Sofoniyaasi 3:1 - Kafa Linguistics Project

¹ Hukkechi, eeꞌeti, boonoshi hajjee asheenaꞌon xuqqiibeeti Yerusaalemi asheenaꞌoyich woowo!

Sofoniyaasi 3:1 ပူးပေါင်းရင်းမြစ်များ

Isiyaasi 30:12

Ebich Israꞌeelee Yaafoo ishichiye: “Ebi qaaroon ittoshi hoxetoyich, xuꞌoonaa xummittinoonon ittoshi gibenetoyich, aroona ittoshi degeetoyich,

Isiyaasi 5:7

Beshe Mawe Doono Yeerichi woyinee goyo, Israꞌeelee asheenaꞌone; Yihudee asheenaꞌo, bi emiriibeeti becheenaꞌone. Dayinnetoon boonoshi waanee qaawiye; tunebaani damee ukkoo tunehe. Cadiqee shuunoon qaawiye; tunebaani xuꞌee naboona cookoo tunehe.

Isiyaasi 59:13

Doono Yeeri toommooch hukkoon tiijjito noone; biin nookketo noone; no Nuggishoon dabboochee gubb wotteto noone; xuꞌoonaa gondoonon yibbaateto noone; no mullooch koteti kootoon yibbaateto noone.

Isiyaasi 59:6

Dooyidabbee woshiqoo tahoyich gaacaache; ebi are tahoona koniyoona bi qeddoon qeraache; boonoshi shuunoo gonde shuunoone; boonoshi kishoochoo hukkee shuunoo ceennitone.

Erimiyaasi 22:17

“Tunebaani ne mulloonaa ne aafoona tooqqito, tateyaani gommona gaacoon danoyich, xalle damoon ukkoyich, hukkoonaa xuꞌee shuunoonooch baachiye” iye.

Erimiyaasi 5:23

Tunebaani ta asho ittoshich babbere wottoo hukkechi mullo beetone; ta gommon qajjiꞌi badd hammito ittoshine.

Erimiyaasi 6:6

Ebich Beshe Mawe Doono Yeeri ishichiye: “Bi mixinaꞌon qecce dichibote; Yerusaalemi guudoona showoon gutibote; bi maacooch beeto xuꞌo baach bi tunetoyich ebi katemee naxeya bedeene.

Erimiyaasi 6:7

Oppo aacon bi xuuphiyoommon gondoon xuuphiihane; xuꞌoonaa aallee cookoona bi waanee waayeehe; biiyoonaa mayona bulli aabooch ta aafoochiye.

Hiziqeeli 22:29

Showee asheenaꞌo xuqqiyeete; boggiyeete; girechinaꞌonaa iritechinaꞌonon xuuxiiheete; shiqqoon xuqqiyeete.

Hiziqeeli 22:7

Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.

Hiziqeeli 23:30

ebi bulli ne toommooch woyemmoyich tuniitone; ebiyoo aageteenaꞌona tookkii ne shadditonaa boonoshi shahalleenaꞌona ne eeꞌetonoyichiye.

Leweenaꞌo 1:16

Maacee meenonaa wulloonon deejjee gudoochaa aabi-keyo waan beeti tullee baashooch dufe.

Amootsi 3:9

Ashidoodee showoonaa Gibitsinooch beeti taatee kexinaꞌooch beetinaꞌoyich awaajjibote; boonoshich ishichibote: “Shamaari geppeenaꞌooch waaree, katemee daggooch beeti xuꞌoonaa oogeti dulloonon beegote” getote!

Amootsi 4:1

Bashaani beeti, shiimetaa yecheti miiminaꞌo aangoommon aangiti Shamaari genneenaꞌote, ebin waayebote! Ittoshi, hakka guutoon xuqqiyote; girechonoo giishiihote. Ittoshi keneenaꞌon “Uyoon nooch ittoshi deebaa uyone” iyote.

Mikiyaasi 2:2

Ashi budon boonoshi qaatigaata, boggii deqqiyeete; ashi kexon boonoshi qaawigaata, boonoshicho tuniiheete. Ashi yaaphoon, bi kechi asheenaꞌonoo boggii daammiyeete.

Zakaariyaasi 7:10

Xuumeenaꞌon, nihaalleenaꞌon, dallaaweenaꞌon, girechinaꞌonoo xuqqaahote; ittoshi mulloona ikkoo baroyich gondoon gabaaye’ iyoye.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.