Sofoniyaasi 2:11 - Kafa Linguistics Project

¹¹ Doono Yeeri boonoshin keqqichemmone; showee toommeexi nuggisheenaꞌon muujjiyemmone. Showee toommooch beeti aagetee asheenaꞌo bulli, boonoshi showi showooch beechi biich goyinnemminaꞌone.

Sofoniyaasi 2:11 ပူးပေါင်းရင်းမြစ်များ

Halloo 10:5

Baharee gashoonaa buure showoonooch beeti asheenaꞌo ebi Yawaani bushiisheenaꞌochi shiijjereenaꞌone. Ebi Yafeetichi shiijjereenaꞌo boonoshi yari yaroona qoodeeꞌi, boonoshi showi showooch beeheete; boonoshi yoodi yoodoona boonoshi hajjee noonoon yibbaatee beeheete.

Shoddo 138:4

Doono Yeero, ne qaaroon boonoshi waayetoyich, showee toommooch beeti taateenaꞌo bulli neen galletebeete.

Shoddo 72:17

Bi shigo bulli yemeenoon manjiree beebe; bi mooyo getteebee aabo yagoommon yagibe. Aagetoo bulli biinna diireebe; aagetoo bulli biin “Diireetone” gete.

Shoddo 86:9

Ta Doonocho, ne halliti aagetoo bulli waaree, ne aafooch goyinnemmone; ne shigoonoo oogiyemmone.

Isiyaasi 2:18

Shahalleenaꞌo ciroona aallemminaꞌone.

Isiyaasi 2:20

Arooba asheenaꞌo, goyinneya boonoshi shuuneti birewoonaa aachoonoochee shuuneeti shahalleenaꞌon, ecceenaꞌonaa shakishakeenaꞌonoyich duppemminaꞌone.

Isiyaasi 42:10

Doono Yeerich andire shoddoon shoddebote; bi galletoon showee toommo bulliichaa shoddebote. Baharee toommona shaꞌee beetinaꞌo bulli, baharee daggooch beeti halleenaꞌo bulli, galletebote. Baharee gashooch, buure showoonaa arooch beetinaꞌonote, shoddebote.

Isiyaasi 42:4

Dayinnetoon showee toommooch bi tuniimmi wottoon, taahaachemmone; gibenoon kuxaachemmone; baharee gashoonaa buure showoonooch beetinaꞌo bi sheeroon waayoyich qaatemminaꞌone” iye.

Isiyaasi 49:1

Baharee gasheexi buure showooch beetinaꞌote, ta waanee ellebote; wohi showooch beeti aageteenaꞌote, waayebote: Doono Yeeri, ta shiijjeyaan beetaa, taan ceeggiye; ta indee maacooch ta beetaa, taach shigoon shigiihe.

Erimiyaasi 10:11

Ittoshiyoo boonoshich: “Shimaayoonaa showoonon hallaani ebi nuggisheenaꞌo showoonaa shimaayoyee deshinoochee aallemminaꞌone” gettemmo ittoshine.

Erimiyaasi 46:25

Israꞌeelee Nuggishoo, Beshe Mawe Doono Yeeri ishichiye: “Tebeesi nuggishoo Amoonin, Faroonin, Gibitsin, bi nuggisheenaꞌonaa bi taateenaꞌonon, Faroonin gibenee beetinaꞌonoo naxemmo taane.

Daaneeli 11:18

Aroyee gubb baharee gashooch beeti showeenaꞌon koyiree meetinaꞌon yechemmone. Tunebaani ikke ginee iraashoo biin koyi wochiree bi geecoon aalliyemmone; ebi taatoo geecoona bi tuniiti mooyo, bi toommooch bi wottemmoyich tuniyemmone.

Yoꞌeeli 2:11

Bi ginee naayinaꞌo aafoochaa, Doono Yeeri gigeebee, bi qaaroon waayiihe; bi ginee naayo mattiquttoone; ebi bi getoon ceechii beetinaꞌo giidechinaꞌone. Doono Yeerichi aabo oogeton shattii giiriitone; ebi aaboochee wodemmo konine?

Sofoniyaasi 1:4

“Yerusaalemi asheenaꞌonaa Yihudee asheenaꞌo bullinoyich ta mochoon bekkiyemmo taane. Baꞌaaloyich goyinneebeeti asheenaꞌon curooch beddaahaa aalliyemmo taane; ebi nuggishoyich maddeebeeti qeesheenaꞌon ta aalliitaa boonoshi shigo batteyemmone.

Sofoniyaasi 3:9

“Aroochee boonoshi bulli ta shigoon ceegiree ta waan boonoshi corootemmonaa ikkotteree taach boonoshi goyinne maddemmonoyich, aagetee asheenaꞌochi heciyoon xalloo tuniyemmo taane.

Zakaariyaasi 13:2

Beshe Mawe Doono Yeeri ishichiye: “Ebiyooba shahalleenaꞌochi shigoon showee toommoochee aalliyemmo taane. Aroyee gubb, ciroona shalligeyaachemminaꞌone. Koote keemechinaꞌonaa gonde ayaaneenaꞌonon showoochee aalliyemmo taane.

Zakaariyaasi 2:11

Ebiyoobee aabooch meeti aageteenaꞌo Doono Yeer waan wottemminaꞌone. Bi asheenaꞌonoo tunemminaꞌone. Biyoo ittoshi daggooch beeyemmone. Ittoshiyoo ittoshi waan taan wocheto Beshe Mawe Doono Yeeri tunoon ariyemmo ittoshine.

Zakaariyaasi 8:20

Beshe Mawe Doono Yeeri ishichiye: “Meeti katemoochee dofee asheenaꞌo woyemminaꞌone.

Zakaariyaasi 8:23

Beshe Mawe Doono Yeeri ishichiye: “Ebiyooba baribare noonoona yibbaateebeeti aageteenaꞌoochee, aashire asheenaꞌo ikke Ayihudo waan waa, bi qoreddee caappoon yeshiichi, ‘Yeeri ittoshina tookkii beeto bi tunoon no waayetoyich ittoshina tookki hambone’ gettemminaꞌone” iye.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Milikiyaasi 1:14

Beshe Mawe Doono Yeeri ishichiye: “Ta, ooge Taatoo taane; ta shigoo aageteenaꞌo daggooch shatteetone. Taach giddiiya bi mookketi bagee baaddoo bi gijjee daggooch beetaa, dawushoona shappe quumechon taach deejjoon giddiimmo uppeton tunebe” iye.

Yibbaatoo 32:38

Ittoshi deejjee awuyon maatinaꞌo, ittoshi woyinee uyee deejjoonoo uchitinaꞌo, eke and tiyiree ittoshin gaachebeete; eke ittoshin deeberee wodiibeete.

1 Ximootiyoosi 2:8

Illa doonjeenaꞌo bulli xaaꞌoochaa kaaroonaa hayoonon qayiichi, yaafeeti boonoshi kishoon damba tiijjiree boonoshi corootemmoyich daaggiyoye.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.