Sofoniyaasi 2:7 - Kafa Linguistics Project

⁷ Curo tuneꞌi echeti Yihudee asheenaꞌo ittoshi showoon hajjemminaꞌone; boonoshi bagoonoo arooch quyemminaꞌone; Ashiqeloona beeti kexooch giyiree arooch qeyemminaꞌone. Boonoshi Nuggishoo Doono Yeeri boonoshina tookki tunemmone; beemon boonoshich mashaamiyemmone.

Sofoniyaasi 2:7 ပူးပေါင်းရင်းမြစ်များ

Halloo 50:24

Yooseefiyoo bi maneenaꞌoyich ishichiye: “Ta and qita beddeto taane. Yeeri iberoon ittoshin gaacheya woyemmone; hini showoochee ittoshin kichemmone. Abrahamich, Yisaaqinaa Yaaqobinoyich bi wogeti showooch ittoshin giijjemmone” iye.

Shoddo 80:14

Beshe Mawe Nuggishoocho, wochinnoon no waan wottebe; shimaayoochaa dugilla ciine; ebi woyinee qomboon quyebe.

Shoddo 85:1

Doono Yeero, ne showoyich deꞌe mooyon tuniimmo neene; Yaaqobichi yaroon wochaꞌa gaanniimmo neene.

Keyo 4:31

Boonoshiyoo iberiiheete. Doono Yeeri boonoshich qaakkeebeeto bi tunoonaa boonoshi xuuxoon beeggito bi tunoonon waayeꞌi, Doono Yeerich yittiꞌi goyinneheete.

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 11:14

Boonoshiyoo ikkotteree, aabi-gimo waan beeti Filsixeemin kochemminaꞌone; aabi-keyo waan beeti asheenaꞌon boggemminaꞌone; Edoominaa Moꞌabinochi toommooch boonoshi mochoon yaggemminaꞌone; Amooneenaꞌoo boonoshich hajjeyemminaꞌone.

Isiyaasi 11:16

Israꞌeeleenaꞌo Gibitsee showoochee boonoshi keyiyooba bi tunetoommon, bi asheenaꞌoochee echeti cureenaꞌo Asooree boonoshi keyi hammemmi gommo qannemmone.

Isiyaasi 14:1

Doono Yeeri Yaaqobich ariqqemmone; Israꞌeelinoo wochinnoon kaaccemmone; boonoshi hajjee showooch boonoshi beeyemmoyich tuniyemmone. Shiqqeenaꞌo boonoshi waan waaree, Yaaqobichi yareenaꞌona tookki ikkottemminaꞌone.

Isiyaasi 32:14

Taatee kexo onoo tunemmone; asho ceenniti katemoo aqqemmone; geppoonaa dilaaloona happaa bulli yemeenooch aallemmone; kubbi kureenaꞌonaa gijjeenaꞌona bahemmi gaddoon tunemmone.

Erimiyaasi 23:3

“Ta bagee cureenaꞌon boonoshin ta yookketi showoo bulliichee kicemmo taane; wochiree boonoshi showooch boonoshin deebemmo taane; boonoshiyoo aafemminaꞌone; meettemminaꞌone.

Erimiyaasi 29:10

Doono Yeeri ishichiye: “Baabloonee showooch ittoshi koteti shabe nato ceeniyooba ittoshin guudi beeggemmo taane; ta qaaroon ceechoona hini showooch ittoshin wochemmo taane.

Erimiyaasi 29:14

Tawoo ittoshich danemmo taane” iye Doono Yeeri. “Ittoshi kecoon wochemmo taane; aagetoo bulliichee, ittoshin ta yookketi xaaꞌoo bulliichee wochemmo taane” iye Doono Yeeri. “Kecooch ittoshin ta daachiiti showoochee wochi deebemmo taane” iye.

Erimiyaasi 3:18

Ebiyooba Yihudee asheenaꞌo Israꞌeeleenaꞌona ikkotte yeshemminaꞌone; boonoshi qaabbechinaꞌo woraashemmoyich ta immeti showooch dambi-waanee ikkotteree woyemminaꞌone.

