

Yerusaalemi buriceenaꞌote, Doono Yeeri bi asheenaꞌon bi goggiitoyich, Yerusaalemin bi biishetoyich, ikkittinoona emiroona shoddebote.

Isiyaasi 54:1

“Hini shiyaani xaafeene, shoddebe! Haane maaxoo manjaa ariyaaneene, ne qaaroon oogichiree ililibe! Kenechi ureechi bushiishoyee beshoon, kenaallechi bushiishoo meettitone” iye Doono Yeeri.

Erimiyaasi 30:19

Boonoshi waanee galletee shoddoonaa emiree ililoona waayeyemmone. Boonoshin meechemmo taane; boonoshiyoo shappaachemminaꞌone; ta boonoshin oogiyemmo taane; boonoshiyoo giisheyaachemminaꞌone.

Erimiyaasi 31:13

Aroochee gidiideenaꞌo emiroona duuttemminaꞌone; gurimaasheenaꞌo, geeneenaꞌoo boonoshichoommon emiremminaꞌone; boonoshi eefon emirooch wochemmo taane; boonoshin goggiyemmo taane; boonoshi ayinoon emiroona shaddemmo taane.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Yoꞌeeli 2:23

Tsiyoonee asheenaꞌote, emiribote! Ittoshi Nuggishoo Doono Yeeri taanna oogichi emiribote! Marehee amiyon, cadiqoona ittoshich immeto taane. Marehee amiyonaa naawee amiyonon, woddii ittoshich dichito taane.

Mikiyaasi 4:8

Qiddoo dilaaloochaa bi bagoon quyoommon Yeeri bi asheenaꞌon quyeebeeti Yerusaaleme! Wonnee ne oogo neech wottemmone; wochinnoon inde katemoon tunemmi neene.

Maatiyoosi 21:9

Aaf shiichii beetinaꞌonaa gubb dabbii beetinaꞌona, “Hosaana! Daawitichi Bushoyich oogo tunebe! Doonochi shigoona waabeeto diireebe! Hosaana! Shimaajji shimaayooch beeti Yeeri galleteebe!” iibee cookeeheete.