Sofoniyaasi 2:13 - Kafa Linguistics Project

¹³ Doono Yeeri dambi-waan bi mochoon yaggiree Asooree showoon aalliyemmone. Nanawinoo ashaalli xafo, aachaalli barahoo tuniyemmone.

Sofoniyaasi 2:13 ပူးပေါင်းရင်းမြစ်များ

Isiyaasi 10:12

Doono, Tsiyooni guudonaa Yerusaaleminochi toommooch tuniiya bi gabito bullin tunii bi ciichitoyee gubb, Asooree taatoon bi mullee geecoonaa cunnennoonoyich naxemmone.

Isiyaasi 10:16

Ebich Doono, Beshe Mawe Doono Yeeri, xaqqijje bi ginee naayinaꞌo toommooch muujjiibeeti biiyoon deejjemmone; qaaqqoochoommon, bi oogee yiiree dechiichaa aaxxemmone.

Isiyaasi 10:5

Doono Yeeri ishichiye: “Ta kaaroon ta bekkiyaabeeti gumbo, ta ippoonoo ta kichaabeeti quddoo tuneti Asoorich woowo!

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 14:26

Showoo bulliich gabeeti gaboo ebine; aageteenaꞌo bulli toommoochoo tiyiti mochoo hinine.

Isiyaasi 37:37

Aroochee Asooree taatoo Senakireebi Nanawa wottee hammiꞌi, arooch kotehe.

Erimiyaasi 49:33

“Hatsoori boqqelleenaꞌo beeyi xaaꞌoon tunemmone; bulli aabooch shokkoon echemmone; asho arooch beetaachemmone; asho arooch koteyaachemmone” iye.

Yoonaasi 1:2

“Tiyiree ooge katemoo Nanawa hambe; are katemeexi asheenaꞌochi axaaxoo ta aafooch bi bekketoyich, hamiree boonoshich ‘Magge axaaxoon shuuneto ittoshine’ gete” iye.

Yoonaasi 3:2

“Tiyiree ooge Katemoo Nanawa hambe; hamiree neech ta gettaabeeti wochoon are katemeexi asheenaꞌoyich gete” iye.

Mikiyaasi 5:6

Boonoshiyoo Namiroodichi showoo tuneti Asooree showoon koyi wochiree hajjemminaꞌone; Asooreenaꞌo no showoon koyigaata, no showee daarooch shagigaata, bi boonoshi waanee noon wodiyemminaꞌone.

Naahoomi 1:1

Nanawi katemeechon Doono Yeer waanee getteeti wocho ebine. Yeeri Eliqooshi gafee asho tuneti Naahoomi ebi mooyon yaaꞌoona bi beeggemmoyich tuniitaa, biyoo ebi aroon hini macaafooch kooritone.

Naahoomi 3:15

Qaaqqoo ittoshin maayemmone; goraadoo ittoshin ciichemmone; gechoo maayoon aalliyoommon ittoshin aalliyemmone. Ittoshiyoo gechoo meetoommon meettito ittoshine.

Naahoomi 3:7

Neen ciinnii beetinaꞌo ne waanee kishebee, ‘Nanawi tiishetine; biich eeppemmo konine?’ gettemminaꞌone. Biin goggiyemmon amoochee danehote?” iye.

Sofoniyaasi 1:4

“Yerusaalemi asheenaꞌonaa Yihudee asheenaꞌo bullinoyich ta mochoon bekkiyemmo taane. Baꞌaaloyich goyinneebeeti asheenaꞌon curooch beddaahaa aalliyemmo taane; ebi nuggishoyich maddeebeeti qeesheenaꞌon ta aalliitaa boonoshi shigo batteyemmone.