Erimiyaasi 30:3

Ebiyoche ta asho tuneti Israꞌeeleenaꞌonaa Yihudee asheenaꞌonon ta wochemmi aabo woyemmone, iye Doono Yeeri. Boonoshi qaabbechinaꞌoyich ta immeti showooch boonoshin deebemmo taane; boonoshiyoo aroon wochinnoon hajjemminaꞌone, iye Doono Yeeri” iye.

Erimiyaasi 31:7

Ebich Doono Yeeri ishichiye: “Yaaqobich emiroona shoddebote; aageteenaꞌochi ukkiroyich ililibote; awaajjibote; galletebote; ‘Doono Yeeri bi asho tuneti Israꞌeelee curoon wodiitone’ getote.

Erimiyaasi 32:44

Boonoshi keceenaꞌon wochemmo ta tunetoyich, Biiniyaamee showooch, Yerusaalemi guudooch beeti xaaꞌeenaꞌooch, Yihudee katemeenaꞌooch, geppe showeexi katemeenaꞌooch, geppee gaadeexi katemeenaꞌooch, Negeebi katemeenaꞌooch, asheenaꞌo goyee budon birewoona kememminaꞌone; qaaroo kooreeti woraqatooch dukkeetaa miixoo beetoochaa nasheyemmone” iye Doono Yeeri.

Erimiyaasi 33:12

Beshe Mawe Doono Yeeri ishichiye: “Ashaalloon woyee gijjaalloon shokkoon echeti hini xaaꞌoo, bi katemeenaꞌo bulliyoo, boonoshi bageenaꞌon qiddeebeeti, qiddeenaꞌochi beeyi xaaꞌoon tunemminaꞌone.

Erimiyaasi 33:7

Yihudee kecoonaa Israꞌeelee kecoonon wochemmo taane; wonnee boonoshi beemooch boonoshin wochiree bechemmo taane.

Erimiyaasi 47:5

Gaazi asheenaꞌo ayinoona boonoshi qelloon cakkemminaꞌone; Ashiqelooni aalletone; Anaaqichi cureenaꞌote! Ittoshi achoon ittoshi garemmo aati wottooniye?

Hiziqeeli 39:25

“Ebich Nuggishoo Doono Yeeri ta ishichiibeeto taane: And Yaaqobichi kecoon wochemmo taane; Israꞌeelee maccoo bullich ariqqemmo taane; yaafe ta shigoyich qanaatemmo taane.

Hosee'i 6:11

“Yihudee asheenaꞌote! Ittoshi toommooch nallee aabo kuchetone.

Abidiyi 1:19

Negeebee asheenaꞌo Esayichi guudinaꞌon, Shefeeli worebe showeexinaꞌoo Filsixeemee showoon yechemminaꞌone; Efreemee showoonaa Shamaaree showoonon yechemminaꞌone; Biiniyaamee asheenaꞌoo Gilaadee showoon yechemminaꞌone.

Mikiyaasi 2:12

“Curo tunee echeti Israꞌeeleenaꞌote, bago bi dogooch, bageenaꞌoo gaddooch kiceyoommon ittoshin ikkooch kicemmo taane. Ittoshi showooch wochinnoon asho ceennemmone” iye.

Mikiyaasi 4:10

Yerusaalemi asheenaꞌote, maaxoo manjeti ureechoommon gaashiribee maacerebote; katemoochee keyiree xalle gaddooch kotemmo ittoshine; Baabloonee showooch hammemmo ittoshine. Tunebaani Doono Yeeri aroochaa ittoshi etteenaꞌo kishoochee ittoshin shiwe wodiyemmone.

Mikiyaasi 4:7

Baata sheqeenaꞌon curo tuneꞌi echetinaꞌo, xukkeꞌi bare showooch hammitinaꞌonoo aricheti aagetoo tuniyemmo taane. Aroobee aaboochee tiijjiree bulli yemeenoon, Tsiyooni guudi toommoochaa boonoshi toommooch taatemmo taane” iye.

