Sofoniyaasi 1:8 - Kafa Linguistics Project

⁸ Doono Yeeri ishichitone: “Ebi deejjee aabooba, iraasheenaꞌon, taatoochi bushiisheenaꞌonaa bare showee ashi doyoon dabbii beetinaꞌonon naxemmo taane.

Sofoniyaasi 1:8 ပူးပေါင်းရင်းမြစ်များ

2 Taateenaꞌo 10:22

Aroochee Yehi yaafeeti tahee ukkiroyich, “Baꞌaaloyich goyinnee beetinaꞌo bullich tahoon kichi deebe” iye. Ebich kichiꞌi boonoshich deebiye.

Isiyaasi 10:12

Doono, Tsiyooni guudonaa Yerusaaleminochi toommooch tuniiya bi gabito bullin tunii bi ciichitoyee gubb, Asooree taatoon bi mullee geecoonaa cunnennoonoyich naxemmone.

Isiyaasi 2:6

Yaaqobi yareenaꞌo tuneti ne asheenaꞌon qajjeto neene; ebiyoo showoo aabi-keyo waani asheenaꞌochi qaaxoona, Filsixeemeenaꞌochi iicoonoo bi ceennitoyichiye; asheenaꞌoo dallaaweenaꞌona tookkii guuphitinaꞌone.

Isiyaasi 24:21

Arooba Doono Yeeri shimaajji halleenaꞌon, showeexi iraasheenaꞌonoo naxemmone.

Isiyaasi 39:7

Ne shiyeti, ne hajjee bushiisheenaꞌoochee ikkikkeenaꞌo kecaa hammemminaꞌone; guruusho tuneree Baabloonee taatee kexooch maddemminaꞌone” iye.

Imbaaqoomi 1:10

Taateenaꞌon qallayiyeete; iraasheenaꞌonoo cooneheete. Mishigo bullin ciinniichii miicciyeete; showoon gutiꞌi are mishigechi katemoon yechiyeete.

Yibbaatoo 22:5

“Maachee anaamochi tahoon tahaayuye; anaamoo maachechi tahoon tahaaye. Ebin tuniibeeti asho ne Nuggishoo Doono Yeer waanaa ciigeetone.