Sofoniyaasi 2:9

Illa ebich, Israꞌeelee Nuggishoo, beeyechi Doono Yeeri ta tunoona wogehoye! Moꞌabee showoonaa Amoonee showoona Sodoominaa Gomoorina aalloommon aallemmone; ebi showoo, wochinnoon maayo colliyaani, kiikki oppo baach ceenniti, shuyo baach colleebeeti showoo tunemmone. Curo tuneꞌi echeti ta asheenaꞌo boonoshi hajjiton boggemminaꞌone; boonoshi showoonoo hajjemminaꞌone” iye.

Sofoniyaasi 3:13

Curo tuneꞌi echeti Israꞌeeleenaꞌo gonde mooyon shuuneyaachemminaꞌone; kootoonoo kootaachemminaꞌone; ashoon dachee yibbaatoo boonoshi heciyoochee keyaachemmone. Cikkii mocoon yaapphiibeeti bagoochoommon keqqaalleenaꞌo tunemminaꞌone; kashe qeyemminaꞌone; amoyichona shataachemminaꞌone” iye.

Sofoniyaasi 3:20

Arooba, shaceti ittoshi asheenaꞌon, boonoshi showooch wochemmo taane; ittoshin, showee toommooch beeti asheenaꞌo daggooch, galleteeti ashoonaa aricheti ashoonon tuniyemmo taane. Ittoshi aafo ciini beetaa, wochinnoon beemon ittoshich mashaamiyemmo taane” iye Doono Yeeri.

Haagi 1:12

Aroochee Shelateeli bushoo Zerubabeelinaa Yehotsedeeqichi bushoo, qeeshee guudo Yaasina echeti curo bullina tookkii boonoshi Nuggishoo Doono Yeerichi qaaroon, wotta boonoshi Nuggishoo Doono Yeeri biin bi wochetoyich, keemechi Haagichi qaaroonoo waayeheete. Asheenaꞌoo Doono Yeerin shattiyeete.

Luqaasi 1:68

“Israꞌeelee Nuggishoo Doono Yeeri galleteebe! Wonna yaafeeti keemechinaꞌochi noonoona bi gettitoommon, bi aagetoon wodiyoyich waaꞌi boonoshi qoodoon qocciichii biishetone; biich maddeebeeti Daawiti yaroochee giidechi wodiyechon nooch tiijjitone.

Luqaasi 7:16

Asheenaꞌo bulli oogichii shattiꞌi boonoshinaa boonoshina “Yeeri ooge keemechon no daggoochee kaacciꞌi neechitone” iyeete. Wotta “Yeeri bi asheenaꞌon ciinnitone” iibee Yeerin galleteheete.

Mishiraachechinaꞌo 8:26

Ikke areddoon ikke Topphiyee asho Yeerich goyinneya Yerusaalem hammiye. Hini uro guruushoone; Topphiyee taatee Hindeekichi araaqee iraashoone. Are uro bi hammitoochee bi showooch gaarina wotteebee, keemechi Isiyaasi kooriti macaafoon shemmee beehe. Arooba Doonochi maraakoo Filipphoosin “Tiyiree deshi-waan, Yerusaalemee Gaaza daammiibeeti gommooch hambe” iye. Are gommo barahee gommone. Biyoo tiyiꞌi hammiye.

Mishiraachechinaꞌo 8:40

Filipphoosi Azaxooni katemooch bi shago arichehe; aroochee Qesaariya bi shaggimmi wottoon katemoo bulliich mishiraachee qaaroon gettiibee beshee beehe.

Roomi 11:5

Ebiyoommon and hini yemeenooch wotta Yeerichi wojjoona kaacheti giishecheenaꞌo beetinaꞌone.

Ruuti 1:6

Naꞌoomi Moꞌabee showooch beechaa, Doono Yeeri bi asheenaꞌon maayoon immiꞌi diirito bi tunoon waayahan; ebich Israꞌeelee showooch wotteree hamma bi gutte naamecheenaꞌona tookkaa tiyahan.